Isaias 26:6

Ang Biblia 2011

Ang tiil nagtamak niini, ang mga tiil sa kabos, ang mga lakang sa nanginahanglan.”

Cross References

2 Mga Hari 9:33

Ug siya miingon, “Ihulog siya.” Busa ilang gihulog si Jesebel ug ang uban niyang dugo mituasik sa bungbong ug sa mga kabayo, ug gitumban nila siya.

Isaias 11:4

kondili pinaagi sa pagkamatarong maghukom siya sa mga kabos, ug maghukom uban ang katul-id alang sa mga mapaubsanon sa yuta, ug hampakon niya ang yuta pinaagi sa bunal sa iyang baba, ug pinaagi sa gininhawa sa iyang mga ngabil patyon niya ang daotan.

Isaias 25:10

Kay ang kamot sa Ginoo mopahulay niining bukira, Ang Moab yatakan diha sa iyang dapit, ingon sa uhot nga gitumban diha sa tinapok nga hugaw.

Isaias 28:3

Ang purongpurong sa garbo sa mga palahubog sa Efraim yatakan sa tiil;

Isaias 29:19

Ang mga maaghop makabaton ug bag-o nga kalipay diha sa Ginoo, ug ang mga kabos sa mga tawo magmaya sa Balaan sa Israel.

Isaias 3:14

Ang Ginoo maghukom sa mga kadagkoan ug sa mga pangulo sa iyang katawhan, “Kamo mao ang naglamoy sa parasan, ang inilog sa mga kabos anaa sa inyong mga balay.

Isaias 3:15

Unsay buot ninyong ipasabot sa inyong pagdugmok sa akong katawhan pinaagi sa paggaling sa nawong sa mga kabos?” nag-ingon ang Ginoong Dios sa mga panon.

Isaias 37:25

Ako nagkalot ug mga atabay ug nakainom ug tubig, ug pinaagi sa lapalapa sa akong mga tiil nauga ang tanang mga suba sa Ehipto.”

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.

Jeremias 50:45

Busa pamatia ang tambag sa Ginoo, batok sa Babilonia, ug ang katuyoan nga iyang gihunahuna batok sa yuta sa mga Caldeanhon: Sa pagkatinuod ang mga nati sa ilang mga karnero guyoron, ang ilang panon makugang gayod sa ilang gidangatan.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Sofonias 3:11

Nianang adlawa ikaw dili ibutang sa kaulawan tungod sa tanang binuhatan nga pinaagi niini ikaw misupil kanako; kay unya akong kuhaon gikan sa imong taliwala ang imong mga tawo nga mapahitas-ong nagpalabilabi, ug ikaw dili na mapahitas-on diha sa akong bukid nga balaan.

Malaquias 4:3

Ug tamakan ninyo ang mga daotan kay sila mangahimong abo sa ilalom sa mga lapalapa sa inyong mga tiil, sa adlaw nga akong himoon kini, nag-ingon ang Ginoo sa mga panon.

Lucas 10:19

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.

Roma 16:20

Ug sa dili madugay ang Dios sa kalinaw magdugmok kang Satanas diha sa ilalom sa inyong mga tiil. Ang grasya sa atong Ginoong Jesu-Cristo mag-uban kaninyo.

1 Mga Taga-Corinto 1:26

Kay hunahunaa ra ang pagtawag kaninyo, mga igsoon, dili daghan ang mga maalamon sumala sa mga kalibotanong sukdanan, dili daghan ang mga makagagahom, dili daghan ang mga hamili sa pagkatawo;

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

Josue 10:24

Sa diha nga gipagula na ang lima ka hari ngadto kang Josue, gipatawag ni Josue ang tanang mga tawo sa Israel ug miingon siya sa mga pangulo sa mga tawo sa panggubatan nga uban kaniya, “Panuol kamo ug ibutang ninyo ang inyong mga tiil ngadto sa mga liog niining lima ka hari.” Unya miduol sila ug gibutang nila ang ilang mga tiil ngadto sa liog sa mga hari.

Gipadayag 2:26

Kaniya nga magmadaogon ug magtuman sa akong mga buluhaton hangtod sa kataposan, Ako maghatag ug kagahom ibabaw sa kanasoran,

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.