Jeremias 10:9

Ang Biblia 2011

Sinalsal nga plata gidala gikan sa Tarsis ug bulawan gikan sa Ufas. Kini buhat sa mga kamot sa hanas nga tigbuhat ug sa mga kamot sa tigsalsal ug bulawan; ang ilang bisti ubihon ug tapol; kining tanan binuhat sa mga tawong batid sa pagpamuhat.

Cross References

1 Mga Hari 10:22

Kay ang hari adunay panon sa mga barko sa Tarsis diha sa dagat, uban sa panon sa mga barko ni Hiram. Makausa sa matag tulo ka tuig, ang panon sa mga barko sa Tarsis namauli nga nagdala ug bulawan, plata marmol ug mga onggoy ug mga pabo-real.

2 Cronicas 9:21

Kay ang mga sakayan sa hari mag-adtoan sa Tarsis uban sa mga sulugoon ni Hiram makausa sa matag tulo ka tuig magdunggoan ang mga sakayan sa Tarsis nga magdala ug bulawan, plata, tango sa elepante, mga aliwas ug mga paboreyal.

Salmo 115:4

Ang ilang mga diosdios plata ug bulawan, binuhat sa mga kamot sa mga tawo.

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Isaias 23:6

Panabok kamo ngadto sa Tarsis, pagminatay, O mga lumulupyo sa kabaybayonan!

Isaias 40:19

Ang larawan! Usa ka tigbuhat nagtunaw niini, ug ang tigsalsal sa bulawan nagsapaw niini sa bulawan, ug nagtunaw alang niini sa kadena nga plata.

Ezequiel 27:12

“Ang Tarsis nakigpatigayon kanimo tungod sa kadaghan sa imong nagkalainlaing matang nga mga bahandi. Ang plata, puthaw, estanyo, ug tingga ilang gibaylo alang sa imong mga baligya.

Ezequiel 27:7

Pinong lino nga binurdahan gikan sa Ehipto ang imong layag, ingon nga imong bandila; ang asul ug tapol gikan sa mga pulo sa Elisa mao ang imong tolda.

Daniel 10:5

akong giyahat ang akong mga mata ug mitan-aw ug akong nakita ang usa ka tawo nga nagbisti ug lino nga ang hawak gibaksan ug bulawan sa Upaz.

Oseas 8:6

Kay kini gikan sa Israel, usa ka tigbuhat naghimo niini, dili ang Dios Ang nating baka sa Samaria dugmokon.

Jonas 1:3

Apan si Jonas miikyas hinuon paingon sa Tarsis, gikan sa atubangan sa Ginoo. Siya miadto sa Jopa ug nakakita ug usa ka barko paingon sa Tarsis, busa mibayad siya sa pliti ug misakay aron sa pag-adto uban kanila ngadto sa Tarsis, gikan sa atubangan sa Ginoo.

Habacuc 2:19

Alaot siya nga nag-ingon ngadto sa kahoy, “Pagmata;” ngadto sa amang nga bato, “Tindog!” Makahatag ba kini ug pagpadayag? Tan-awa, kini gihal-opan ug bulawan ug plata, ug wala gayoy gininhawa sa sulod niini.