Oseas 9:6

Ang Biblia 2011

Kay bisan ug sila makaikyas sa kalaglagan, ang Ehipto magtigom kanila, ang Memfis maoy maglubong kanila. Ang mga sampinit maoy manag-iya sa mga bililhon nilang mga butang nga plata, ang mga tunok maanaa sa ilang mga tolda.

Cross References

2 Mga Hari 13:7

Kay walay mahibilin kang Jehoahas nga kasundalohan nga labaw sa 50 ka tigpangabayo ug napulo ka karwahi ug napulo ka libo ka sundalo nga naglakaw, kay sila gilaglag sa hari sa Siria ug gihimo sila nga sama sa abog nga gitamaktamakan.

Salmo 107:34

ang tabunok nga yuta ngadto sa asinon nga dapit, tungod sa pagkadaotan nila nga nagpuyo niini.

Mga Panultihon 24:31

ug akong nakita nga kini gipanugkan ug mga sampinit; ang yuta gitabonan sa mga sagbot nga tunokon, ug ang paril nga bato nalumpag.

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 19:13

Ang mga pangulo sa Zoan nahimong mga buangbuang, ang mga pangulo sa Memfis nalimbongan; kadtong mga bato nga sukaranan sa iyang mga banay nagpahisalaag sa Ehipto.

Isaias 27:12

Nianang adlawa, gikan sa sapa sa Eufrates ngadto sa suba sa Ehipto, ang Ginoo maggiok sa trigo ug kamo tapokon sa tinagsa, O katawhan sa Israel.

Isaias 32:13

kay ang yuta sa akong katawhan matuboan ug mga tunok ug mga sampinit; alang sa tanang balay sa kalipay diha sa malipayon nga siyudad.

Isaias 34:13

Ang mga tunok moturok sa ilang mga kuta, ang mga kadyapa ug sampinit diha sa mga salipdanan niini. Kini mahimong puluy-anan sa mga iro nga ihalas, ug puluy-anan sa mga abistros.

Isaias 5:6

Himoon nako kini nga biniyaan; dili na kini pul-ongan o habokan, ug manurok ang mga sampinit ug mga tunok; sugoon usab nako ang mga panganod nga dili na sila magpaulan ug ulan ibabaw niini.

Isaias 7:23

Nianang adlawa ang matag dapit nga adunay tagsa ka libo ka punoan sa paras nga nagbili ug usa ka libo ka siklo nga plata, mahimo nga kasampinitan ug katunokan.

Jeremias 2:16

Dugang pa, ang katawhan sa Memfis ug sa Tapanhes mibuak sa bagolbagol sa imong ulo.

Jeremias 42:22

Busa karon hibaloi gayod nga kamo mangamatay sa espada, sa gutom ug sa kamatay, sa dapit nga buot ninyong adtoan aron puy-an.”

Jeremias 44:1

Ang pulong nga midangat kang Jeremias mahitungod sa tanang mga Judio nga nagpuyo sa yuta sa Ehipto, didto sa Migdol sa Tapanhes sa Memphis, ug didto sa yuta sa Patros,

Jeremias 44:12

Ug kuhaon nako ang nahibilin sa Juda nga mihukom sa pag-adto sa yuta sa Ehipto aron sa pagpuyo didto, ug silang tanan mangahurot, ug mangapukan sila didto sa yuta sa Ehipto; pinaagi sa espada ug sa gutom sila mangahurot. Gikan sa labing ubos ngadto sa labing dako sila mangamatay, pinaagi sa espada ug sa gutom ug sila mangahimong mga dulumtanan, kalisangan, tunglo ug talamayon.

Jeremias 44:13

Silotan nako ang mopuyo sa yuta sa Ehipto sama sa akong pagsilot sa Jerusalem pinaagi sa espada, sa gutom ug sa kamatay,

Jeremias 46:14

“Ipahayag didto sa Ehipto, ug ipahibalo didto sa Migdol, ipahibalo sa Memphis ug sa didto Tapanhes. Ingna, ‘Tindog ug pag-andam kay ang espada molamoy nga maglibot kaninyo.’

Jeremias 46:19

Andama alang sa inyong kaugalingon ang inyong mga butang alang sa pagkabihag O mga lumulupyo sa Ehipto! Kay ang Memphis mahimong biniyaan, guba, walay magpuyo.

Ezequiel 30:13

“Mao kini ang giingon sa Ginoong Dios: Laglagon nako ang mga diosdios, ug taposon ang mga larawan didto sa Memphis; wala na unyay pangulo sa yuta sa Ehipto busa magbutang ako ug kahadlok diha sa yuta sa Ehipto.

Ezequiel 30:16

Ug ako magpadilaab ug kalayo sa Ehipto; ang Pelusium mahimutang sa dakong kasakit. Ang Tebes mabungkag ug ang Memfis magsubo panahon sa adlaw.

Oseas 10:8

Ang mga habog nga mga dapit sa Aven, ang sala sa Israel, laglagon. Ang tunok ug ang sagbot manubo sa ilang mga halaran ug sila mag-ingon sa kabukiran, Taboni kami, ug sa kabungtoran, Tumpagi kami.

Oseas 11:11

Sila mangabot nga magkurog sama sa mga langgam gikan sa Ehipto, ug sama sa mga salampati gikan sa yuta sa Asiria; ug iuli nako sila sa ilang mga pinuy-anan, nag-ingon ang Ginoo.

Oseas 2:6

Busa, akong alihan ang iyang dalan sa mga tunok ug maghimo ako ug kuta batok kaniya aron dili siya makatultol sa iyang mga agianan.

Oseas 7:11

Ang Efraim sama sa usa ka salampati nga buangbuang ug walay salabotan; nagtawag sila sa Ehipto, miadto sa Asiria.

Oseas 7:13

Alaot sila, kay sila nahisalaag gikan kanako! Ang kalaglagan alang kanila kay sila misupil batok kanako! Lukaton unta nako sila, apan sila nagsulti ug bakak batok kanako.

Oseas 7:16

Sila midangop sa Baal, sila sama sa malimbongong pana; ang ilang mga pangulo mangapukan pinaagi sa espada, tungod sa pagkamayubiton sa ilang dila. Kini mao ang ilang kaulawan didto sa yuta sa Ehipto.

Oseas 8:13

Sila nahigugma sa paghalad ug inihaw; sila naghalad ug unod ug nagkaon niini, apan ang Ginoo walay kalipay niini. Karon iyang hinumdoman ang ilang kasal-anan ug silotan ang ilang mga sala, sila mamalik ngadto sa Ehipto.

Oseas 9:3

Sila dili magpabilin sa yuta sa Ginoo; apan ang Efraim mobalik ngadto sa Ehipto, ug sila magkaon sa hugaw nga pagkaon didto sa Asiria.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Sofonias 1:11

Pagminatay kamo, O mga lumulupyo sa Mortar! Kay ang tanang tigpatigayon gilaglag na; gipamatay ang tanan nga nagbaligya ug plata.

1 Samuel 13:6

Sa pagkakita sa mga tawo sa Israel nga diha sila sa kalisdanan (kay ang katawhan naguol), ang mga tawo nagtago sa ilang kaugalingon sa mga langob ug sa mga lungag ug sa mga dagkong bato ug sa mga lubnganan ug sa mga gahong.