Isaias 13:2

Ang Biblia 2011

Sa ibabaw sa usa ka hawan nga bungtod ipakayab ang bandila, singgit ngadto kanila; ikamay ang kamot alang kanila aron sila manulod sa mga ganghaan sa mga halangdon.

Cross References

Salmo 60:4

Nag-isa ikaw ug bandila niadtong mga nahadlok kanimo, aron modangop sila niini gikan sa mga pana. Selah

Isaias 10:32

Niini gayod nga adlaw siya mohunong didto sa Nob, uyogon niya ang iyang kumo diha sa bukid sa anak nga babaye sa Zion, ang bungtod sa Jerusalem.

Isaias 11:12

Siya magpatindog ug usa ka bandila alang sa mga nasod, ug magtigom sa hininginlan gikan sa Israel, ug tigomon ang nagkatibulaag sa Juda, gikan sa upat ka suok sa yuta.

Isaias 11:15

Ug sa hingpit laglagon sa Ginoo ang dila sa dagat sa Ehipto; iwarawara niya ang iyang kamot ibabaw sa Suba uban sa iyang init nga hangin; ug kini bulagon niya sa pito ka kanal, aron ang mga tawo makalatas nga uga ang mga tiil.

Isaias 18:3

Kamong tanan nga nagpuyo sa kalibotan, kamong mga nagpuyo sa yuta, sa diha nga ang usa ka bandila iisa diha sa kabukiran, tan-aw! Sa diha nga patingogon na ang trumpeta, pamati!

Isaias 19:16

Nianang adlawa ang mga Ehiptohanon mahimong sama sa mga babaye, ug sila mangurog uban ang kahadlok tungod sa kamot nga gibakyaw ibabaw kanila sa Ginoo sa mga panon nga iyang gibakyaw ibabaw kanila.

Isaias 31:9

Ang iyang bato mopalayo tungod sa kahadlok, ang iyang mga pangulo mobiya sa bandila tungod sa kakuyaw,” nag-ingon ang Ginoo, nga ang kalayo anaa sa Zion, ug nga ang hudno anaa sa Jerusalem.

Isaias 5:26

Mag-isa siya ug usa ka timailhan alang sa usa ka layong nasod ug taghoyan kini gikan sa kinatumyan sa yuta; ug tan-awa, moanhi kini sa labing dali!

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 50:41

“Tan-awa, ang usa ka katawhan mogula gikan sa amihanan; usa ka gamhanang nasod ug daghang mga hari nangandam gikan sa mga kinatumyang bahin sa yuta.

Jeremias 51:12

Pagbutang ug bandila batok sa mga paril sa Babilonia; lig-ona ang bantayan; pagbutang ug mga tigbantay; andama ang mga pagpangatang; kay ang Ginoo naglaraw ug naghimo sa iyang gisulti mahitungod sa mga nagpuyo sa Babilonia.

Jeremias 51:25

“Ako batok kanimo, O malaglagong bukid, nag-ingon ang Ginoo, nga naglaglag sa tibuok nga yuta; akong ituy-od ang akong kamot batok kanimo ug ipaligid ko ikaw gikan sa mga kabatoan, ug himoon ko ikaw nga usa ka bukid nga sunog.

Jeremias 51:58

“Mao kini ang giingon sa Ginoo sa mga panon: Ang lapad nga paril sa Babilonia itupong sa yuta ug ang iyang mga habog nga ganghaan sunogon sa kalayo. Ang mga katawhan maghago alang sa kakawangan, ug ang mga nasod maghago sa ilang kaugalingon alang sa kalayo lamang.”