Jeremias 12:1

Ang Biblia 2011

Matarong ikaw, O Ginoo, sa dihang nagmulo ako nganha kanimo; apan mangamuyo ako kanimo mahitungod sa akong kahimtang. Ngano nga mouswag man ang dalan sa daotan? Ngano nga molambo man ang tanan nga mabudhion?

Cross References

Genesis 18:25

Malayo unta kanimo ang pagbuhat sa ingon niana nga patyon nimo ang mga matarong uban sa mga daotan, ug nga sa ingon niana ang mga matarong mahisama sa mga daotan. Malayo unta kana kanimo! Dili ba nga ang Maghuhukom sa tibuok nga yuta magbuhat man sa matarong?”

Esdras 9:15

O Ginoo, ang Dios sa Israel, ikaw matarong kay kami nahibilin nga usa ka salin nga nakaikyas hangtod niining adlawa. Tan-awa, kami ania sa imong atubangan sa among pagkasad-an kay walay makatindog sa imong atubangan tungod niini.”

Nehemias 9:33

Apan ikaw matarong diha sa tanan nga midangat kanamo kay ikaw nagmaminatud-anon man apan kami nagbuhat ug daotan.

Job 12:6

Ang mga tolda sa mga kawatan anaa sa kalinaw, ug kadtong mga naghagit sa Dios layo sa kakuyaw, nga nagdala sa ilang diosdios diha sa ilang kamot.

Job 13:3

Apan mosulti gayod ako ngadto sa Labing Gamhanan, ug nagtinguha ako sa pagpangatarongan ngadto sa Dios.

Job 24:12

Gikan sa mga siyudad ang mga himatyon nag-agulo, ug ang kalag sa samaran nagsinggit ug pakitabang; bisan pa niana ang Dios wala magtagad sa ilang mga pag-ampo.

Job 24:23

Siya naghatag kanila ug kasigurohan ug gipaluyohan sila; ang iyang mga mata anaa sa ilang mga dalan.

Job 8:17

Ang iyang mga gamot mobalikos sa tinapok nga bato; siya nagpuyo taliwala sa kabatoan.

Salmo 116:5

Ang Ginoo puno sa grasya ug matarong; ang atong Dios maluluy-on!

Salmo 119:137

Matarong ikaw, O Ginoo, ug matarong ang imong mga paghukom.

Salmo 119:75

Nahibalo ako, O Ginoo, nga ang imong mga paghukom matarong, ug nga diha sa imong pagkamatinumanon gisakit nimo ako.

Salmo 145:17

Ang Ginoo matarong sa tanan niyang mga paagi, ug maayo sa tanan niyang mga buhat.

Salmo 37:1

Ayaw kaguol tungod sa mga daotan, ayaw kasina niadtong mga tigbuhat ug sayop!

Salmo 37:35

Nakita nako ang daotan nga anaa sa dakong gahom, ug mituybo sama sa cedro sa Lebanon.

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Salmo 51:6

Tan-awa, ikaw nagtinguha ug kamatuoran sa mga sulod nga bahin; busa tudloi ako sa kaalam diha sa tinago nakong kasingkasing.

Salmo 92:7

bisan ug manurok ang daotan sama sa balili, ug molambo ang tanang mga tigbuhat ug daotan, sila laglagon hangtod sa kahangtoran,

Mga Panultihon 1:32

Kay ang pagbiya sa mga yano magpatay kanila, ug ang pagpatuyang sa mga buang maglaglag kanila;

Ecclesiastes 8:14

Adunay kakawangan nga nahitabo sa ibabaw sa yuta, nga adunay matarong nga mga tawo nga mahitaboan sumala sa mga buhat sa daotan, ug adunay daotan nga mga tawo nga mahitaboan sumala sa mga buhat sa matarong. Ako miingon nga kini usab kakawangan.

Isaias 41:21

Ipasaka ang inyong sumbong, nag-ingon ang Ginoo; dad-a ang inyong pangatarongan, nag-ingon ang Hari ni Jacob.

Isaias 48:8

Ikaw wala makadungog, ikaw wala mahibalo, gikan pa kaniadto ang imong dalunggan wala maablihi. Kay ako nasayod nga ikaw magbudhi gayod, ug gitawag nga usa ka masupilon gikan pa sa pagkahimugso.

