Oseas 8:7

Ang Biblia 2011

Kay nagpuga sila ug hangin, busa mag-ani sila sa alimpulos. Ang uhay sa trigo walay lugas, dili kini mohatag ug pagkaon; kon mohatag man kini ug abot ang mga langyaw maoy maglamoy niini.

Cross References

Genesis 41:23

Ug dihay laing pito ka uhay nga kuyos, daot ug nalawos tungod sa hangin sa silangan, nga mibuswak sunod niini.

2 Mga Hari 15:19

Si Pul nga hari sa Asiria misulong sa yuta ug gihatagan ni Menahem si Pul ug usa ka libo ka talanton nga plata, aron tabangan siya sa paglig-on sa iyang harianong gahom.

2 Mga Hari 15:29

Sa mga adlaw ni Peka nga hari sa Israel, si Tiglath-pileser nga hari sa Asiria, miabot ug mikuha sa Ijon, sa Abel-bet-Maaca, sa Janoa, sa Kedes, sa Hasor, sa Gilead, sa Galilea ug sa tibuok yuta sa Neftali. Ug gidala niya ang katawhan ingon nga bihag ngadto sa Asiria.

Job 4:8

Sumala sa akong nakita, kadtong nagdaro ug kasal-anan ug nagpugas ug kasamok, nag-ani sa mao ra usab.

Mga Panultihon 22:8

Siya nga magpugas ug dili matarong mag-ani ug katalagman, ug ang bunal sa iyang kasuko mapakyas.

Ecclesiastes 5:16

Kini usab usa ka hilabihan nga pagkadaotan, sama sa iyang pag-anhi, mao usab ang iyang pag-adto. Ug unsay makuha niya nga siya naghago man alang sa hangin,

Isaias 17:11

bisan ug gipatubo ninyo kini sa adlaw sa inyong pagtanom niini ug sa buntag gipabulak ninyo ang inyong gitanom, apan wala kamoy maani sa adlaw sa kasub-anan ug sa kasakit nga dili mahupay.

Isaias 55:2

Nganong maggasto man kamo sa inyong salapi alang sa dili pan, ug sa inyong hinagoan alang niadtong dili makatagbaw? Pamati kamo pag-ayo kanako, ug kaona unsay maayo, ug palipaya ang inyong kaugalingon diha sa katambok.

Isaias 66:15

“Kay, tan-awa, ang Ginoo moanhi diha sa kalayo, ug ang iyang mga karwahi sama sa alimpulos, aron sa pagpahamtang sa iyang kasuko diha sa kapungot, ug sa iyang pagbadlong pinaagi sa nagdilaab nga kalayo.

Jeremias 12:13

Sila nagpugas ug trigo apan nag-ani ug mga tunok, naghago sila sa ilang kaugalingon apan walay nakuha. Sila maulawan sa ilang mga abot, tungod sa bangis nga kasuko sa Ginoo.”

Mga Pagbangotan 5:2

Ang among panulundon gitugyan ngadto sa mga langyaw, ang among mga balay ngadto sa mga dumuduong.

Oseas 2:9

Busa akong bawion ang akong trigo sa panahon niini ug ang akong bino sa panahon niini, ug langkaton nako gikan kaniya ang akong delana ug ang akong lino nga nagtabon unta sa iyang pagkahubo.

Oseas 7:9

Ang mga langyaw naglamoy sa iyang kusog, ug siya wala mahibalo niini, ang mga ubanon nga buhok anaa na kaniya ug siya wala mahibalo niini.

Oseas 9:16

Ang Ephraim gihampak, ang ilang gamot naughan, dili kini makapamunga. Bisan ug sila manganak, akong patyon ang gihigugma nila nga mga anak.

Nahum 1:3

Ang Ginoo hinay nga masuko ug dako ug gahom, ug ang Ginoo dili gayod mag-isip nga walay sala niadtong mga sad-an. Ang iyang pamaagi anaa sa alimpulos ug sa bagyo, ug ang mga dag-om mao ang abog sa iyang mga tiil.

Hageo 1:6

Nagpugas kamo ug daghan ug diyotay ra ang naani. Nagkaon kamo apan wala kamo makabaton ug igo, nanginom kamo apan wala kamo matagbaw. Nagbisti kamo sa inyong kaugalingon apan walay usa nga nainitan ug kadtong nagdawat ug suhol nagdawat sa suhol aron ibutang diha sa sudlanan sa salapi nga busloton.

Mga Taga-Galacia 6:7

Ayaw kamo palimbong; ang Dios dili kabugalbugalan, kay bisan unsay ipugas sa tawo, mao usab kana ang iyang anihon.

Mga Taga-Galacia 6:8

Kay ang magpugas diha sa iyang kaugalingong unod, gikan sa unod mag-ani ug pagkadunot apan ang magpugas diha sa Espiritu, gikan sa Espiritu mag-ani ug kinabuhing dayon.

Deuteronomio 28:33

Ang nasod nga wala ninyo mailhi maoy magkaon sa abot sa inyong yuta ug sa tanan ninyong hinagoan, ug daogdaogon kamo ug paantoson sa kanunay,