Jeremias 12:11

Ang Biblia 2011

Kini gihimo nila nga awaaw; mingaw ug kini nagsubo ngari kanako. Ang tibuok nga yuta nahimong kamingawan, apan walay tawo nga nagtagad niini diha sa iyang kasingkasing.

Cross References

Ecclesiastes 7:2

Labawng maayo ang pag-adto sa balay sa kasub-anan, kay sa pag-adto sa balay sa nagkombira; kay kini mao ang kataposan sa tanang mga tawo ug ang buhi magtipig niini sa iyang kasingkasing.

Isaias 42:25

Tungod niini iyang gibubo ibabaw kaniya ang kabangis sa iyang kasuko, ug ang kabangis sa gubat; kini nakapasilaob kaniya sa iyang palibot, apan siya wala masayod niini; kini nakasunog kaniya, apan kini wala niya ibutang sa iyang kasingkasing.

Isaias 57:1

Ang matarong nga tawo mawala ug walay usa nga magbutang niini sa iyang kasingkasing; ang mga tawo nga maunongon kuhaon samtang walay bisan usa nga makasabot. Kay ang matarong nga tawo kuhaon gikan sa katalagman,

Jeremias 10:22

Pamatia ang huhungihong! Tan-awa, miabot na!— usa ka dakong kagahob gikan sa amihanan aron sa paghimo sa mga siyudad sa Juda nga kamingawan, puluy-anan sa mga irong ihalas.

Jeremias 10:25

Ibubo ang imong kaligutgot sa kanasoran nga wala makaila kanimo, ug nganha sa mga katawhan nga wala magsangpit sa imong ngalan; kay ilang gilamoy si Jacob; ilang gilamoy siya ug giut-ot ug gihimong awaaw ang iyang puluy-anan.

Jeremias 14:2

“Ang Juda nagsubo, ug nagluya ang mga ganghaan niini; ang iyang katawhan nagbangutan diha sa yuta, ug ang pagtuaw sa Jerusalem midangat sa itaas.

Jeremias 19:8

Ug kining siyudara himoon nako nga usa ka makalilisang, usa ka butang nga talamayon; ang tanan nga moagi niini malisang ug magtamay tungod sa tanang mga katalagman niini.

Jeremias 23:10

Kay ang yuta napuno sa mga mananapaw; tungod sa tunglo ang yuta nagsubo ug ang mga sibsibanan sa kamingawan nangauga. Ang ilang gisubay daotan, ug ang ilang kusog dili matarong.

Jeremias 25:11

Kining tibuok nga yuta mahimo nga ginuba ug biniyaan, ug kining mga nasora mag-alagad sa hari sa Babilonia sulod sa 70 ka tuig.

Jeremias 4:20

Ang katalagman nagsunod sa katalagman, ang tibuok nga yuta nalaglag. Sa kalit ang akong mga tolda nangalumpag, ang akong mga tabil sa usa lamang ka pagpamilok.

Jeremias 4:27

Kay mao kini ang giingon sa Ginoo, “Ang tibuok nga yuta mahimong biniyaan, apan dili nako kini taposon.

Jeremias 4:28

Tungod niini ang yuta magsubo, ug ang kalangitan sa ibabaw mahimong itom; kay ako misulti niini, ako nagtinguha niini; wala ako magbasol, o motalikod gikan niini.”

Jeremias 6:8

Pasidaan kini kanimo, O Jerusalem, kay tingali unya ug ako mahimulag kanimo; kay tingali unya ug himoon ko ikaw nga kamingawan, usa ka yuta nga walay magpuyo.”

Jeremias 9:10

“Himoa ang paghilak ug ang pagminatay alang sa kabukiran, ug pagbangutan alang sa sibsibanan sa kamingawan, tungod kay naawaaw na kini mao nga wala nay moagi niini, ug ang pag-inga sa mga baka dili na madungog; ang mga langgam sa kalangitan ug ang mga mananap namiya ug nangahanaw.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Jeremias 9:9

Dili ba nako sila silotan tungod niining mga butanga? nag-ingon ang Ginoo; dili ba ako manimalos batok sa usa ka nasod nga sama niini?

Joel 1:10

Ang kaumahan nangadaot, ang yuta nagsubo; tungod kay gilaglag ang trigo, ang bino nauga, ang lana nahubas.

Levitico 26:32

Laglagon usab nako ang yuta ug mahibulong ang inyong mga kaaway nga magpuyo niini.

Zacarias 7:5

“Sultihi ang tanang katawhan sa yuta ug ang mga pari. Sa dihang kamo nagpuasa ug nagbangutan sa ikalima ug sa ikapito nga bulan niining 70 ka tuig, alang ba kanako ang inyong pagpuasa?

Malaquias 2:2

Kon dili kamo mamati, kon dili ninyo kini ibutang sa inyong kasingkasing aron sa paghatag ug himaya sa akong ngalan, nag-ingon ang Ginoo sa mga panon, ipadala nako ang tunglo kaninyo ug tunglohon nako ang inyong mga panalangin. Sa pagkatinuod, gitunglo na nako kini tungod kay wala ninyo kini ibutang sa inyong kasingkasing.

Roma 8:22

Nahibalo kita nga ang tibuok kabuhatan nagduyog sa pag-agulo ug sa pag-antos sa kasakit hangtod karon.