Oseas 8:4

Ang Biblia 2011

Nagbutang sila ug mga hari apan dili pinaagi kanako; nagpahimutang sila ug mga pangulo, apan wala nako mahibaloi. Pinaagi sa ilang plata ug bulawan naghimo sila ug mga diosdios alang sa ilang kaugalingong kalaglagan.

Cross References

1 Mga Hari 12:28

Tungod niini ang hari nagpakitambag ug naghimo ug duha ka nating baka nga bulawan ug siya miingon ngadto sa mga tawo, “Igo na ang inyong pagtungas ngadto sa Jerusalem, tan-awa, ang inyong mga dios, O Israel, nga nagdala kaninyo gikan sa yuta sa Ehipto.”

1 Mga Hari 13:34

Kining butanga nahimong sala sa panimalay ni Jeroboam, nga tungod niana puohon ug laglagon kini gikan sa nawong sa yuta.

1 Mga Hari 16:31

Ug ingon ug usa lamang ka gaan nga butang alang kaniya ang paglakaw diha sa mga sala ni Jeroboam nga anak ni Nebat; iyang gipangasawa si Jesebel nga anak ni Etbaal nga hari sa mga Sidonhanon ug miadto ug nag-alagad kang Baal ug nagsimba kaniya.

Jeremias 16:20

Makahimo ba ug mga dios ang tawo alang sa iyang kaugalingon? Ang ingon niana dili mga dios!”

Ezequiel 18:31

Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?

Daniel 3:1

Si Hari Nabucodonosor nagbuhat ug usa ka larawan nga bulawan nga ang gitas-on 60 ka maniko ug ang gilapdon niini unom ka maniko. Iya kining gipahiluna sa kapatagan sa Dura, sa lalawigan sa Babilonia.

Oseas 13:1

Sa diha nga ang Efraim misulti, dihay pagkurog, gipasidunggan siya sa Israel, apan siya nakasala pinaagi kang Baal ug siya namatay.

Oseas 13:11

Gihatagan ko ikaw ug hari diha sa akong kasuko ug siya gikuha nako diha sa akong kaligutgot.

Oseas 13:2

Ug karon nagdugang ang ilang pagpakasala ug naghimo ug mga tinunaw nga larawan alang sa ilang kaugalingon, mga diosdios nga hinimo gikan sa plata, ang tanan niini buhat sa mga batid nga tigpamuhat. Sila miingon, “Paghalad kamo alang niini.” Ang mga tawo mihalok sa mga nating baka!

Oseas 2:8

Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.

Oseas 8:3

Ang Israel misalikway sa maayo; ang kaaway maggukod kaniya.

Mateo 25:12

Apan siya mitubag nga nag-ingon, ‘Sa pagkatinuod, sultihan ko kamo, wala ako makaila kaninyo.’

Lucas 13:25

Sa diha nga ang tagbalay nakatindog na ug nakatak-op na sa pultahan, kamo magsugod sa pagtindog sa gawas ug sa pagtuktok sa pultahan nga mag-ingon, ‘Ginoo, ablihi kami.’ Motubag siya kaninyo, “Wala ako mahibalo kon taga diin kamo.”

Lucas 13:27

Apan siya moingon, ‘Sultihan ko kamo, wala ako mahibalo kon taga diin kamo. Pahawa kamo gikan kanako, kamong tanan nga tigbuhat ug daotan!’

Juan 10:14

Ako mao ang maayong magbalantay sa karnero. Ako nakaila sa akoa ug ang akoa nakaila kanako,

Mga Taga-Galacia 4:9

apan karon nga nakaila na kamo sa Dios, o nailhan na kamo sa Dios, naunsa ba nga namalik man hinuon kamo pag-usab ngadto sa mga huyang ug walay bili nga mga gahom sa kalibotan ug buot magpaulipon kanila pag-usab?