Jeremias 10:25

Ang Biblia 2011

Ibubo ang imong kaligutgot sa kanasoran nga wala makaila kanimo, ug nganha sa mga katawhan nga wala magsangpit sa imong ngalan; kay ilang gilamoy si Jacob; ilang gilamoy siya ug giut-ot ug gihimong awaaw ang iyang puluy-anan.

Cross References

Job 18:21

Sa pagkatinuod ingon niana ang mga pinuy-anan sa mga dili matarong, ingon niana ang dapit niadtong wala makaila sa Dios.”

Salmo 14:4

Wala ba silay kahibalo, ang tanan nga tigbuhat ug daotan nga naglamoy sa akong katawhan ingon sa pagkaon nila ug pan, ug wala magsangpit sa Ginoo?

Salmo 147:20

Wala niya buhata ang ingon niini ngadto sa bisan unsa nga nasod; wala sila mahibalo sa iyang mga tulumanon. Dayega ang Ginoo!

Salmo 27:2

Sa diha nga nagtigom batok kanako ang mga tigbuhat ug daotan, nagsulti ug mga pagpasipala batok kanako, ang akong mga kabatok ug mga kaaway, sila mangapandol ug mangapukan.

Salmo 69:24

Ibubo sa ibabaw nila ang imong kaligutgot, ug himoa nga ang kabangis sa imong kasuko makaagpas kanila.

Isaias 43:22

“Bisan pa niini ikaw wala magsangpit kanako, O Jacob; hinuon ikaw gipul-an na kanako, O Israel!

Isaias 64:7

Walay usa nga nagtawag sa imong ngalan, nga nagpadasig sa iyang kaugalingon aron sa pagkupot kanimo; kay gitagoan man nimo ang imong nawong gikan kanamo, ug gitugyan kami ngadto sa among kasal-anan.

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Jeremias 11:1

Ang pulong nga midangat kang Jeremias gikan sa Ginoo:

Jeremias 30:16

Busa kadtong tanan nga milamoy kanimo lamyon usab, ug ang tanan nimong mga kaaway, ang matag usa kanila, moadto sa pagkabihag; kadtong nanglungkab kanimo mahimong lungkaban usab, ug ang tanan nga motukob kanimo himoon nako nga tukbonon.

Jeremias 50:17

“Ang Israel mao ang giayam nga karnero nga giabog sa mga liyon. Una, ang hari sa Asiria milamoy kaniya ug karon sa kataposan gikitkit ang iyang mga bukog ni Nabucodonosor nga hari sa Babilonia.

Jeremias 50:7

Gitukob sila sa tanan nga nakakita kanila ug ang ilang mga kaaway miingon, ‘Kami dili sad-an, kay sila nakasala batok sa Ginoo, ang ilang matuod nga puluy-anan, ang Ginoo, ang paglaom sa ilang mga katigulangan.’

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Mga Pagbangotan 2:22

Gidapit nimo ingon sa adlaw sa gitakda nga kasaulogan ang akong mga kalisang sa tanang dapit; ug sa adlaw sa kasuko sa Ginoo walay nakaikyas o nahibilin; kadtong akong gitabyog ug gialimahan gilaglag sa akong kaaway.

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

Sofonias 3:8

Busa paghulat kamo kanako, nag-ingon ang Ginoo, hangtod sa adlaw nga ako mobarog ingon nga saksi. Kay ang akong hukom mao ang pagtigom sa mga nasod, sa pagtigom sa mga gingharian, aron ibubo nako ibabaw kanila ang akong kayugot, ang tibuok kainit sa akong kasuko; kay ang tibuok nga yuta ut-oton pinaagi sa kalayo sa akong pangabubho.

Zacarias 1:15

Ug ako nasuko gayod sa mga nasod nga nagpuyo sa kasayon. Kay sa dihang gamay ra unta ang akong kasuko, ilang gipalabihan ang katalagman niini.

Juan 17:25

O Amahan nga matarong, ang kalibotan wala makaila kanimo apan ako nakaila kanimo ug kini sila nahibalo nga ikaw mao ang nagpadala kanako.

Mga Buhat 17:23

Kay sa dihang miagi ako ug naniid sa inyong mga gisimba, nakita usab nako ang usa ka halaran nga gisulatan niini, ‘Alang sa dios nga wala mailhi.’ Kining inyong gisimba nga wala ninyo mailhi, mao ang akong gisangyaw kaninyo.

1 Mga Taga-Corinto 15:34

Pagmaugdang kamo, pagmatarong ug ayaw na kamo pagpakasala kay ang uban walay kahibalo mahitungod sa Dios. Gisulti ko kini aron maulaw kamo.

1 Mga Taga-Tesalonica 4:5

dili diha sa tinguha sa kaulag sama sa mga Gentil nga wala makaila sa Dios,

2 Mga Taga-Tesalonica 1:8

Siya magpahamtang ug panimalos batok kanila nga wala moila sa Dios ug kanila nga wala magtuman sa Maayong Balita sa atong Ginoong Jesus.

Gipadayag 16:1

Unya nadungog nako ang usa ka kusog nga tingog gikan sa templo, nga nag-ingon sa pito ka anghel, “Pangadto na kamo ug iyabo ninyo sa kalibotan ang pito ka panaksan sa kapungot sa Dios.”