Jeremias 10:13

Ang Biblia 2011

Sa dihang magpagula siya sa iyang tingog, adunay kasamok sa tubig diha sa kalangitan, ug iyang pasakaon ang mga alisngaw gikan sa mga kinatumyan sa yuta. Siya nagbuhat ug mga kilat alang sa ulan, ug nagpagula sa hangin gikan sa iyang mga tipiganan.

Cross References

Genesis 2:5

wala pay tanom sa kapatagan diha sa yuta ug wala pay mga tanom nga nanurok sa kapatagan kay ang Ginoong Dios wala pa magpaulan sa ibabaw sa yuta, ug wala pay tawo nga mouma sa yuta.

1 Mga Hari 18:41

Unya si Elias miingon kang Ahab, “Tungas, kaon ug inom, kay may dinahunog sa ulan.”

Job 38:22

“Nakasulod ka na ba sa mga balay tipiganan sa yelo, o nakita na ba nimo ang mga balay tipiganan sa ulan nga yelo,

Salmo 104:13

Gikan sa habog nimong puluy-anan ikaw nagpatubig sa kabukiran; sa bunga sa imong mga buhat nabuhong ang yuta.

Salmo 135:17

sila adunay mga dalunggan, apan dili makadungog, walay gininhawa sa ilang mga baba.

Salmo 135:7

Siya ang nagpasaka sa mga panganod gikan sa mga kinatumyan sa yuta, ang nagbuhat sa mga kilat alang sa ulan ug nagpagula sa hangin gikan sa iyang mga balay tipiganan.

Salmo 147:8

Iyang gitabonan ang kalangitan pinaagi sa mga panganod, nag-andam siya ug ulan alang sa yuta, nagpaturok siya ug sagbot diha sa kabungtoran.

Salmo 18:13

Ang Ginoo usab mipadahunog didto sa kalangitan, ug ang Labing Halangdon mipalanog sa iyang tingog.

Salmo 68:33

kaniya nga nagsakay sa kalangitan, sa kalangitan sa kakaraanan; pamati, siya mipalanog sa iyang tingog, sa iyang gamhanang tingog.

Exodo 9:23

Busa gituy-od ni Moises ang iyang sungkod ngadto sa langit, ug nagpadalugdog ang Ginoo ug nagpaulan ug yelo ug ang kalayo mikatap ngadto sa yuta. Gipaulanan sa Ginoo ug ulan nga yelo ang yuta sa Ehipto,

Jeremias 14:22

Aduna ba diha sa mga diosdios sa mga nasod nga makapadala ug ulan? O makahatag ba ang langit ug ulan? Dili ba ikaw man, O Ginoo nga among Dios? Among gibutang ang among paglaom kanimo, kay ikaw man maoy nagbuhat niining tanang mga butang.

Jeremias 19:12

Mao kini ang akong buhaton niining dapita, ug ngadto sa mga nagpuyo niini, maghimo niining siyudad nga sama sa Tofet, nag-ingon ang Ginoo.

Jeremias 5:24

Wala sila moingon sa ilang mga kasingkasing, ‘Kahadlokan nato ang Ginoo nga atong Dios, nga naghatag ug ulan sa iyang panahon, ang ulan sa tingpugas ug ang ulan sa ting-ani, ug nagtagana alang kanato sa mga semana nga gitakda alang sa ting-ani.’

Jeremias 51:16

Sa dihang mobungat siya sa iyang tingog, adunay dinahunog sa katubigan diha sa kalangitan, ug iyang gipasaka ang mga inalisngaw gikan sa mga kinatumyan sa yuta. Naghimo siya ug mga kilat alang sa ulan, ug gipagula niya ang hangin gikan sa iyang mga tipiganan.

Amos 4:13

Kay ania, siya nga naghimo sa mga bukid, ug nagbuhat sa hangin, ug nagpahayag sa tawo kon unsa ang iyang hunahuna, nga nagbuhat sa kabuntagon nga kangitngit ug nagtunob sa habog nga mga dapit sa yuta— si Yahweh, ang Dios sa mga panon, mao ang iyang ngalan!

Zacarias 10:1

Pangayo kamo sa Ginoo ug ulan panahon sa ulahing ulan, gikan sa Ginoo nga naghimo sa mga dag-om, nga naghatag sa madagayaong ulan ngadto sa mga tawo, ngadto sa matag usa sa mga tanom sa kapatagan.