Jeremias 11:11

Ang Biblia 2011

Busa mao kini ang giingon sa Ginoo, nagpadala ako ug kadaotan ngadto kanila nga dili nila malikayan; bisan ug sila magpakitabang kanako, dili ako mamati kanila.

Cross References

2 Mga Hari 22:16

Mao kini ang giingon sa Ginoo: Tan-awa, magdala ako ug kadaot niining dapita ug sa mga nagpuyo niini, sumala sa tanan nga mga pulong sa basahon nga gibasa sa hari sa Juda.

2 Cronicas 34:24

Kini mao ang giingon sa Ginoo: Magpadala ako ug kadaotan niining dapita ug sa ibabaw sa mga nagpuyo niini, ang tanang mga tunglo nga nasulat sa basahon nga ilang nabasa sa atubangan sa hari sa Juda.

Job 35:13

Ang Dios dili gayod magpatalinghog sa mga singgit nga kawang lamang, o tagdon kini sa Labing Gamhanan.

Salmo 18:41

Nagpakitabang sila, apan walay si bisan kinsa nga nakaluwas kanila; mituaw sila ngadto sa Ginoo apan siya wala motubag kanila.

Salmo 66:18

Kon gipalabi pa nako ang kadaotan dinhi sa akong kasingkasing, ang Ginoo dili unta magpatalinghog.

Mga Panultihon 1:28

Unya sila magsangpit kanako, apan dili ako motubag; sila mangita pag-ayo kanako, apan dili makakita kanako.

Mga Panultihon 29:1

Siya nga kanunay gibadlong apan nagpatikig sa iyang liog, kalit nga laglagon nga dili na maayo.

Isaias 1:15

Sa diha nga bayawon ninyo ang inyong mga kamot, tagoon nako ang akong mga mata gikan kaninyo; bisan ug maghimo pa kamo ug daghang mga pag-ampo, dili ako mamati; ang inyong mga kamot puno sa dugo.

Isaias 24:17

Ang kahadlok ug ang gahong ug ang laang, anaa kanimo, O lumulupyo sa yuta!

Jeremias 11:14

“Busa ayaw pag-ampo alang niini nga katawhan, o magpatugbaw ug pagpakitabang o pag-ampo alang kanila kay dili ako mamati sa diha nga sila magsangpit kanako panahon sa ilang kalisdanan.

Jeremias 11:17

Ang Ginoo sa mga panon nga nagtanom kanimo, nagbungat ug daotan batok kanimo, tungod sa kadaotan nga nahimo sa banay ni Israel ug sa banay ni Juda, naghagit kanako sa pagkasuko pinaagi sa pagsunog ug insenso alang kang Baal.”

Jeremias 14:12

Bisan pa ug magpuasa sila, dili ako mamati sa ilang pagtuaw ug bisan pa ug maghalad sila ug halad nga sunogon ug halad nga pagkaon, dili ako modawat niini apan puohon nako sila pinaagi sa espada, pinaagi sa gutom ug pinaagi sa kamatay.”

Jeremias 14:2

“Ang Juda nagsubo, ug nagluya ang mga ganghaan niini; ang iyang katawhan nagbangutan diha sa yuta, ug ang pagtuaw sa Jerusalem midangat sa itaas.

Jeremias 15:2

Ug sa diha nga sila mangutana kanimo, ‘Asa man kami moadto?’ ingna sila, ‘Kini mao ang giingon sa Ginoo: Kadtong alang sa kamatay, ngadto sa kamatay, ug kadtong alang sa espada, ngadto sa espada; kadtong alang sa gutom, ngadto sa gutom, ug kadtong alang sa pagkabihag, ngadto sa pagkabihag.’

Jeremias 18:11

Busa karon, isulti sa mga tawo sa Juda, ug sa mga nagpuyo sa Jerusalem: ‘Mao kini ang giingon sa Ginoo: Tan-awa, nag-umol ako ug daotan batok kaninyo, ug naghunahuna ug usa ka laraw batok kaninyo. Pamalik kamo, ang matag usa gikan sa iyang pamaagi nga daotan ug usba ninyo ang inyong mga pamaagi ug ang inyong mga buhat.’

