Jeremias 10:14

Ang Biblia 2011

Ang matag tawo hungog ug walay kahibalo; ang matag tigsalsal ug bulawan gipakaulawan pinaagi sa iyang mga diosdios; kay ang iyang mga nga larawan kabakakan, ug walay gininhawa diha kanila.

Cross References

Salmo 14:2

Ang Ginoo nagsud-ong gikan sa langit ngadto sa mga anak sa mga tawo, sa pagtan-aw kon may usa ba nga maalam, nga nangita sa Dios.

Salmo 92:6

Ang tawo nga hungog dili makahibalo, ang buangbuang dili makasabot niini:

Salmo 94:8

Palandonga ninyo, kamong mga kinahungogan sa katawhan! Mga buangbuang, kanus-a ba kamo magmaalamon?

Salmo 97:7

Ang tanan nga nagsimba ug mga larawan maulawan, sila nga nangandak sa ilang kaugalingon tungod sa mga diosdios; ang tanang mga dios magyukbo kaniya.

Mga Panultihon 30:2

Sa pagkatinuod ako walay alamag nga pagkatawo. Wala akoy pagpanabot nga iya sa usa ka tawo.

Isaias 42:17

Sila pabalikon ug pakaulawan gayod, kadtong nagsalig sa kinulit nga mga larawan, kadtong nag-ingon sa tinunaw nga mga larawan, “Kamo mao ang among mga dios.”

Isaias 44:11

Tan-awa, ang tanan niyang mga kauban pakaulawan, ug ang mga tigbuhat mga tawo lamang. Papundoka silang tanan, patindoga sila. Sila mangahadlok, sila pakaulawan sa tingob.

Isaias 45:16

Silang tanan maulawan ug mangalibog, ang mga tigbuhat ug mga diosdios mangalibog sa tingob.

Isaias 57:12

Ako magsugilon mahitungod sa imong pagkamatarong ug sa imong mga buhat, apan kini dili makatabang kanimo.

Jeremias 10:5

Kini sama sa tawotawo sa uma sa pakwan ug dili kini makasulti; kinahanglan nga kini pas-anon kay dili man kini makalakaw. Ayaw kahadlok kanila, kay kini dili makabuhat ug daotan, o anaa niini ang pagbuhat ug maayo.”

Jeremias 10:8

Sila mga hungog ug buangbuang; ang pagtulun-an sa mga diosdios mga kahoy lamang!

Roma 1:25

kay ang kamatuoran mahitungod sa Dios ilang gipulihan ug bakak ug mao na hinuoy ilang gisimba ug gialagaran ang binuhat ug wala nila simbaha ug alagara ang Magbubuhat nga dalaygon hangtod sa kahangtoran! Amen.

1 Samuel 5:4

Apan sa ilang pagbangon sayo sa pagkasunod buntag, si Dagon natumba na usab sa atubangan sa sudlanan sa kasabotan sa Ginoo, ug ang ulo ni Dagon ug ang duha niini ka kamot nangaputol nga didto na nahimutang sa tugkaran ug ang lawas ni Dagon mao ray nahibilin kaniya.