Jeremias 10:7

Ang Biblia 2011

Kinsay dili mahadlok kanimo, O Hari sa mga nasod? Kay mao kini ang angay kanimo; kay sa taliwala sa mga maalamon sa kanasoran, ug sa tanan nilang mga gingharian, walay bisan usa nga sama kanimo.

Cross References

2 Mga Hari 17:39

apan kahadloki ninyo ang Ginoo nga inyong Dios ug siya magluwas kaninyo gikan sa kamot sa tanan ninyong mga kaaway.”

1 Cronicas 16:25

Kay gamhanan ang Ginoo ug takos gayod nga dayegon pag-ayo, ug siya kahadlokan labaw sa tanang mga dios.

Ester 1:13

Unya ang hari miingon sa mga maalamon nga tawo nga nahibalo sa mga panahon kay kini mao ang pamaagi sa hari kaniadto ngadto sa tanan nga nahibalo sa balaod ug sa paghukom,

Salmo 147:5

Gamhanan ang atong Ginoo, ug madagayaon sa gahom, ang iyang salabotan dili masukod.

Salmo 22:28

Kay iya sa Ginoo ang gingharian, ug siya mao ang nagmando sa mga nasod.

Salmo 47:3

Gibuntog niya ang mga katawhan sa ilalom nato, ug ang mga nasod sa ilalom sa atong mga tiil.

Salmo 72:11

Ang tanang mga hari magyukbo unta sa atubangan niya; mag-alagad unta kaniya ang tanang mga nasod!

Salmo 76:7

Apan ikaw, ikaw makalilisang gayod! Kinsay makabarog sa imong atubangan sa diha nga ikaw masuko?

Salmo 86:8

Walay bisan usa nga sama kanimo taliwala sa mga dios, O Ginoo, o may mga buhat nga sama sa imo.

Salmo 86:9

Ang tanang mga nasod nga imong gibuhat moduol ug mosimba sa atubangan nimo, O Ginoo, ug maghimaya sila sa imong ngalan.

Salmo 89:6

Kay kinsa man diha sa kalangitan ang ikatandi sa Ginoo? Kinsa sa mga langitnong binuhat ang sama sa Ginoo,

Exodo 8:10

Ug ang Paraon miingon, “Ugma.” Si Moises miingon, “Matuman kini sumala sa imong pulong, aron mahibalo ikaw nga walay usa nga sama sa Ginoo nga among Dios.

Exodo 9:14

Kay niining panahona ako magpadala sa tanan nakong katalagman diha sa imong kasingkasing, sa imong mga alagad ug sa imong katawhan, aron ikaw mahibalo nga walay usa nga sama kanako sa tibuok kalibotan.

Isaias 2:4

Siya maghukom taliwala sa kanasoran, ug maghukom alang sa daghang mga katawhan, ug ang ilang mga espada himoon nilang mga punta sa daro, ug ang ilang mga bangkaw himoon nga mga galab; usa ka nasod dili mobakyaw sa espada batok sa usa ka nasod, o magbansay pa sila sa pagpakiggubat.

Jeremias 10:6

Walay si bisan kinsa nga sama kanimo, O Ginoo; bantogan ikaw, ug ang imong ngalan bantogan sa gahom.

Jeremias 5:22

Dili ba kamo mahadlok kanako? nag-ingon ang Ginoo; Dili ba kamo mokurog sa akong atubangan? Gibutang nako ang balas ingon nga utlanan alang sa dagat, usa ka babag nga dayon nga kini dili makalabang; bisan ang mga balod moisa, dili kini mopatigbabaw, bisan ug kini modahunog, dili kini makalabang niini.

Daniel 2:27

Si Daniel mitubag sa hari, “Walay maalamong tawo, mga tigpanglamat, mga tigsalamangka, o tigpanagna pinaagi sa mga bituon nga makahimo sa pagpadayag ngadto sa hari sa tinago nga iyang gipangayo,

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Habacuc 3:2

O Ginoo, nakabati ako sa balita mahitungod kanimo, ug sa imong buhat, O Ginoo, ako nahadlok. Taliwala sa katuigan bag-oha kini, taliwala sa katuigan ipahibalo kini; diha sa kapungot hinumdomi ang kaluoy.

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Lucas 12:5

Apan pasidan-an ko kamo kon kinsay angay ninyong kahadlokan: kahadloki siya nga, human mopatay, may gahom sa pagtambog ngadto sa imperno; oo, sultihan ko kamo, kahadloki siya!

1 Mga Taga-Corinto 8:6

apan alang kanato adunay usa lamang ka Dios, ang Amahan, nga gigikanan sa tanang mga butang ug kita alang kaniya, ug usa lamang ka Ginoo, si Jesu-Cristo, nga pinaagi kaniya mao kita ug ang tanang mga butang.

Josue 4:24

aron ang tanang katawhan sa kalibotan mahibalo nga ang kamot sa Ginoo gamhanan, aron kamo mahadlok sa Ginoo nga inyong Dios hangtod sa kahangtoran.”

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 15:4

Kinsa bay dili mahadlok ug dili maghimaya sa imong ngalan, O Ginoo? Kay ikaw lamang mao ang balaan. Ang tanang kanasoran manganha ug magsimba diha sa imong atubangan, kay ang imong mga hukom gikapadayag na man.”