Isaias 5:1

Ang Biblia 2011

Paawita ako alang sa akong hinigugma ug usa ka awit sa gugma mahitungod sa iyang parasan: Ang akong hinigugma adunay usa ka parasan diha sa usa ka tabunok nga bungtod.

Cross References

Salmo 101:1

Mag-awit ako mahitungod sa pagkamaunongon ug sa hustisya; kanimo, O Ginoo, mag-awit ako.

Salmo 45:1

Nag-awas ang akong kasingkasing sa maayong butang; nagsulti ako sa mga garay ngadto sa hari; ang akong dila sama sa igsusulat sa usa ka andam nga magsusulat.

Salmo 60:5

Aron maluwas ang imong mga gihigugma, hatagi ug kadaogan pinaagi sa imong tuong kamot ug tubaga kami!

Salmo 80:8

Ikaw nagdala ug usa ka paras gikan sa Ehipto; gipapahawa nimo ang mga nasod, ug gitanom nimo kini.

Awit sa mga Awit 2:16

Ang akong hinigugma akoa ug ako iyaha, nagpasibsib siya sa iyang panon sa karnero taliwala sa mga liryo.

Awit sa mga Awit 5:16

Ang iyang pagpanulti labing tam-is, siya sa kinatubuk-an angayng tinguhaon. Kini mao ang akong hinigugma, ug mao kini ang akong higala, O mga anak nga babaye sa Jerusalem.

Awit sa mga Awit 5:2

Ako natulog, apan ang akong kasingkasing nagmata. Pamatia! Ang akong hinigugma nagtuktok. “Ablihi ako, igsoon ko, akong hinigugma, akong salampati, hingpit nga walay sama; kay ang akong ulo nabasa sa yamog, ang akong mga buhok sa mga tinulo sa kagabhion.”

Awit sa mga Awit 6:3

Ako iya sa akong hinigugma, ug ang akong hinigugma akoa; siya nagpasibsib sa iyang panon sa mga karnero taliwala sa mga liryo.

Jeremias 12:10

Daghan ang mga tigbantay sa karnero nga naglaglag sa akong kaparasan, ilang gitumban ang akong bahin, ang akong matahom nga bahin gihimo nila nga usa ka kamingawan.

Jeremias 2:21

Bisan pa niana gitanom ko ikaw nga usa ka piniling paras, tibuok gayod nga lunsayng binhi. Naunsa ba nga mikunhod man ikaw ug nahimong ihalas nga bagon?

Ezequiel 15:2

“Anak sa tawo, unsaon ba sa kahoy sa paras sa paglabaw sa uban nga kahoy, sa sanga sa paras nga anaa sa taliwala sa mga kahoy sa lasang?

Ezequiel 19:10

Ang imong inahan sama sa usa ka paras diha sa parasan, nga natanom sa daplin sa katubigan. magmabungahon ug puno sa mga sanga tungod sa daghang tubig.

Oseas 10:1

Ang Israel usa ka malamboon nga paras, nga naghatag sa iyang bunga. Sa nag-anam ug kadaghan ang iyang bunga nagkadaghan usab ang halaran nga iyang gihimo; sa nag-uswag ang yuta, gipauswag usab niya ang iyang mga haliging larawan.

Mateo 21:33

“Paminawa ninyo ang lain pang sambingay. May usa ka tawong yutaan nga nagtanom ug parasan ug kini iyang gilibotan ug paril, gibuhatan ug pigsanan sa ubas ug usa ka lantawanan. Gipasaopan niya kini ug unya milangyaw siya ngadto sa laing dapit.

Marcos 12:1

Unya misugod siya sa pagsulti kanila pinaagi ug mga sambingay. “Dihay usa ka tawo nga nagtanom ug parasan ug gipalibotan niya kini ug paril, ug nagkalot siya alang sa pigsanan sa ubas, ug nagbuhat siya ug usa ka lantawan, ug iyang gipasaopan ngadto sa mga tawo, ug unya milangyaw siya ngadto sa laing dapit.

Lucas 20:9

Unya misugod siya sa pagsugilon sa mga tawo niining sambingay: “Dihay usa ka tawo nga nagtanom ug parasan, ug kini iyang gipasaopan sa mga tawo, ug unya milakaw siya ngadto sa laing dapit sulod sa dugayng panahon.

Juan 15:1

“Ako mao ang matuod nga punoan sa paras ug ang akong Amahan mao ang tig-atiman.

Deuteronomio 8:10

Ug mangaon kamo ug mangabusog ug magdayeg kamo sa Ginoo nga inyong Dios tungod sa maayong yuta nga iyang gihatag kaninyo.

Deuteronomio 8:7

Kay ang Ginoo nga inyong Dios nagdala kaninyo ngadto sa maayong yuta, yuta sa mga sapa sa tubig, sa mga tubod ug sa mga tinubdan nga nagdagayday ngadto sa mga walog ug sa mga bukid,