Oseas 9:7

Ang Biblia 2011

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Cross References

Miqueas 7:4

Ang labing maayo kanila sama sa sampinit, ang labing matarong kanila tanom nga tunokon. Ang adlaw sa ilang mga tigbantay, sa ilang silot miabot na; ug ang ilang pagkalibog anaa na.

2 Mga Hari 9:11

Sa diha nga si Jehu miadto sa mga sulugoon sa iyang agalon, sila miingon kaniya, “Maayo ba ang tanan? Nganong mianhi man kining buang nga tawo kanimo?” Ug siya miingon kanila, “Kamo nakaila sa tawo ug unsa ang iyang gipamulong.”

Marcos 3:21

Sa pagkadungog niini sa iyang mga kabanay, miadto sila aron sa pagkuha kaniya, kay miingon man sila, “Nabuang siya.”

Ezequiel 13:3

Mao kini ang giingon sa Ginoong Dios: Alaot ang mga buangbuang nga propeta nga nagsunod sa ilang kaugalingon nga espiritu ug walay nakita!

Mga Pagbangotan 2:14

Ang imong mga propeta nakakita alang kanimo ug mga bakak ug malimbongon nga mga panan-awon; wala nila ibutyag ang imong sala aron sa pagpahiuli sa imong kahimtang, apan nakakita alang kanimo ug mga mensahe nga bakak ug malimbongon.

Jeremias 10:15

Sila walay bili, usa ka buhat sa limbong; sa panahon sa pagsilot kanila, sila mangalaglag.

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

2 Mga Taga-Corinto 5:13

Kay kon kami wala sa among kaugalingon, kini alang sa Dios; ug kon kami anaa sa maayo nga panimuot, kini alang kaninyo.

Lucas 21:22

Kay kini mao ang mga adlaw sa panimalos aron matuman ang tanang nasulat.

Miqueas 2:11

Kon ang usa ka tawo magsuroysuroy nga magsulti ug walay hinungdan ug mga bakak, nga nag-ingon, “Ako magsangyaw kanimo mahitungod sa bino ug sa ilimnon,” siya mahimo nga tigsangyaw niini nga katawhan!

Ezequiel 13:10

Tungod kay ilang gilimbongan ang akong katawhan sa ilang pag-ingon, ‘Pakigdait,’ bisan ug walay pakigdait, ug sa diha nga adunay magtukod ug usa ka paril, kining mga propeta mibulit niini ug anapog,

Jeremias 29:26

‘Ang Ginoo naghimo kanimo nga pari puli kang Jehoiada nga pari, aron magdumala sa balay sa Ginoo, ibabaw sa tanang tawo nga buang nga nagpropesiya, ug bilanggoon siya.

Gipadayag 16:19

Unya ang bantogang siyudad nabahin sa tulo, ug ang mga siyudad sa kanasoran nangagun-ob. Ug unya ang Dios nahinumdom sa bantogang Babilonia, sa paghatag kaniya sa kupa sa bino sa kapintas sa iyang kapungot.

Sofonias 3:4

Ang iyang mga propeta mapatuyangon ug dili kasaligan nga mga tawo; ang iyang mga pari nagpasipala sa unsay balaan, gisupak nila ang Balaod.

Amos 8:2

Ug siya miingon, “Amos, unsay imong nakita?” Ako miingon, “Usa ka bukag sa bunga sa ting-init.” Unya ang Ginoo miingon kanako, “Ang kataposan miabot na sa akong katawhan nga Israel; dili na gayod ako moagi pa diha kanila.

Oseas 9:8

Ang propeta maoy tigbantay sa Efraim, ang katawhan sa akong Dios, apan ang usa ka lit-ag sa mangangayam ug langgam anaa sa tanan niyang mga dalan, ug ang kasilag anaa sa balay sa iyang Dios.

Ezequiel 38:23

Ako magpadayag sa akong pagkagamhanan ug pagkabalaan, ug magpaila sa akong kaugalingon diha sa mga mata sa daghang mga nasod. Unya sila makaila nga ako mao ang Ginoo.

Ezequiel 25:17

Ug ipahamtang nako ang usa ka dakong panimalos ngadto kanila uban ang mga pagpanton nga puno sa kaligutgot. Unya sila makaila nga ako mao ang Ginoo, sa diha nga ipahamtang nako ang akong panimalos batok kanila.”

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Jeremias 11:23

ug walay mahibilin kanila. Kay ako magpadala ug kadaotan ngadto sa mga tawo sa Anatot, sa tuig sa pagsilot kanila.”

Jeremias 8:11

Hapuhap lamang samad sa akong katawhan ug nag-ingon, ‘Kalinaw, kalinaw’ bisan ug walay kalinaw.

Jeremias 6:14

Giayo nila ug diyotay ang samad sa akong katawhan, nga nag-ingon, ‘Pakigdait, pakigdait’ bisan ug walay pakigdait.

Isaias 44:25

nga nagpakyas sa mga timailhan sa mga bakakon, ug naghimo nga buang sa mga tigpanagna, nga nagpasibog sa mga tawo nga maalamon, ug naghimo sa ilang kahibalo nga binuang;

Isaias 34:8

Kay ang Ginoo adunay usa ka adlaw sa pagpanimalos, usa ka tuig sa pagbalos tungod sa katungod sa Zion.

Isaias 26:11

O Ginoo, ang imong kamot gibayaw, apan wala sila makakita niini. Pakit-a sila sa imong mainitong tinguha alang sa imong katawhan, ug maulawan sila. Ipaut-ot sila sa kalayo alang sa imong mga kaaway.

Jeremias 23:13

Sa mga propeta sa Samaria, nakita nako ang usa ka dili maayo nga butang: sila nagpropesiya pinaagi sa Baal, ug nagpahisalaag sa akong katawhan nga Israel.

Jeremias 25:14

Kay daghang mga nasod ug gamhanang mga hari nga mangulipon usab kanila, ug panimaslan nako sila sumala sa ilang mga buhat ug sa mga buhat sa ilang mga kamot.”

Ezequiel 9:10

Ug alang kanako, ang akong mga mata dili maglaktaw o maluoy ako, hinuon ako magbalos sa ilang binuhatan diha sa ilang mga ulo.”

Oseas 8:13

Sila nahigugma sa paghalad ug inihaw; sila naghalad ug unod ug nagkaon niini, apan ang Ginoo walay kalipay niini. Karon iyang hinumdoman ang ilang kasal-anan ug silotan ang ilang mga sala, sila mamalik ngadto sa Ehipto.

Oseas 14:1

O Israel, balik ngadto sa Ginoo nga imong Dios, kay ikaw nahisukamod tungod sa imong kasal-anan.

Oseas 5:9

Ang Ephraim mahimong kamingawan sa adlaw sa pagsilot; diha sa mga banay sa Israel akong gipahayag ang matuod gayod.