Jeremias 11:20

Apan, O Ginoo sa mga panon, nga naghukom diha sa katarong, nga nagsulay sa kasingkasing ug sa hunahuna, pakitaa ako sa imong pagpanimalos kanila, kay kanimo gitugyan nako ang akong katungod.

Jeremias 12:6

Kay bisan ang imong mga igsoon, ug ang balay sa imong amahan nagmabudhion kanimo; sila nagsinggit ug kusog batok kanimo; ayaw pagtuo kanila, bisan kon sila mosulti kanimo ug mga maayong pulong.”

Jeremias 3:20

Sa pagkatinuod, ingon nga ang usa ka maluibon nga asawa mobiya sa iyang bana, kamo usab nagluib kanako, O balay sa Israel, nag-ingon ang Ginoo.’ ”

Jeremias 3:7

Ug ako naghunahuna, ‘Human siya makabuhat niining tanan, mobalik siya kanako’; apan wala siya mobalik ug ang iyang malinglahong igsoon nga Juda nakakita niini.

Jeremias 32:16

“Human nako mahatag ang kalig-onan sa pagpalit ngadto kang Baruk nga anak ni Nerias, nag-ampo ako sa Ginoo, nga nag-ingon,

Jeremias 5:11

Kay ang balay sa Israel ug ang balay sa Juda nagbudhi gayod kanako, nag-ingon ang Ginoo.

Jeremias 9:2

Aduna unta akoy usa ka balay didto sa kamingawan alang sa mga tawong nagpanaw, aron ako makabiya sa akong katawhan ug mopalayo gikan kanila! Kay silang tanan mga mananapaw, usa ka katilingban sa mabudhiong mga tawo.

Mga Pagbangotan 1:18

“Ang Ginoo anaa sa matarong kay ako misukol batok sa iyang pulong; apan pamati, kamong tanan nga katawhan, ug sud-onga ang akong kasubo; ang akong mga ulay ug ang akong mga batan-ong lalaki nahimong mga binihag.

Ezequiel 18:25

“Bisan pa niana kamo nag-ingon, ‘Ang pamaagi sa Ginoo dili makiangayon.’ Pamati karon, O balay sa Israel! Dili ba makiangayon man ang akong pamaagi? Dili ba nga ang inyong mga pamaagi maoy dili makiangayon?

Daniel 9:14

Busa ang Ginoo nag-andam sa katalagman ug nagdala niini kanamo kay ang Ginoo nga among Dios matarong sa tanan niyang mga buhat nga iyang gibuhat ug kami wala motuman sa iyang tingog.

Daniel 9:7

Kanimo, O Ginoo, ang pagkamatarong, apan kanamo kaulawan, ingon niining adlawa, sa mga tawo sa Juda, sa mga nagpuyo sa Jerusalem ug sa tibuok nga Israel, kadtong duol ug kadtong layo, sa tanang yuta nga imong giabogan kanila tungod sa pagbudhi nga ilang nahimo batok kanimo.

Oseas 6:7

Apan didto sa Adam gilapas nila ang kasabotan, didto nagmaluibon sila kanako.

Habacuc 1:4

Busa ang balaod walay gahom, ug ang hustisya wala gayod magpadayon. Kay ang daotan naglibot sa matarong, busa ang hustisya nagpadayon nga gituis.

Sofonias 3:5

Ang Ginoo matarong diha kaniya, wala magbuhat ug sayop; matag buntag ipakita niya ang hustisya, sa matag kaadlawon siya dili magpakyas; apan ang dili matarong wala makaila ug kaulaw.

Malaquias 2:17

Gipakapoy ninyo ang Ginoo sa inyong mga pulong. Apan kamo miingon, “Giunsa namo pagpakapoy siya?” Pinaagi sa pag-ingon, “Ang matag usa nga nagbuhat ug daotan maayo sa atubangan sa Ginoo ug siya nahimuot kanila.” O pinaagi sa pag-ingon, “Hain man ang Dios sa hustisya?”

Malaquias 3:15

Ug karon ang mga mapahitas-on atong gitawag nga bulahan. Ang mga tigbuhat ug daotan wala lamang magmauswagon apan sa dihang gisulayan nila ang Dios sila nakaikyas.’ ”

Deuteronomio 32:4

“Ang Bato, ang iyang buhat hingpit, kay ang tanan niyang mga paagi matarong. Dios sa pagkamatinumanon ug walay kasal-anan, matarong ug tul-id siya.