Jeremias 1:7

Ang Biblia 2011

Apan ang Ginoo miingon kanako, “Ayaw pag-ingon, ‘Ako usa lamang ka batan-on’; kay ngadto sa tanan nga akong paadtoan kanimo moadto ikaw, ug bisan unsa nga akong isugo kanimo isulti nimo.

Cross References

1 Mga Hari 22:14

Ug si Micaias miingon, “Ingon nga ang Ginoo buhi, unsay isulti sa Ginoo kanako, kini maoy akong isulti.”

1 Mga Hari 3:7

Ug karon, O Ginoo nga akong Dios, gihimo nimo ang imong sulugoon nga hari puli kang David nga akong amahan, bisan ug ako usa lamang ka gamay nga bata, wala ako mahibalo kon unsaon paggula o pagsulod.

2 Cronicas 18:13

Apan si Micaias miingon, “Ingon nga ang Ginoo buhi, unsay gisulti sa akong Dios, kana maoy akong isulti.”

Exodo 6:29

ang Ginoo miingon, “Ako ang Ginoo, sultihi ang Paraon nga hari sa Ehipto sa tanan nga akong gisulti kanimo.”

Jeremias 26:2

“Mao kini ang giingon sa Ginoo: Tindog sa hawanan sa balay sa Ginoo, ug isulti ngadto sa tanang mga siyudad sa Juda nga nanganhi aron sa pagsimba sulod sa balay sa Ginoo ang tanang mga pulong nga gisugo nako kanimo nga isulti kanila; ayaw sayloi bisan usa ka pulong.

Jeremias 43:1

Sa dihang nahuman si Jeremias pagsulti ngadto sa tibuok katawhan sa tanang mga pulong sa Ginoo nga ilang Dios, nga niini gipadala siya sa Ginoo nga ilang Dios ngadto kanila,

Jeremias 7:27

“Busa isulti nimo kanila kining tanan nga mga pulong, apan dili sila mamati kanimo. Tawgon nimo sila apan dili sila motubag kanimo.

Ezequiel 2:7

Ug ikaw magsulti kanila sa akong mga pulong, mamati man sila o magdumili sa pagpamati, kay sila usa ka panimalay nga masupilon.

Ezequiel 3:27

Apan sa diha nga ako makigsulti kanimo, ablihan nako ang imong baba ug ikaw moingon kanila, ‘Kini mao ang giingon sa Ginoong Dios.’ Siya nga mamati, papamatia siya, ug siya nga magdumili sa pagpamati, padumilia siya, kay sila usa ka panimalay nga masupilon.

Amos 7:15

ug gikuha ako sa Ginoo gikan sa pagsunod sa panon, ug ang Ginoo miingon kanako, ‘Lakaw, pagpropesiya ngadto sa akong katawhan nga Israel.’

Jonas 3:2

“Tindog, adto sa Ninibe, kanang dakong siyudad ug sangyawi kini sa mensahe nga gisugo nako kanimo.”

Numeros 22:20

Ug ang Dios miadto kang Balaam sa pagkagabii ug miingon kaniya, “Kon manganhi ang mga tawo sa pagtawag kanimo, tindog ug uban kanila, apan ang isugo lamang nako kanimo maoy imong buhaton!”

Numeros 22:38

Si Balaam miingon kang Balak, “Ania ako karon mianhi kanimo! Aduna ba akoy gahom karon sa pagsulti ug bisan unsa? Ang pulong nga ibutang sa Dios sa akong baba, kana maoy akong isulti.”

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Mga Buhat 20:27

kay wala man nako itago kaninyo ang tanang katuyoan sa Dios.