Jeremias 1:2

Ang Biblia 2011

nga diha kaniya midangat ang pulong sa Ginoo sa mga adlaw ni Josias nga anak ni Amon, hari sa Juda, sa ikanapulo ug tulo nga tuig sa iyang paghari.

Cross References

1 Mga Hari 13:2

Ug ang tawo misinggit batok sa halaran pinaagi sa pulong sa Ginoo ug miingon, “O halaran, halaran, kini mao ang giingon sa Ginoo, ‘Tan-awa, usa ka bata nga lalaki matawo sa balay ni David, Josias ang ngalan, ug sa ibabaw nimo ihalad niya ang mga pari sa mga habog nga dapit nga nagsunog sa insenso sa ibabaw nimo ug ang mga bukog sa mga tawo ilang sunogon sa ibabaw nimo.’ ”

1 Mga Hari 13:20

Ug samtang naglingkod sila sa lamisa, ang pulong sa Ginoo miabot sa propeta nga nagdala kaniya pagbalik.

2 Mga Hari 21:18

Ug si Manases mipahulay uban sa iyang katigulangan, ug gilubong sa tanaman sa iyang kaugalingon nga balay didto sa tanaman sa Uza. Ug si Amon nga iyang anak naghari puli kaniya.

2 Mga Hari 21:24

Apan gipamatay sa katawhan ang tanan nga nagbudhi kang Hari Amon, ug ang katawhan sa yuta naghimo kang Josias nga iyang anak nga hari puli kaniya.

2 Mga Hari 22:3

Sa ikanapulo ug walo nga tuig ni Hari Josias, gipaadto sa hari ang sekretaryo nga si Safan nga anak ni Asalias nga anak ni Mesulam, ngadto sa balay sa Ginoo, nga nag-ingon,

Jeremias 1:11

Ang pulong sa Ginoo midangat kanako nga nag-ingon, “Jeremias, unsay imong nakita?” Ug ako miingon, “Nakita nako ang usa ka sungkod nga almendras.”

Jeremias 1:4

Unya ang pulong sa Ginoo midangat kanako nga nag-ingon,

Jeremias 25:3

“Sulod sa 23 ka tuig gikan sa ikanapulo ug tulo nga tuig ni Josias nga anak ni Amon, ang hari sa Juda, hangtod niining adlawa, ang pulong sa Ginoo midangat kanako, ako kanunayng nagsulti kaninyo, apan wala kamo mamati.

Jeremias 28:12

Wala madugay human balia ni Ananias nga propeta ang yugo gikan sa liog ni Jeremias nga propeta, ang pulong sa Ginoo midangat kang Jeremias,

Jeremias 3:6

Ang Ginoo miingon kanako sa mga adlaw ni Hari Josias, “Nakita ba nimo ang iyang nabuhat, niadtong maluibon nga Israel, giunsa niya pag-adto sa matag habog nga bukid ug sa ilalom sa matag lunhaw nga kahoy, ug didto nakighilawas siya?

Jeremias 36:2

“Pagkuha ug usa ka linukot nga sulatanan ug isulat niini ang tanang mga pulong nga gisulti nako kanimo batok sa Israel ug sa Juda ug batok sa tanang mga nasod, sukad sa adlaw sa akong pagsulti kanimo, sukad sa mga adlaw ni Josias hangtod karong adlawa.

Oseas 1:1

Ang pulong sa Ginoo nga midangat kang Hosea nga anak ni Beri, sa mga adlaw ni Uzias, ni Jotam, ni Ahas ug ni Hesekias, mga hari sa Juda, ug sa mga adlaw ni Jeroboam nga anak ni Joas nga hari sa Israel.

Joel 1:1

Ang pulong sa Ginoo nga midangat kang Joel, nga anak ni Petuel:

Jonas 1:1

Ang pulong sa Ginoo midangat kang Jonas nga anak ni Amitai, nga nag-ingon,

Miqueas 1:1

Ang pulong sa Ginoo nga midangat kang Mikeas nga taga-Moreset, sa mga adlaw ni Jotam, ni Ahas ug ni Hesekias, mga hari sa Juda, nga iyang nakita mahitungod sa Samaria ug sa Jerusalem.

Sofonias 1:1

Ang pulong sa Ginoo nga midangat kang Zefanias nga anak ni Cusi nga anak ni Gedalias nga anak ni Amarias nga anak ni Hesekias, sa mga adlaw ni Josias nga anak ni Amon, ang hari sa Juda.