Jeremias 1:11

Ang Biblia 2011

Ang pulong sa Ginoo midangat kanako nga nag-ingon, “Jeremias, unsay imong nakita?” Ug ako miingon, “Nakita nako ang usa ka sungkod nga almendras.”

Cross References

Genesis 30:37

Unya mikuha si Jacob ug mga sanga nga lunhaw sa alamo, sa almendras ug sa platano, ug iyang gipanitan kini nga lap-aklap-ak aron may puti nga mga badlis diha sa mga sanga.

Isaias 55:11

mao usab ang akong pulong nga mogula gikan sa akong baba; kini dili mobalik kanako nga kawang, apan kini magtuman sa akong katuyoan, ug magpauswag sa butang nga tungod niini kini akong gipadala.

Jeremias 24:3

Unya ang Ginoo miingon kanako, “Unsay imong nakita, Jeremias?” Ako miingon, “Mga igos, ang maayong mga igos maayo kaayo, ug ang dunot nga mga igos dunot kaayo nga dili na makaon.”

Ezequiel 12:25

Apan ako, ang Ginoo, ako mosulti sa pulong nga akong isulti ug kini matuman. Kini dili na gayod langayon pa, hinuon sa inyong mga adlaw, O balay nga masupilon, akong isulti ang pulong ug himoon kini, nag-ingon ang Ginoong Dios.”

Ezequiel 12:28

Busa sultihi sila, Mao kini ang giingon sa Ginoong Dios: Walay usa sa akong mga pulong nga langayon pa, hinuon ang pulong nga akong gisulti himoon gayod, nag-ingon ang Ginoong Dios.”

Ezequiel 7:10

“Tan-awa, ang adlaw! Tan-awa, kini miabot na! Ang inyong kaalaotan miabot na. Ang sungkod namulak, ang garbo namutot.

Amos 7:8

Ug ang Ginoo miingon kanako, “Amos, unsay imong nakita?” Ug ako miingon, “Usa ka tunton.” Unya miingon ang Ginoo, “Tan-awa, nagpahimutang ako ug usa ka tunton sa taliwala sa akong katawhan nga Israel; dili na gayod ako moagi pa diha kanila;

Amos 8:2

Ug siya miingon, “Amos, unsay imong nakita?” Ako miingon, “Usa ka bukag sa bunga sa ting-init.” Unya ang Ginoo miingon kanako, “Ang kataposan miabot na sa akong katawhan nga Israel; dili na gayod ako moagi pa diha kanila.

Zacarias 4:2

Ug siya miingon kanako, “Unsa bay imong nakita?” Ug ako miingon, “Nakita nako ang usa ka lamparahan nga lunsayng bulawan uban ang panaksan sa ibabaw niini, ug ang pito ka lampara ibabaw niini, adunay pito ka ngabilngabil sa matag lampara nga diha sa tumoy niini.

Zacarias 5:2

Ug siya miingon kanako, “Unsa ba ang imong nakita?” Ako mitubag, Nakakita ako ug usa ka linukot nga basahon nga naglupad. Ang gitas-on niini 20 ka maniko ug ang gilapdon napulo ka maniko.

Numeros 17:8

Ug sa pagkaugma, si Moises misulod ngadto sa tolda sa pagpamatuod ug ang sungkod ni Aaron nga alang sa banay ni Levi nanalingsing ug namutot ug namulak ug namunga ug mga hinog nga almendras.