Jeremias 1:5

Ang Biblia 2011

“Sa wala pa nako ikaw buhata diha sa taguangkan nakaila na ako kanimo, ug sa wala pa ikaw mahimugso gigahin ko na ikaw; gipili ko ikaw nga propeta ngadto sa kanasoran.”

Cross References

Salmo 139:15

ang akong lawas wala matago gikan kanimo, sa diha nga gibuhat ako sa tago, sa makuti gibuhat sa kinahiladman sa yuta.

Salmo 139:16

Ang imong mga mata nakakita sa akong lawas nga wala pa maumol, diha sa imong basahon nasulat ang tanan niini, ang mga adlaw nga natakda alang kanako, sa diha nga wala pay usa niini.

Exodo 33:12

Unya si Moises miingon sa Ginoo, “Tan-awa, ikaw nag-ingon kanako, ‘Dad-a kining katawhan,’ apan ikaw wala magpahibalo kanako kon kinsa ang imong ipadala uban kanako. Apan ikaw miingon, ‘Ako nakaila kanimo pinaagi sa imong ngalan, ug nakakaplag usab ug kahimuot diha sa akong panan-aw.’

Exodo 33:17

Ug ang Ginoo miingon kang Moises, “Buhaton nako kining butanga nga imong giingon kay nakakaplag man ikaw ug kahimuot dinhi sa akong panan-aw ug nakaila ako kanimo pinaagi sa imong ngalan.”

Isaias 44:2

Mao kini ang giingon sa Ginoo nga nagbuhat kanimo, nag-umol kanimo gikan sa tagoangkan, ug magtabang kanimo: Ayaw kahadlok, O Jacob nga akong sulugoon, Jesurun nga akong pinili.

Isaias 49:1

Pamati kanako, O mga pulo, ug pagpatalinghog, kamo nga mga katawhan gikan sa layo. Gitawag ako sa Ginoo gikan sa tagoangkan, gikan sa ginhawaan sa akong inahan iya na akong ginganlan.

Isaias 49:5

Ug karon nag-ingon ang Ginoo, nga nag-umol kanako gikan pa sa tagoangkan aron mahimong iyang sulugoon, aron sa pagdala ug balik kang Jacob ngadto kaniya, ug nga ang Israel matigom ngadto kaniya, kay ako gipasidunggan diha sa mga mata sa Ginoo, ug ang akong Dios nahimo nga akong kusog—

Jeremias 1:10

Tan-awa, ako nagpahiluna kanimo niining adlawa ibabaw sa kanasoran ug ibabaw sa mga gingharian, sa paglangkat ug sa paggun-ob, sa paglaglag ug sa pagpukan, sa pagtukod ug sa pagtanom.”

Jeremias 1:4

Unya ang pulong sa Ginoo midangat kanako nga nag-ingon,

Jeremias 20:15

Tinunglo ang tawo nga nagdala ug balita ngadto sa akong amahan, nga nag-ingon, “Usa ka bata nga lalaki natawo kanimo,” naghimo kaniya nga malipayon kaayo.

Jeremias 25:13

Akong dad-on diha nianang yutaa ang tanang mga pulong nga akong gilitok batok niana, ang tanan nga nasulat niining basahona, nga gipropesiya ni Jeremias batok sa tanang mga nasod.

Jeremias 36:2

“Pagkuha ug usa ka linukot nga sulatanan ug isulat niini ang tanang mga pulong nga gisulti nako kanimo batok sa Israel ug sa Juda ug batok sa tanang mga nasod, sukad sa adlaw sa akong pagsulti kanimo, sukad sa mga adlaw ni Josias hangtod karong adlawa.

Jeremias 50:34

Ang ilang Manunubos kusgan, si Yahweh sa mga panon ang iyang ngalan. Siya maglaban gayod sa ilang katungod, aron siya makahatag ug pahulay ngadto sa yuta apan kasamok sa mga nagpuyo sa Babilonia.

Lucas 1:15

kay siya mahimong bantogan sa atubangan sa Ginoo, dili siya moinom ug bino o isog nga ilimnon, ug siya mapuno sa Espiritu Santo, bisan sa diha pa siya sa tiyan sa iyang inahan.

Lucas 1:41

Sa pagkadungog ni Elisabet sa pangumosta ni Maria, ang bata misikad sulod sa iyang tiyan ug si Elisabet napuno sa Espiritu Santo.

Lucas 1:76

Ug ikaw, anak, tawgon nga propeta sa Labing Halangdon kay ikaw mao man ang mag-una sa Ginoo aron pag-andam sa iyang mga dalan,

Juan 10:36

moingon ba diay kamo kaniya nga gibalaan sa Amahan ug gipadala niya nganhi sa kalibotan, ‘Ikaw nagpasipala,’ tungod lang kay nag-ingon ako, ‘Anak ako sa Dios’?

Roma 1:1

Si Pablo, ulipon ni Jesu-Cristo, gitawag sa pagkaapostol ug gigahin alang sa Maayong Balita sa Dios,

Roma 8:29

Kay sila nga mga nailhan niyang daan gitakda usab niyang daan nga mahisama sila sa dagway sa iyang Anak, aron siya mahimong panganay sa daghang mga magsoon.

1 Mga Taga-Corinto 8:3

Apan kon ang usa ka tawo nahigugma sa Dios, kining tawhana nailhan sa Dios.

Mga Taga-Efeso 1:22

Ug ang Dios nagpahiluna sa tanang mga butang aron mahisakop ilalom sa iyang mga tiil, ug naghimo kaniya nga ulo ibabaw sa tanang mga butang alang sa iglesia