Isaias 6:2

Ang Biblia 2011

Sa ibabaw niya diha ang mga serapin, ang matag usa may unom ka pako: sa duha gitabonan niya ang iyang nawong, ug sa duha gitabonan ang iyang mga tiil ug sa duha siya naglupad.

Cross References

Genesis 17:3

Unya si Abram mihapa ug ang Dios miingon kaniya,

1 Mga Hari 19:13

Ug sa pagkadungog ni Elias niini, iyang gitabonan ang iyang nawong sa iyang kupo ug migula ug mitindog sa baba sa langob. Ug dihay miabot nga usa ka tingog ug miingon, “Unsay imong gibuhat dinhi, Elias?”

1 Mga Hari 22:19

Ug si Micaias miingon, “Busa pamatia ang pulong sa Ginoo: Akong nakita ang Ginoo nga naglingkod sa iyang trono ug ang tanang panon sa langit nagtindog tupad kaniya sa iyang tuo ug sa iyang wala.

1 Mga Hari 6:24

Lima ka maniko ang gitas-on sa usa ka pako sa kerubin ug lima ka maniko ang laing pako sa kerubin, ug gikan sa kinatumyan sa usa ka pako ngadto sa kinatumyan sa lain, napulo ka maniko.

1 Mga Hari 6:27

Iyang gibutang ang mga kerubin sa kinasulorang bahin sa balay ug ang mga pako sa kerubin gibukhad, mao nga ang pako sa usa nagdapat sa usa ka bungbong. Nag-abot ang tagsa niini ka pako sa tungatunga nga bahin sa balay.

1 Mga Hari 8:7

Kay ang mga kerubin nagbukhad sa ilang mga pako ibabaw sa dapit diin mahimutang ang sudlanan sa kasabotan, ug ang mga kerubin nagtabon sa sudlanan sa kasabotan ug sa mga yayongan niini.

Nehemias 9:6

Ug si Ezra miingon, “Ikaw mao ang Ginoo, ikaw lamang. Imong gibuhat ang langit, ang langit sa kalangitan, uban ang tibuok nilang panon, ang yuta ug ang tanan nga anaa niini, ang kadagatan ug ang tanan nga anaa niini, ug imong gipalungtad silang tanan ug ang panon sa langit nagsimba kanimo.

Job 1:6

Usa niana ka adlaw sa diha nga ang mga anak sa Dios miadto aron sa pagpakita sa ilang kaugalingon sa atubangan sa Ginoo, si Satanas miduol usab uban kanila.

Job 15:15

Tan-awa, ang Dios wala mosalig sa iyang mga balaan, ug ang kalangitan dili hinlo sa iyang panan-aw;

Job 4:18

Bisan sa iyang mga sulugoon wala siya magbutang ug pagsalig, ug sa iyang mga anghel siya nakakita ug sayop;

Salmo 103:20

Dayega ang Ginoo, kamo nga iyang mga anghel, kamo nga mga gamhanan nga nagtuman sa iyang pulong, nga nagpatalinghog sa tingog sa iyang pulong!

Salmo 104:4

naghimo sa kahanginan ingon nga imong mga sinugo, sa mga siga sa kalayo ingon nga imong mga alagad.

Salmo 18:10

Misakay siya sa usa ka kerubin ug milupad; miabot dayon siya pinaagi sa mga pako sa hangin.

Salmo 89:7

Dios nga gikahadlokan pag-ayo sa katilingban sa mga balaan, sa tanan nga naglibot kaniya?

Exodo 25:20

Ang mga kerubin kinahanglan nga magbukhad sa ilang mga pako sa ibabaw, nga magpandong sa tabon pinaagi sa ilang mga pako. Ang ilang mga nawong mag-atubangay, mag-atubang sa tabon ang mga nawong sa mga kerubin.

Exodo 3:6

Ug siya miingon, “Ako mao ang Dios sa imong amahan, ang Dios ni Abraham, ang Dios ni Isaac ug ang Dios ni Jacob.” Unya gitago ni Moises ang iyang nawong kay siya nahadlok nga motan-aw sa Dios.

Exodo 37:9

Ang mga kerubin nagbukhad sa ilang mga pako sa ibabaw, nagpandong sa tabon pinaagi sa ilang mga pako, ug ang ilang mga nawong nag-atubang sa usa ug usa, nag-atubang sa tabon ang mga nawong sa mga kerubin.

Isaias 6:6

Unya ang usa sa mga serapin milupad padulong kanako nga may usa ka baga diha sa iyang kamot nga iyang gikuha pinaagi sa mga kumpit gikan sa halaran.

