Jeremias 10:17

Ang Biblia 2011

Tigoma ang imong mga abot gikan sa yuta, O ikaw nga nagpuyo nga gilibotan sa kaaway!

Cross References

Jeremias 21:13

“Tan-awa, ako batok kanimo, O mga lumulupyo sa walog, O bato sa kapatagan, nag-ingon ang Ginoo; kamo nga nag-ingon, ‘Kinsay moanhi batok kanato, o kinsay mosulod sa atong puluy-anan?’

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Miqueas 2:10

Tindog kamo ug lakaw, kay kini dili mao ang inyong pahulayanan; tungod sa kahugawan nga naglaglag uban sa hilabihan nga pagkalaglag.

Mateo 24:15

“Busa inigkakita ninyo sa makalilisang nga pagpasipala diha sa Templo nga gihisgotan sa propeta nga si Daniel, nga magtindog sa Dapit nga Balaan (pasabta niini ang magbasa),

Deuteronomio 28:52

Ug sila mosulong kaninyo sa tanan ninyong mga lungsod, hangtod nga mapukan ang inyong mga tag-as ug lig-on nga mga kuta nga inyong gisaligan sa tibuok ninyong yuta. Ug sila mosulong kaninyo sa tanan ninyong mga lungsod, sa tibuok ninyong yuta nga gihatag kaninyo sa Ginoo nga inyong Dios.