Oseas 9:1

Ang Biblia 2011

Ayaw pagmaya, O Israel! Ayaw paglipay sama sa mga katawhan; kay ikaw nagbaligya sa imong dungog, mibiya sa imong Dios. Ikaw nahigugma sa suhol sa usa ka babayeng nagbaligya sa iyang dungog diha sa tanang giokanan.

Cross References

Salmo 73:27

Kay tan-awa, sila nga nagpalayo kanimo mangahanaw; gilaglag nimo silang tanan nga malimbongon kanimo.

Isaias 17:11

bisan ug gipatubo ninyo kini sa adlaw sa inyong pagtanom niini ug sa buntag gipabulak ninyo ang inyong gitanom, apan wala kamoy maani sa adlaw sa kasub-anan ug sa kasakit nga dili mahupay.

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 44:17

Apan buhaton namo ang tanan nga among gipaanad, ang pagsunog ug insenso alang sa rayna sa langit, ug pagtagay ug halad nga ilimnon alang kaniya, sama sa among gihimo, kami ug ang among mga katigulangan, ang among mga hari ug ang among mga prinsipe, sa mga siyudad sa Juda ug sa kadalanan sa Jerusalem kay kami kaniadto daghan ug pagkaon, ug miuswag, ug wala makakita ug kadaotan.

Mga Pagbangotan 4:21

Pagmaya ug paglipay, O anak nga babaye sa Edom, nga nagpuyo sa yuta sa Uz; apan nganha usab kanimo ang kupa moagi; ikaw mahubog ug maghubo sa imong kaugalingon.

Ezequiel 16:15

“Apan nagsalig ikaw sa imong kaanyag ug nagmakihilawason tungod sa imong kabantog, ug gibubo nimo ang imong pagkabigaon sa tanan nga molabay kanimo.

Ezequiel 16:30

“Pagkamasakiton gayod sa imong kasingkasing, nag-ingon ang Ginoong Dios, kay gibuhat nimo kining tanang mga butang, ang buhat sa usa ka walay ulaw nga bigaon.

Ezequiel 20:32

“Ang anaa sa inyong hunahuna dili gayod mahitabo, ang hunahuna, ‘Magpakasama kita sa mga nasod, sama sa mga banay sa kayutaan, ug magsimba sa kahoy ug bato.’

Ezequiel 21:10

gibaid aron sa pagpatay, gipasinaw aron mokidlap sama sa kilat! O maghudyaka ba diay kita? Imong gitamay ang akong bunal, akong anak, ug ang akong tambag.

Oseas 10:5

Ang mga nagpuyo sa Samaria nangalisang tungod sa nating baka sa Bet-aven. Ang katawhan niini magbakho niini, ug ang mga pari didto nga nagsimba ug mga diosdios magminatay tungod niini, tungod sa himaya nga mibiya gikan niini.

Oseas 2:12

Akong laglagon ang iyang kaparasan ug ang iyang mga kahoy nga igera nga mahitungod niini siya nag-ingon, ‘Kini mao ang akong suhol nga gihatag kanako sa akong mga hinigugma.’ Himoon nako kini nga kalasangan ug ang mga mananap sa kapatagan molamoy kanila.

Oseas 4:12

Ang akong katawhan nagpakisusi sa kahoy ug ang ilang sungkod naghatag kanila ug mga mensahe. Kay ang espiritu sa pagkamakihilawason nagpahisalaag kanila, ug mibiya sila sa ilang Dios aron sa pagbaligya sa dungog.

Oseas 5:4

Ang ilang mga binuhatan wala magtugot kanila sa pagbalik ngadto sa ilang Dios Kay ang espiritu sa pagkamakihilawason anaa sa sulod nila, ug sila wala makaila sa Ginoo.

Oseas 5:7

Sila nagmaluibon sa Ginoo kay sila nanganak ug mga anak sa gawas. Karon lamyon sila sa bag-ong subang sa bulan uban sa ilang kaumahan.

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Amos 4:5

paghalad ug usa ka halad sa pagpasalamat gikan niadtong may patubo, ug pagsangyaw ug mga halad nga kinabubut-on ug ipahibalo kini; kay mao kini ang buot ninyong buhaton, O katawhan sa Israel!” nag-ingon ang Ginoong Dios.

Amos 6:13

kamo nga naglipay diha sa Lo-debar, nga nag-ingon, “Wala ba nato makuha ang Karnaim pinaagi sa atong kaugalingong kusog?”

Amos 8:10

Ang inyong mga kasaulogan akong himoon nga pagsubo, ug ang tanan ninyong mga awit pagbangutan; dad-an nako ug bisti nga sako ang tanan ninyong mga hawak ug kaupaw sa matag ulo; himoon nako kini nga sama sa pagsubo sa kamatayon alang sa bugtong nga anak, ug ang kataposan niini sama sa usa ka pait nga adlaw.

Santiago 4:16

Apan karon nanghambog kamo sa inyong pagkaandakan. Daotan ang maong pagpangandak.

Santiago 5:1

Kamong, mga dato, panghilak ug paniyabaw kamo tungod sa mga kalisdanan nga taliabot kaninyo.