Jeremias 11:22

Ang Biblia 2011

Busa mao kini ang giingon sa Ginoo sa mga panon, “Silotan nako sila; ang mga batan-ong lalaki mangamatay pinaagi sa espada; ang ilang mga anak nga lalaki ug mga anak nga babaye mangamatay pinaagi sa gutom;

Cross References

2 Cronicas 36:17

Busa gipadala niya batok kanila ang hari sa mga Caldeanhon nga mipatay sa ilang mga batan-ong lalaki pinaagi sa espada diha sa balay sa ilang balaang puluy-anan ug walay kaluoy sa batan-ong lalaki o sa ulay, sa mga tigulang o sa may panuigon, gitugyan niya silang tanan ngadto sa iyang kamot.

Jeremias 18:21

Busa itugyan ang ilang mga anak ngadto sa gutom; itugyan sila ngadto sa gahom sa espada, himoa nga ang ilang mga asawa mawad-an ug mga anak ug mabiyuda. Mangamatay unta ang ilang kalalakin-an pinaagi sa kamatay, ang ilang batan-on mangamatay pinaagi sa mga espada diha sa gubat.

Jeremias 21:14

Silotan nako kamo sumala sa bunga sa inyong mga binuhatan, nag-ingon ang Ginoo. Maghaling ako ug kalayo diha sa iyang lasang, ug kini maglamoy sa tanang naglibot kaniya.”

Jeremias 44:13

Silotan nako ang mopuyo sa yuta sa Ehipto sama sa akong pagsilot sa Jerusalem pinaagi sa espada, sa gutom ug sa kamatay,

Jeremias 49:26

Busa ang iyang mga batan-ong lalaki mangapukan sa iyang kadalanan, ug ang tanan inyong mga sundalo mangalaglag nianang adlawa, nag-ingon ang Ginoo sa mga panon.

Jeremias 9:21

Kay ang kamatayon midangat sa atong mga bintana, misulod kini sa atong mga palasyo, nanghabas sa mga kabataan gikan sa kadalanan, ug sa mga batan-ong lalaki gikan sa mga taboan.

Mga Pagbangotan 2:21

Diha sa abog sa kadalanan nagbuy-od ang batan-on ug ang tigulang; ang akong mga ulay ug ang akong mga batan-ong lalaki nangapukan pinaagi sa espada; sa adlaw sa imong kasuko gipatay nimo sila, giihaw sa walay kukaluoy.

Amos 4:10

“Gipadad-an ko kamo sa kamatay sama sa nahitabo sa Ehipto. gipamatay nako ang inyong mga batan-ong lalaki pinaagi sa espada; gikuha nako ang inyong mga kabayo; ug akong gipasulod ang kabaho sa inyong kampo nganha sa inyong mga ilong apan bisan pa niana, kamo wala mobalik kanako,” nag-ingon ang Ginoo.