Oseas 9:3

Ang Biblia 2011

Sila dili magpabilin sa yuta sa Ginoo; apan ang Efraim mobalik ngadto sa Ehipto, ug sila magkaon sa hugaw nga pagkaon didto sa Asiria.

Cross References

1 Mga Hari 9:7

ipahimulag nako ang Israel gikan sa yuta nga akong gihatag kanila, ug kining balay nga akong gibalaan alang sa akong ngalan isalikway nako gikan sa akong panan-aw ug ang Israel mahimong usa ka sanglitanan ug usa ka talamayon diha sa tanang katawhan.

2 Mga Hari 17:6

Sa ikasiyam nga tuig ni Hosea, ang Samaria nailog sa hari sa Asiria, ug gidala ang Israel ngadto sa Asiria, ug gibutang sila didto sa Hala, ug didto sa Habor, sa suba sa Gosan ug sa mga siyudad sa mga taga-Media.

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Jeremias 2:7

Ug gidala ko kamo ngadto sa usa ka mabungahon nga yuta, aron sa pagpahimulos sa bunga niini ug sa mga maayong butang niini. Apan sa dihang misulod kamo, inyong gihugawan ang akong yuta, ug gihimo ninyo ang akong panulundon nga usa ka dulumtanan.

Mga Pagbangotan 5:6

Naghimo kami ug kasabotan uban sa Ehipto ug ngadto sa Asiria, aron makakuha ug igo nga pagkaon.

Ezequiel 4:13

Ang Ginoo miingon, “Busa sa ingon niana ang katawhan sa Israel magkaon sa ilang pan nga hugaw taliwala sa mga nasod, diin sila akong abogon.”

Daniel 1:8

Apan si Daniel mihukom nga dili niya hugawan ang iyang kaugalingon sa mga lamiang pagkaon sa hari, o sa bino nga giinom sa hari, busa iyang gihangyo ang pangulo sa mga yunoko nga tugotan siya sa dili paghugaw sa iyang kaugalingon.

Oseas 11:11

Sila mangabot nga magkurog sama sa mga langgam gikan sa Ehipto, ug sama sa mga salampati gikan sa yuta sa Asiria; ug iuli nako sila sa ilang mga pinuy-anan, nag-ingon ang Ginoo.

Oseas 11:5

Sila mobalik ngadto sa yuta sa Ehipto, ug ang Asiria mahimo nga ilang hari, tungod kay sila nagdumili sa pagbalik kanako.

Oseas 7:11

Ang Efraim sama sa usa ka salampati nga buangbuang ug walay salabotan; nagtawag sila sa Ehipto, miadto sa Asiria.

Oseas 7:16

Sila midangop sa Baal, sila sama sa malimbongong pana; ang ilang mga pangulo mangapukan pinaagi sa espada, tungod sa pagkamayubiton sa ilang dila. Kini mao ang ilang kaulawan didto sa yuta sa Ehipto.

Oseas 8:13

Sila nahigugma sa paghalad ug inihaw; sila naghalad ug unod ug nagkaon niini, apan ang Ginoo walay kalipay niini. Karon iyang hinumdoman ang ilang kasal-anan ug silotan ang ilang mga sala, sila mamalik ngadto sa Ehipto.

Oseas 9:6

Kay bisan ug sila makaikyas sa kalaglagan, ang Ehipto magtigom kanila, ang Memfis maoy maglubong kanila. Ang mga sampinit maoy manag-iya sa mga bililhon nilang mga butang nga plata, ang mga tunok maanaa sa ilang mga tolda.

Levitico 18:28

kay tingali unya ug ang yuta magsuka kaninyo sa dihang mahugawan ninyo kini sama nga gisuka niini ang nasod nga nahiuna kaninyo.

Levitico 20:22

“Busa tumana ninyo ang tanan nakong mga lagda ug ang tanan nakong mga tulumanon ug buhata kini aron ang yuta nga akong dad-an kaninyo diin kamo mopuyo dili magsuka kaninyo.

Levitico 25:23

“Ang yuta dili ibaligya sa dayon kay ang yuta akoa, kay kamo mga langyaw ug mga dumuduong uban kanako.

Amos 7:17

Busa mao kini ang giingon sa Ginoo, ‘Ang imong asawa magbaligya sa iyang dungog diha sa siyudad, ug ang imong mga anak nga lalaki ug mga anak nga babaye mangapukan pinaagi sa espada, ug ang imong yuta bahinon pinaagi sa latid ug ikaw gayod mamatay sa hugaw nga yuta, ug ang Israel moadto gayod sa pagkabihag layo sa iyang yuta.’ ”

Miqueas 2:10

Tindog kamo ug lakaw, kay kini dili mao ang inyong pahulayanan; tungod sa kahugawan nga naglaglag uban sa hilabihan nga pagkalaglag.

Mga Buhat 10:14

Apan si Pedro miingon, “Dili gayod ako, Ginoo, kay wala pa gayod akoy nakaon nga dili putli o hugaw.”

Deuteronomio 28:63

Ug ingon nga ang Ginoo nalipay sa pagbuhat ug kaayohan nganha kaninyo, ug sa pagpadaghan kaninyo, ang Ginoo usab nalipay sa pagdala ug kadaot nganha kaninyo ug sa paglaglag kaninyo. Ug ibton kamo gikan sa yuta nga inyong adtoan aron panag-iyahon.

Deuteronomio 28:68

Ug ang Ginoo magdala kaninyo pagbalik ngadto sa Ehipto sakay sa sakayan, usa ka panaw nga akong gisaad nga dili na ninyo buhaton pag-usab. Ug didto ibaligya ninyo ang inyong mga kaugalingon ngadto sa mga kaaway ingon nga mga ulipon nga lalaki ug babaye apan walay tawo nga mopalit kaninyo.”

Deuteronomio 4:26

tawgon nako ang langit ug ang yuta aron sa pagsaksi batok kaninyo niining adlawa, nga mangahanaw gayod kamo dayon gikan sa yuta nga inyong tabokon sa Jordan aron sa pagpanag-iya niini. Dili kamo makapuyo niini ug dugay, kondili mangalaglag gayod kamo.

Josue 23:15

Apan ingon nga ang tanang mga maayong butang nga gisaad sa Ginoo nga inyong Dios mahitungod kaninyo midangat kaninyo, ang Ginoo usab magdala diha kaninyo sa tanang daotang mga butang hangtod nga malaglag niya kamo gikan niining maayong yuta nga gihatag kaninyo sa Ginoo nga inyong Dios.