Ezequiel 1:11

Mao kadto ang ilang mga nawong. Ang ilang mga pako gibukhad dapit sa itaas. Ang matag binuhat may duha ka pako nga ang matag usa misangko sa pako sa usa, samtang ang duha nagtabon sa ilang mga lawas.

Ezequiel 1:24

Ug sa dihang mipanaw sila, akong nadungog ang tingog sa ilang mga pako, sama sa kanaas sa dakong katubigan, sama sa dahunog sa Labing Gamhanan, usa ka kagahob sa kagubot nga sama sa kagahob sa usa ka panon. Sa diha nga motindog sila, ilang ipaubos ang ilang mga pako.

Ezequiel 1:4

Samtang ako nagtan-aw, dihay usa ka unos nga migula gikan sa amihanan, usa ka dakong panganod uban ang kahayag nga naglibot niini ug ang kalayo nga nagpangidlap, ug sa taliwala niini dihay sama sa naggilakgilak nga bronsi.

Ezequiel 1:6

Ang matag usa may upat ka nawong, ug ang matag usa kanila may upat ka pako.

Ezequiel 1:9

ang ilang mga pako nag-abot sa usa ug usa, ang matag usa kanila mopanaw lahos sa ilang padulngan, dili moliso sa diha nga sila mopanaw.

Ezequiel 10:16

Ug sa diha nga ang mga kerubin mipanaw, ang mga ligid miuban tupad kanila. Sa diha nga ang mga kerubin moisa sa ilang mga pako sa pagkayab gikan sa yuta, ang mga ligid wala moliso diha sa ilang tupad.

Ezequiel 10:21

Ang matag usa may upat ka nawong, ug ang matag usa may upat ka pako, ug sa ilalom sa ilang mga pako ang daw mga kamot sa tawo.

Daniel 7:10

Ang sapa nga kalayo mibul-og ug mibaha gikan sa iyang atubangan; libo ka libo ang nag-alagad kaniya, ug napulo ka libo ka napulo ka libo nagtindog sa iyang atubangan; ang hukmanan milingkod sa paghukom ug ang mga basahon gibukhad.

Daniel 9:21

samtang nagsulti pa ako diha sa pag-ampo, ang tawo nga si Gabriel, nga akong nakita sa panan-awon sa sinugdan, miduol kanako nga tuling milupad panahon sa paghalad sa kagabhion.

Zacarias 3:4

Ug ang anghel miingon niadtong mga nagtindog sa atubangan niya, “Huboa ang hugawng mga bisti gikan kaniya.” Ug kaniya miingon siya, “Tan-awa, gikuha nako ang imong kadaotan gikan kanimo, ug sul-oban ko ikaw sa hamili nga mga bisti.”

Lucas 1:10

Unya sa gawas ang tibuok panon sa katawhan nag-ampo sa takna sa paghalad sa insenso.

Mga Hebreo 1:7

Ug mahitungod sa mga anghel siya miingon, “Siya ang naghimo sa iyang mga anghel nga mga hangin, ug sa iyang mga alagad nga mga nagdilaab nga kalayo.”

Gipadayag 14:6

Unya nakita nako ang laing anghel nga naglupad sa taliwala sa kalangitan, ug kini siya may gidala nga walay kataposang Maayong Balita aron isangyaw ngadto sa mga nagpuyo sa kalibotan, sa tanang kanasoran ug kabanayan ug pinulongan ug katawhan.

Gipadayag 4:8

Ug ang upat ka buhing binuhat nga may unom ka pako ang matag usa, nalukop sa mga mata, libot ug sulod niini, ug sa adlaw ug sa gabii wala silay hunong sa pag-awit nga nag-ingon, “Balaan, balaan, balaan, ang Ginoong Dios nga Makagagahom sa Tanan nga mao kaniadto, mao karon ug mao ang umaabot!”

Gipadayag 7:11

Ug ang tanang mga anghel nagtindog nga nag-alirong sa trono ug sa mga kadagkoan ug sa upat ka mga buhing binuhat, ug nanghapa sila sa atubangan sa trono ug misimba sa Dios

Gipadayag 8:13

Unya akong nakita ug nabati ang usa ka agila nga naglupad sa kinataliwad-an sa langit, nagsinggit sa kusog nga tingog nga nag-ingon, “Alaot, alaot, alaot ang mga nagpuyo sa kalibotan, inigtingog sa ubang mga trumpeta nga hapit na patingogon sa tulo ka anghel!”