Isaias 16:4

Ang Biblia 2011

papuy-a uban kaninyo ang mga hininginlan gikan sa Moab, panalipdi sila gikan sa tiglaglag. Sa diha nga ang tigdaodaog mawala, ug ang paglaglag mohunong, ug siya nga nagyatak mahanaw gikan sa yuta,

Cross References

Isaias 14:4

gamita kini nga panultihon batok sa hari sa Babilonia: “Giunsa paghunong sa malupigon, ang bangis nga kasuko mihunong!

Malaquias 4:3

Ug tamakan ninyo ang mga daotan kay sila mangahimong abo sa ilalom sa mga lapalapa sa inyong mga tiil, sa adlaw nga akong himoon kini, nag-ingon ang Ginoo sa mga panon.

Isaias 51:13

ug nalimot sa Ginoo nga imong Magbubuhat nga naghikyad sa kalangitan ug nagpahiluna sa mga patukoranan sa yuta, ug nahadlok sa kanunay sa tibuok nga adlaw tungod sa kabangis sa malupigon, sa dihang mag-andam na siya aron sa paglaglag? Ug hain na man ang kabangis sa malupigon?

Isaias 9:4

Kay ang yugo sa iyang palas-anon, ug ang sangayan sa iyang abaga, ang bunal sa nagdaogdaog kaniya, imong gibali sama kaniadto sa panahon sa Midian.

Gipadayag 11:2

apan ayaw sukda ang hawanan sa gawas sa Templo. Pasagdi kana, kay gikatugyan na kana ngadto sa kanasoran, ug ang balaang siyudad ilang yatakyatakan sulod sa kap-atan ug duha ka bulan.

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Zacarias 10:5

Sila mahisama sa mga kusgang tawo sa panggubatan, magyatak sa mga kaaway diha sa lapok sa kadalanan; sila makig-away kay ang Ginoo nag-uban man kanila, ug palibogon nila ang nga tigpangabayo.

Jeremias 48:18

“Kanaog gikan sa imong himaya, ug lingkod sa uga nga yuta, O lumulupyo sa Dibon! Kay ang tiglaglag sa Moab ania na batok kanimo; iyang gilumpag ang imong mga salipdanan.

Jeremias 48:8

Ang tiglaglag moabot batok sa matag lungsod, ug walay lungsod nga makaikyas; ang walog mahanaw ug ang kapatagan malaglag, sumala sa gisulti sa Ginoo.

Jeremias 21:12

O balay ni David! Mao kini ang giingon sa Ginoo: “ ‘Buhata ninyo ang hustisya sa kabuntagon, ug luwasa siya nga gitulis gikan sa kamot sa nagdaogdaog, tingali unya ug ang akong kasuko mogula nga sama sa kalayo ug mosilaob nga walay makapalong niini, tungod sa daotan ninyong mga buhat.’ ”

Isaias 33:1

Alaot ikaw nga tiglaglag, nga ang imong kaugalingon wala malaglag, ug ikaw nga mabudhion, nga kanimo walay nagbudhi! Sa diha nga ikaw mohunong sa pagpanglaglag, ikaw laglagon; ug sa diha nga moundang na ikaw sa pagbudhi, ikaw budhian.

Isaias 25:10

Kay ang kamot sa Ginoo mopahulay niining bukira, Ang Moab yatakan diha sa iyang dapit, ingon sa uhot nga gitumban diha sa tinapok nga hugaw.

Isaias 15:6

ang katubigan sa Nimrim mahimong biniyaan; ang balili nalaya, ang bag-ong nanurok malawos, walay butang nga lunhaw.

Deuteronomio 24:14

“Ayaw daogdaoga ang usa ka sinuholan nga ulipon nga kabos ug nagkinahanglan, bisan siya usa sa imong mga igsoon o usa sa mga langyaw nga anaa sa imong yuta sulod sa inyong mga lungsod.

Roma 16:20

Ug sa dili madugay ang Dios sa kalinaw magdugmok kang Satanas diha sa ilalom sa inyong mga tiil. Ang grasya sa atong Ginoong Jesu-Cristo mag-uban kaninyo.

Zacarias 9:8

Unya magkampo ako sa akong balay ingon nga bantay, aron walay magbalikbalik pag-agi; walay tigdaogdaog nga magpasipala kanila kay karon nakita nako sa akong kaugalingong mga mata.

Isaias 49:26

Ang nagdaogdaog kanimo pakan-on nako sa ilang kaugalingong unod, ug sila mangahubog sa ilang kaugalingong dugo ingon sa bino. Unya ang tananng unod masayod nga ako mao ang Ginoo nga imong Manluluwas, ug imong Manunubos, ang Gamhanan ni Jacob.”

Isaias 54:14

Sa pagkamatarong ikaw tukoron; ikaw ipahilayo gikan sa pagdaogdaog, kay ikaw dili mahadlok, ug gikan sa kalisang, kay kini dili magpaduol kanimo.

Isaias 58:7

Dili ba kini mao ang pagpaambit sa imong pan ngadto sa gigutom, ug pagdala sa kabos nga walay balay ngadto sa imong balay; sa diha nga ikaw makakita sa hubo, imo siyang bistihan, ug nga ikaw dili magtago gikan sa imong kaugalingon nga kadugo?

Jeremias 40:11

Ug usab, sa diha nga ang tanang mga Judio nga didto sa Moab ug uban sa mga Amonihanon ug didto sa Edom ug sa laing mga kayutaan nakadungog nga ang hari sa Babilonia nagbilin ug salin sa Juda ug nagtudlo kang Gedalias nga anak ni Ahikam nga anak ni Safan ingon nga ilang gobernador,

Abdias 1:14

Wala unta ikaw motindog sa kinasang-an sa mga dalan aron sa paglaglag sa iyang mga kagiw; wala unta ikaw magtugyan sa mga nahibilin kaniya sa adlaw sa iyang kalisdanan.