Jeremias 1:15

Ang Biblia 2011

Kay, tan-awa, ako magtawag sa tanang mga banay sa mga gingharian sa amihanan, nag-ingon ang Ginoo. Ug sila mangabot, ug ang matag usa magpahiluna sa iyang trono diha sa agianan sa mga ganghaan sa Jerusalem, batok sa tanang mga paril nga naglibot niini, ug batok sa tanang mga siyudad sa Juda.

Cross References

Isaias 22:7

Ang inyong labing pinili nga mga walog nangapuno sa mga karwahi, ug ang mga tigpangabayo nagpahimutang sa ilang kaugalingon diha sa mga ganghaan.

Jeremias 10:22

Pamatia ang huhungihong! Tan-awa, miabot na!— usa ka dakong kagahob gikan sa amihanan aron sa paghimo sa mga siyudad sa Juda nga kamingawan, puluy-anan sa mga irong ihalas.

Jeremias 10:25

Ibubo ang imong kaligutgot sa kanasoran nga wala makaila kanimo, ug nganha sa mga katawhan nga wala magsangpit sa imong ngalan; kay ilang gilamoy si Jacob; ilang gilamoy siya ug giut-ot ug gihimong awaaw ang iyang puluy-anan.

Jeremias 13:20

“Iyahat ang inyong mga mata ug tan-awa ang nangabot gikan sa amihanan. Hain na man ang panon nga gihatag kanimo, ang imong matahom nga panon?

Jeremias 25:28

“Ug kon sila magdumili sa pagkuha sa kupa gikan sa imong kamot aron sa pag-inom niini, ikaw moingon kanila, ‘Mao kini ang giingon sa Ginoo sa mga panon: Kinahanglang moinom kamo!

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 33:10

“Mao kini ang giingon sa Ginoo: Niining dapita nga imong giingon, ‘Biniyaan kini, walay tawo o mananap,’ sa mga siyudad sa Juda, ug sa kadalanan sa Jerusalem nga mingaw, walay tawo o lumulupyo o mananap, didto madunggan na usab

Jeremias 34:1

Ang pulong nga midangat kang Jeremias gikan sa Ginoo sa diha nga si Nabucodonosor nga hari sa Babilonia ug ang tanan niyang mga sundalo ug ang tanang mga gingharian sa yuta ubos sa iyang pagmando ug ang tanang mga katawhan nakig-away batok sa Jerusalem ug sa tanang mga siyudad niini:

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 39:3

Sa dihang nakuha ang Jerusalem, ang tanang mga pangulo sa hari sa Babilonia misulod ug nanglikod sa kinatung-ang ganghaan: si Nergal-sareser, si Samgar-nebo, si Sarsekim nga Rabsaris, si Nergal-sareser nga Rabmag, uban ang tanang mga tinugyanan sa hari sa Babilonia.

Jeremias 4:16

Pasidan-i ang kanasoran nga siya umaabot; ipahibalo ngadto sa Jerusalem, “Mga kasundalohan misulong gikan sa layo nga kayutaan; sila nagsinggit batok sa mga siyudad sa Juda.

Jeremias 4:6

Pag-isa ug bandila paatubang sa Zion, palayo aron maluwas, ayaw pagpabilin, kay gikan sa amihanan magpadala ako ug kadaotan ug usa ka dakong kalaglagan.

Jeremias 43:10

ug ingna sila, ‘Mao kini ang giingon sa Ginoo sa mga panon, ang Dios sa Israel: Ako magpadala ug magkuha kang Nabucodonosor nga hari sa Babilonia nga akong alagad. Ipahimutang niya ang iyang trono ibabaw niining mga bato nga akong gitagoan ug siya magbukhad sa harianon niyang puluy-anan ibabaw kanila.

Jeremias 44:6

Busa ang akong kapungot ug ang akong kasuko gibubo niini ug misilaob diha sa mga siyudad sa Juda ug sa kadalanan sa Jerusalem. Ug sila nangagun-ob ug nangahimong biniyaan ingon niining adlawa.

Jeremias 46:24

Ang anak nga babaye sa Ehipto pakaulawan; siya itugyan ngadto sa kamot sa katawhan gikan sa amihanan.”

Jeremias 5:15

Tan-awa, padad-an ko kamo ug usa ka nasod gikan sa layo, O balay sa Israel, nag-ingon ang Ginoo. Kini usa ka gamhanan nga nasod usa ka karaan nga nasod, usa ka nasod nga ang pinulongan wala nimo mahibaloi, o masabtan nimo ang ilang gisulti.

Jeremias 6:22

Mao kini ang giingon sa Ginoo: “Tan-awa, usa ka katawhan moabot gikan sa yuta sa amihanan, ang usa ka dakong nasod nangandam sa pagsulong gikan sa mga kinatumyang dapit sa yuta.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Mga Pagbangotan 5:11

Ang mga babaye gipanglugos didto sa Zion, ang mga ulay didto sa mga lungsod sa Juda.

Ezequiel 32:30

“Atua ang mga pangulo sa amihanan, silang tanan, ug ang tanang mga Sidonhanon nga nanganaog uban sa mga gipamatay, tungod sa pagpanglisang nga ilang gihimo pinaagi sa ilang gahom, sila nanghigda nga walay tuli uban kanila nga gipamatay pinaagi sa espada, ug nagdala sa ilang kaulaw uban kanila nga nanganaog sa gahong.

Joel 2:20

“Akong ipalayo gikan kanimo ang anaa sa amihanan ug abogon kini ngadto sa uga ug mingaw nga yuta, ang atubangan niini ngadto sa dagat sa silangan, ug ang luyo niini ngadto sa dagat sa kasadpan; ang isog ug hugaw nga baho niini mangalisbo. Siya gayod nagbuhat ug dagkong mga butang!

Zacarias 6:6

Ang karwahi nga adunay itom nga mga kabayo mopanaw paingon sa yuta sa amihanan, ang mga puti moadto sa kasadpan ug ang mga abohon paingon sa yuta sa habagatan.”