Isaias 3:4

Ang Biblia 2011

Ug himoon nako nga ilang mga pangulo ang mga batang lalaki, ug ang mga masuso maoy magmando kanila.

Cross References

2 Cronicas 33:1

Si Manases 20 ka tuig ang panuigon sa iyang pagsugod sa paghari ug siya naghari sulod sa 55 ka tuig didto sa Jerusalem.

2 Cronicas 34:1

Si Josias walo ka tuig ang panuigon sa iyang pagsugod sa paghari ug siya naghari sulod sa 31 ka tuig didto sa Jerusalem.

2 Cronicas 36:11

Si Zedekias 21 ka tuig ang panuigon sa iyang pagsugod sa paghari ug siya naghari sulod sa napulo ug usa ka tuig didto sa Jerusalem.

2 Cronicas 36:2

Si Jehoahas 23 ka tuig ang panuigon sa iyang pagsugod sa paghari ug siya naghari sulod sa tulo ka bulan didto sa Jerusalem.

2 Cronicas 36:5

Si Jehoiakim 25 ang panuigon sa iyang pagsugod sa paghari ug siya naghari sulod sa napulo ug usa ka tuig didto sa Jerusalem. Siya nagbuhat ug daotan diha sa panan-aw sa Ginoo nga iyang Dios.

2 Cronicas 36:9

Si Jehoiakin walo ka tuig ang panuigon sa iyang pagsugod sa paghari ug siya naghari sulod sa tulo ka bulan ug napulo ka adlaw didto sa Jerusalem. Siya nagbuhat ug daotan diha sa panan-aw sa Ginoo.

Ecclesiastes 10:16

Alaot ikaw, O yuta, sa diha nga ang imong hari usa ka bata, ug ang imong mga pangulo mangaon inigkabuntag!

Isaias 3:12

Ang akong katawhan, mga bata ang magdaogdaog kanila, ug ang mga babaye magmando kanila. O akong katawhan, ang inyong mga pangulo maoy magpahisalaag kaninyo, ug magpalibog sa inyong mga agianan.

Isaias 3:16

Ang Ginoo miingon, Tungod kay ang mga anak nga babaye sa Zion mapahitas-on, ug manglakaw nga pinatikig ang mga liog, ug ang mga mata mapatuyangon, magkiaykiay sa ilang paglakaw ug magpakagilkil sa ilang mga tiil;

Isaias 3:3

ang kapitan sa kalim-an, ug ang tawo nga taas ug katungdanan, ang magtatambag ug ang batid nga tigsalamangka, ug ang batid nga tiglamat.

Jeremias 52:3

Tungod sa kasuko sa Ginoo nahitabo gayod ang mga butang didto sa Jerusalem ug sa Juda, nga tungod niana gihinginlan niya sila gikan sa iyang atubangan. Ug si Zedekias misukol batok sa hari sa Babilonia.