Oseas 8:10

Ang Biblia 2011

Bisan ug sila nagsuhol ug mga kaabin taliwala sa mga nasod, hiposon ra unya nako sila. Sa dili madugay sila mag-antos sa palas-anon nga ipahamtang sa hari ug sa mga pangulo.

Cross References

2 Mga Hari 14:26

Kay nakita sa Ginoo nga hilabihan gayod kapait ang kasakit sa Israel kay walay bisan usa nga nahibilin, ulipon o gawasnon, ug walay bisan usa nga makatabang sa Israel.

2 Mga Hari 17:3

Mibatok kaniya si Salmaneser nga hari sa Asiria ug si Hosea nahimo nga iyang sulugoon, ug nagbayad kaniya ug buhis.

2 Mga Hari 17:4

Apan ang hari sa Asiria nakaplagan nga nagluib si Hosea, kay siya nagpadala ug mga sinugo ngadto kang So nga hari sa Ehipto ug wala na mohatag ug buhis alang sa hari sa Asiria, ingon sa iyang gibuhat matag tuig. Busa gidakop siya sa hari sa Asiria ug gibilanggo.

1 Cronicas 5:26

Busa giaghat sa Dios sa Israel ang espiritu ni Pul nga hari sa Asiria, ang espiritu ni Tiglat-pilneser nga hari sa Asiria, ug iyang gibihag sila, ang mga Rubenhanon, ang mga Gadihanon, ug ang katunga sa banay ni Manases ug gidala ngadto sa Hala, sa Habor, sa Ara ug ngadto sa suba sa Gosan hangtod niining adlawa.

Isaias 10:8

kay siya nag-ingon: “Dili ba mga hari man ang tanan nakong mga tigmando?

Isaias 30:2

nga nanggula aron sa paglugsong ngadto sa Ehipto, nga wala magpakitambag kanako, aron sa pagdangop diha sa panalipod sa Paraon, ug sa pagpangita ug kapuy-an diha sa landong sa Ehipto!

Isaias 36:13

Unya ang Rabsakes mitindog, ug misinggit sa usa ka dakong tingog sa pinulongan sa Juda, “Pamatia ninyo ang mga pulong sa bantogang hari, ang hari sa Asiria!

Jeremias 42:2

ug sila miingon kang Jeremias nga propeta, “Himoa nga ang among pangamuyo moabot sa imong atubangan, ug pag-ampo alang kanamo ngadto sa Ginoo nga imong Dios, alang niining tanan nga nahibilin kay kami diyotay lamang nga nahibilin gikan sa daghan, ingon nga ang imong mga mata nakakita kanamo,

Ezequiel 16:33

Sila naghatag ug mga gasa sa tanang mga nagbaligya ug dungog, apan ikaw naghatag sa imong mga gasa ngadto sa tanan nimong nga hinigugma ug nagsuborno kanila aron sila manganha kanimo gikan sa tanang dapit alang sa imong mga pagpakighilawas.

Ezequiel 16:37

tigomon nako ang tanan nimong mga hinigugma nga uban nimo sa paglipay, ug silang tanan nga imong gihigugma, ug ang tanan nimong gidumtan. Tigomon nako sila batok kanimo gikan sa tanang dapit, ug buksan ang imong pagkahubo aron sila makakita sa imong pagkahubo.

Ezequiel 22:20

Ingon nga ang mga tawo magtigom ug plata ug bronsi ug puthaw ug tingga ug estanyo ngadto sa hudno aron magbulhot ug kalayo aron sa pagtunaw niini, kamo usab tigomon nako sa akong kasuko ug sa akong kaligutgot ug ibutang kamo nako didto ug tunawan.

Ezequiel 23:5

“Si Ohola nagbaligya sa iyang dungog sa diha nga akoa pa siya ug siya nagpakabuang sa iyang mga hinigugma, sa mga Asirianhon,

Ezequiel 26:7

“Kay mao kini ang giingon sa Ginoong Dios: Ania karon, gikan sa amihanan ipadala nako ngadto sa Tiro si Nabucodonosor nga hari sa Babilonia, hari sa mga hari, uban ang mga kabayo, mga karwahi ug uban ang mga tigpangabayo ug usa ka panon sa daghang kasundalohan.

Daniel 2:37

Ikaw, O hari, ang hari sa mga hari, nga gihatagan sa Dios sa langit sa gingharian, sa gahom, sa kusog ug sa himaya,

Oseas 10:10

Moanhi ako batok sa mga tawo nga masupilon aron sa pagkastigo kanila ug ang kanasoran tigomon batok kanila, sa diha nga sila mapanton na sa ilang duha ka kalapasan.

Oseas 12:2

Ang Ginoo adunay mulo batok sa Juda, ug magsilot kang Jacob sumala sa iyang mga pamaagi, ug magbalos kaniya sumala sa iyang mga binuhatan.

Hageo 2:6

Kay mao kini ang giingon sa Ginoo sa mga panon: Sa makausa pa, sa makadiyot, uyogon nako ang kalangitan ug ang yuta ug ang dagat ug ang uga nga yuta,