Jeremias 10:3

Ang Biblia 2011

kay ang mga batasan sa mga katawhan kakawangan. Ang kahoy gikan sa lasang giputol ug gibuhat pinaagi sa mga kamot sa magkukulit ginamit ang wasay.

Cross References

Salmo 115:4

Ang ilang mga diosdios plata ug bulawan, binuhat sa mga kamot sa mga tawo.

Isaias 45:20

“Pagtigom kamo ug panganhi, panuol kamo, kamo nga nasalin sa kanasoran! Sila walay kahibalo, sila nga nagdala sa ilang kahoy nga larawan, ug nagpadayon sa pag-ampo sa usa ka dios nga dili makaluwas.

Jeremias 1:16

Ug akong ibungat ang akong mga paghukom batok kanila, tungod sa tanan nilang kadaotan sa pagbiya kanako. Nagsunog sila ug insenso ngadto sa laing mga dios ug nagsimba sa mga buhat sa ilang kaugalingong mga kamot.

Jeremias 10:8

Sila mga hungog ug buangbuang; ang pagtulun-an sa mga diosdios mga kahoy lamang!

Jeremias 14:22

Aduna ba diha sa mga diosdios sa mga nasod nga makapadala ug ulan? O makahatag ba ang langit ug ulan? Dili ba ikaw man, O Ginoo nga among Dios? Among gibutang ang among paglaom kanimo, kay ikaw man maoy nagbuhat niining tanang mga butang.

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Jeremias 2:5

Mao kini ang gisulti sa Ginoo: “Unsay sayop nga nakita sa inyong mga katigulangan kanako, nga mipalayo man sila gikan kanako, ug misunod sa kakawangan, ug nangahimong kawang?

Levitico 18:30

Busa timan-i gayod ang akong pahimangno nga dili kamo magbuhat sa bisan unsa niining batasana nga dulumtanan nga gibuhat sa mga nahiuna kaninyo, ug ayaw ninyo hugawi ang inyong kaugalingon niining mga butanga. Ako mao ang Ginoo nga inyong Dios.”

Mateo 6:7

“Sa inyong pag-ampo, ayaw paggamit ug daghang mga pulong nga walay kapuslanan, ingon sa gihimo sa mga Gentil kay sila nagdahom nga pamation sila tungod sa daghan nilang mga pulong.

Mga Buhat 19:26

Ug kamo nakakita ug nakadungog nga dili lamang dinhi sa Efeso kondili hapit sa tibuok Asia, daghan ang mga tawo nga gipangdani ug gipahisalaag ni Pablo nga nag-ingon nga ang mga dios nga binuhat ug mga kamot dili mga dios.

Roma 1:21

kay bisan ug nahibalo sila sa Dios, wala nila siya pasidunggi ingon nga Dios o magpasalamat sila kaniya, hinuon ang ilang pangatarongan nahimong walay hinungdan ug gingitngitan ang ilang walay buot nga kasingkasing.

1 Pedro 1:18

Kamo nasayod nga kamo gilukat gikan sa walay hinungdan nga paggawi nga inyong napanunod gikan sa inyong mga ginikanan, dili pinaagi sa mga butang nga madugta sama sa plata o bulawan,