Jeremias 1:19

Ang Biblia 2011

Ug sila makig-away batok kanimo, apan sila dili modaog batok kanimo, kay ako mag-uban kanimo sa pagluwas kanimo, nag-ingon ang Ginoo.”

Cross References

Salmo 129:2

“Sa makadaghan gisakit nila ako sukad pa sa akong pagkabatan-on, apan sila wala mopatigbabaw batok kanako.

Jeremias 1:18

Ug ako nagbuhat kanimo niining adlawa ug usa ka kinutaan nga siyudad, usa ka haliging puthaw ug bronsi nga mga paril batok sa tibuok nga yuta, batok sa mga hari sa Juda, batok sa mga pangulo niini, sa mga pari niini ug sa mga katawhan sa yuta.

Jeremias 1:8

Ayaw kahadlok kanila kay ako mag-uban kanimo aron sa pagluwas kanimo, nag-ingon ang Ginoo.”

Jeremias 11:19

Apan ako sama sa usa ka malumo nga nating karnero nga gidala ngadto sa ihawan. Wala ako masayod nga batok kanako sila naglaraw, nga nag-ingon, “Atong laglagon ang kahoy uban ang bunga niini, putlon nato siya gikan sa yuta sa mga buhi, aron ang iyang ngalan dili na mahinumdoman.”

Jeremias 11:21

Busa mao kini ang giingon sa Ginoo mahitungod sa mga tawo sa Anatot, nga nagtinguha sa imong kinabuhi nga nag-ingon, “Ayaw pagpropesiya pinaagi sa ngalan sa Ginoo aron dili ikaw mamatay pinaagi sa among kamot.”

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 2:1

Ang pulong sa Ginoo midangat kanako nga nag-ingon,

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Jeremias 20:11

Apan ang Ginoo nag-uban kanako sama sa usa ka kahadlokan nga manggugubat; busa ang mga naglutos kanako mapandol, dili sila makabuntog kanako. Sila maulawan pag-ayo, kay sila dili molampos. Ang ilang dayon nga kaulawan dili gayod makalimtan.

Jeremias 26:8

Sa diha nga nahuman si Jeremias sa pagsulti kanila sa tanang gisugo sa Ginoo nga isulti sa tibuok katawhan, ang mga pari ug ang mga propeta ug ang tibuok katawhan midakop kaniya, nga nag-ingon, “Mamatay gayod ikaw!

Jeremias 30:11

Kay ako mag-uban kanimo aron sa pagluwas kanimo, nag-ingon ang Ginoo; taposon nako ang tanang mga nasod diin didto kanila gipatibulaag ko ikaw, apan kanimo dili nako himoon ang pagtapos. Pantonon ko ikaw sumala sa kaangayan, ug dili ko gayod ikaw biyaan nga dili silotan.

Jeremias 39:17

Apan ako magluwas kanimo nianang adlawa, nag-ingon ang Ginoo, ug dili ikaw itugyan ngadto sa kamot sa mga tawo nga imong gikahadlokan.

Jeremias 42:11

Ayaw kahadlok sa hari sa Babilonia, nga inyong gikalisangan. Ayaw kahadlok kaniya, nag-ingon ang Ginoo, kay ako mag-uban kaninyo aron sa pagluwas kaninyo ug sa pagpalingkawas kaninyo gikan sa iyang kamot.

Jeremias 46:28

Ayaw kahadlok, O Jacob nga akong alagad, nag-ingon ang Ginoo, kay ako uban kanimo. Akong taposon sa hingpit ang tanang mga nasod nga akong abogan kanimo apan mahitungod kanimo dili kamo nako taposon sa hingpit. Pantonon ko kamo sumala sa kaangayan, ug dili ko gayod kamo pasagdan nga dili masilotan.”

Daniel 3:25

Siya mitubag, “Apan nakakita ako ug upat ka tawo nga walay gapos nga nanglakaw taliwala sa kalayo ug sila wala maunsa ug ang dagway sa ikaupat sama sa usa ka anak sa mga dios.”

Numeros 14:9

Apan lamang, ayaw kamo pagpakigbatok sa Ginoo. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang Ginoo uban kanato busa ayaw sila kahadloki.”

Mga Buhat 26:17

magpalingkawas kanimo gikan sa mga tawo ug sa mga Gentil nga mao ang paadtoan nako kanimo,

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”