Jeremias 19:15

“Mao kini ang giingon sa Ginoo sa mga panon, ang Dios sa Israel: Nagpadala ako niining siyudara ug sa tanang mga lungsod niini, sa tanang kadaot nga akong gibungat batok niini tungod kay gipatikig nila ang ilang mga liog, nagdumili sa pagpamati sa akong mga pulong.”

Jeremias 19:3

Ikaw mag-ingon, ‘Pamatia ninyo ang pulong sa Ginoo, O mga hari sa Juda ug mga lumulupyo sa Jerusalem. Mao kini ang giingon sa Ginoo sa mga panon, ang Dios sa Israel: Ako magpadala ug kadaot niining dapita, aron ang mga dalunggan sa matag usa nga makadungog niini mogilok.

Jeremias 23:12

Busa ang ilang dalan alang kanila mahimong mga agianan nga danglog diha sa kangitngitan, nga diha niini sila abogon ug mangahulog; kay magpadala ako kanila ug kadaot sa tuig sa pagsilot kanila, nag-ingon ang Ginoo.

Jeremias 25:35

Walay dalangpanan nga mahibilin alang sa mga tigbantay sa karnero, o kaikyasan alang sa mga pangulo sa panon!

Jeremias 35:17

Busa mao kini ang giingon sa Ginoo, ang Dios sa mga panon, ang Dios sa Israel: Ania, ako nagdala sa tanang kadaotan nga gisulti nako batok sa Juda ug sa tanang mga nagpuyo sa Jerusalem kay ako misulti kanila, apan sila wala mamati; ug ako nagtawag kanila, apan wala sila motubag.”

Jeremias 36:31

Ug ako magsilot kaniya ug sa iyang kaliwatan ug sa iyang mga sulugoon tungod sa ilang kasal-anan; ako magpadala kanila ug sa mga nagpuyo sa Jerusalem ug sa katawhan sa Juda sa tanang kadaot nga akong gisulti batok kanila, apan wala sila mamati.’ ”

Jeremias 6:19

Pamati, O yuta; tan-awa, ako magpadala ug kadaot diha niini nga katawhan, ang bunga sa ilang mga laraw, tungod kay wala sila mamati sa akong mga pulong; ug mahitungod sa akong Balaod, gisalikway nila kini.

Mga Pagbangotan 2:22

Gidapit nimo ingon sa adlaw sa gitakda nga kasaulogan ang akong mga kalisang sa tanang dapit; ug sa adlaw sa kasuko sa Ginoo walay nakaikyas o nahibilin; kadtong akong gitabyog ug gialimahan gilaglag sa akong kaaway.

Ezequiel 14:3

“Anak sa tawo, kining mga tawhana nagpahimutang sa ilang mga diosdios sulod sa ilang kasingkasing, ug nagbutang sa kapandolan sa ilang kasal-anan diha sa ilang atubangan. Tugotan ko ba sila sa pagpakisayod kanako?

Ezequiel 7:5

“Mao kini ang giingon sa Ginoong Dios: Katalagman human sa katalagman! Tan-awa, miabot na kini!

Ezequiel 8:18

Busa magbuhat ako diha sa kasuko. Ang akong mata dili maglaktaw o ako maluoy, ug bisag magtuaw sila sa akong mga igdulungog uban ang usa ka dakong tingog, dili ako mamati kanila.”

Amos 5:19

ingon sa usa ka tawo nga midagan gikan sa usa ka liyon ug usa ka oso ang mitagbo kaniya; o misulod sa usa ka balay ug misandig nga ang iyang kamot diha sa bungbong, ug ang usa ka bitin mipaak kaniya.

Miqueas 3:4

Unya sila magtuaw sa Ginoo, apan siya dili motubag kanila; magtago siya sa iyang nawong gikan kanila nianang panahona, tungod kay gihimo nila nga daotan ang ilang mga buhat.

Zacarias 7:13

“Ingon nga ako nagtawag ug sila wala mamati, mao usab nga sila nagtawag ug ako dili mamati, nag-ingon ang Ginoo sa mga panon,

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,