Jeremias 11:15

Ang Biblia 2011

Unsay katungod sa akong hinigugma diha sa akong balay, nga siya nagbuhat man ug daotang mga buhat? Makasanta ba sa imong kaalaotan ang mga panumpa ug mga halad nga unod? Makahimo ba ikaw sa paglipay?

Cross References

Salmo 50:16

Apan ngadto sa daotan ang Dios nag-ingon: “Unsay katungod nimo sa pagpahayag sa akong kalagdaan, o sa pagdawat sa akong kasabotan diha sa imong mga ngabil?

Salmo 60:5

Aron maluwas ang imong mga gihigugma, hatagi ug kadaogan pinaagi sa imong tuong kamot ug tubaga kami!

Mga Panultihon 10:23

Alang sa buangbuang ang pagbuhat ug sayop sama sa usa ka dula, apan ang maalamon nga paggawi kalipay sa usa ka tawo nga may panabot.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Mga Panultihon 2:14

nga nalipay sa pagbuhat ug daotan, ug nahimuot sa pagkasukwahi sa daotan;

Mga Panultihon 21:27

Ang halad sa daotan usa ka dulumtanan; unsa pa kaha kon dad-on niya kini uban sa tuyo nga daotan.

Mga Panultihon 26:18

Sama sa usa ka buang nga tawo nga naglabay ug mga agipo, mga udyong ug kamatayon,

Mga Panultihon 28:9

Kon ang usa ka tawo maglingiw sa iyang dalunggan gikan sa pagpamati sa Balaod bisan ang iyang pag-ampo dulumtanan.

Isaias 50:1

Mao kini ang giingon sa Ginoo, “Hain man ang sulat sa pakigbulag sa imong inahan, nga pinaagi niini siya akong gibiyaan? O kinsa sa akong mga gikautangan ang gibaligyaan nako kaninyo? Tan-awa, tungod sa inyong mga kasal-anan nabaligya kamo, ug tungod sa inyong mga paglapas gibiyaan ang inyong inahan.

Jeremias 12:7

“Gibiyaan nako ang akong balay, gisalikway nako ang akong panulundon; gihatag nako ang minahal sa akong kalag ngadto sa mga kamot sa iyang mga kaaway.

Jeremias 13:27

Nakita nako ang imong mga dulumtanan, ang imong mga pagpanapaw ug ang imong mga pagbahihi, ang kalaw-ay sa imong pagpakighilawas, diha sa mga bungtod sa kaumahan. Alaot ikaw, O Jerusalem! Unsa ba ka dugay hangtod nga ikaw mahimo nga hinlo?”

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 2:2

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Jeremias 23:11

“Ang propeta ug ang pari dili diosnon; bisan sa akong balay nakita nako ang ilang pagkadaotan, nag-ingon ang Ginoo.

Jeremias 3:14

Balik kamo, O mga anak nga maluibon, nag-ingon ang Ginoo; kay ako mao ang inyong agalon; kuhaon ko kamo, usa gikan sa usa ka siyudad ug duha gikan ug sa usa ka panimalay ug dad-on ko kamo ngadto sa Zion.

Jeremias 3:8

Nakita niya nga alang sa tanang pagpanapaw niadtong maluibon nga Israel, gipalakaw ko siya uban sa sulat sa pakigbulag. Apan ang iyang malinglahong igsoon nga Juda wala mahadlok, hinuon siya usab miadto ug nagkighilawas.

Oseas 3:1

Ang Ginoo miingon pag-usab kanako, “Lakaw, higugmaa ang usa ka babaye nga hinigugma sa laing lalaki ug usa ka mananapaw, sama nga ang Ginoo nahigugma sa mga anak sa Israel bisan ug sila midangop ngadto sa laing mga dios, ug nahigugma sa mga torta nga pasas.”

Mateo 22:11

“Apan sa pagsulod sa hari aron sa pagtan-aw sa mga dinapit, nakita niya didto ang usa ka tawo nga wala magsul-ob ug bisti alang sa kombira sa kasal.

Lucas 8:28

Ug sa pagkakita niya kang Jesus, misiyagit siya ug mihapa sa iyang atubangan ug miingon sa kusog nga tingog, “Unsa bay imong tuyo kanako, Jesus, Anak sa Labing Halangdong Dios? Nagpakiluoy ako kanimo, ayaw intawon ako paantosa.”

Roma 11:28

Mahitungod sa Maayong Balita, sila mga kaaway sa Dios tungod ug alang kaninyo; apan mahitungod sa pagpili, sila mga hinigugma tungod sa ilang mga katigulangan.

1 Mga Taga-Corinto 13:6

Ang gugma dili malipay sa daotan, apan malipay kini sa kamatuoran,

Tito 1:15

Alang sa mga putli, ang tanang butang putli, apan alang sa mga hugaw ug dili matinuohon, walay butang nga putli, hinuon ang ilang mga hunahuna ug tanlag mao ang hugaw.

Santiago 4:16

Apan karon nanghambog kamo sa inyong pagkaandakan. Daotan ang maong pagpangandak.