Oseas 8:1

Ang Biblia 2011

Itaon sa imong baba ang trumpeta! Kay ang agila anaa sa balay sa Ginoo, tungod kay ilang giguba ang akong kasabotan ug gilapas ang akong Balaod.

Cross References

2 Mga Hari 18:27

Apan ang Rabsakes miingon kanila, “Gipaanhi ba ako sa akong agalon aron sa pagsulti niining mga pulonga ngadto sa imong agalon ug kaninyo ug dili ngadto sa mga tawo nga nanglingkod sa ibabaw sa kuta, nga uban kaninyo mokaon unya sa kaugalingon nilang kinalibang ug moinom sa kaugalingon nilang ihi?”

Isaias 18:3

Kamong tanan nga nagpuyo sa kalibotan, kamong mga nagpuyo sa yuta, sa diha nga ang usa ka bandila iisa diha sa kabukiran, tan-aw! Sa diha nga patingogon na ang trumpeta, pamati!

Isaias 24:5

Ang yuta nahugawan pinaagi sa mga nagpuyo niini, tungod kay ilang gilapas ang mga balaod, gisupak ang mga lagda, giguba ang kasabotan nga walay kataposan.

Isaias 58:1

“Singgit ug kusog, ayaw pugngi, ipatugbaw ang imong tingog sama sa usa ka trumpeta; ipadayag ngadto sa akong katawhan ang ilang kalapasan, ngadto sa balay ni Jacob ang ilang kasal-anan.

Jeremias 31:32

dili sama sa kasabotan nga akong gibuhat uban sa ilang mga katigulangan, sa dihang giagak nako sila sa pagpagula kanila gikan sa yuta sa Ehipto, ang akong kasabotan nga ilang gilapas, bisan ug ako mao ang ilang bana, nag-ingon ang Ginoo.

Jeremias 34:18

Ug ang mga tawo nga naglapas sa akong kasabotan ug nga wala magtuman sa mga pulong sa kasabotan nga ilang gibuhat sa akong atubangan, akong himoon nga sama sa baka nga ilang gipikas ug sila miagi sa taliwala sa mga bahin niini—

Jeremias 4:13

Tan-awa, siya moanhi sama sa mga panganod, ang iyang mga karwahi sama sa alimpulos; ang iyang mga kabayo tulin pa kay sa mga agila— alaot kita, kay kita nangalaglag!

Jeremias 4:5

Ipahayag ninyo sa Juda, ug isangyaw sa Jerusalem, ug ingna sila, “Patingoga ang mga trumpeta diha sa yuta; singgit ug kusog ug pag-ingon, ‘Pagtigom kamo, ug paadtoa kami sa mga kinutaan nga mga siyudad!’

Jeremias 48:40

Kay mao kini ang giingon sa Ginoo: “Tan-awa, may usa nga molupad sama sa usa ka agila, ug magbukhad sa iyang mga pako batok sa Moab;

Jeremias 49:22

Tan-awa, may usa nga mopatugbaw ug tulin nga molupad sama sa agila ug mobukhad sa iyang mga pako batok sa Bosra, ug ang kasingkasing sa mga manggugubat sa Edom mahimo niadtong adlawa nga sama sa kasingkasing sa usa ka babaye nga nagbati.”

Jeremias 51:27

“Pagbutang ug usa ka bandila diha sa yuta, patingoga ang trumpeta taliwala sa mga nasod; andama ang mga nasod batok kaniya alang sa gubat, ipatawag batok kaniya ang mga gingharian, ang Ararat, ang Minni ug ang Askenas; pagtudlo ug pangulo batok kaniya, pagdala ug mga kabayo sama sa nagpanon nga mga dulon.

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Ezequiel 11:4

Busa pagpropesiya batok kanila, pagpropesiya, O anak sa tawo.”

Ezequiel 16:59

“Kay mao kini ang giingon sa Ginoong Dios: Buhaton usab nako kanimo ang sama sa imong gibuhat, sa pagtamay nimo sa panumpa pinaagi sa paglapas sa kasabotan.

Ezequiel 17:3

ug isulti: Mao kini ang giingon sa Ginoong Dios: Ang usa ka dakong agila nga may dagkong mga pako ug tag-as nga mga balhibo sa pako, puno sa mga balhibo, nga nagkalainlain ang bulok, miadto sa Lebanon ug gikuha ang tumoy sa cedro.

Ezequiel 7:14

“Gipatingog na nila ang trumpeta ug gipaandam na ang tanan, apan walay usa nga miadto sa gubat tungod kay ang akong kasuko anaa sa tibuok katawhan.

Oseas 4:6

Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.

Oseas 5:8

Patingoga ninyo ang budyong sa Gibea, ang trumpeta sa Rama. Patingoga ang pasidaan diha sa Bet-aven, pagkurog, O Benjamin!

Oseas 6:7

Apan didto sa Adam gilapas nila ang kasabotan, didto nagmaluibon sila kanako.

Oseas 9:15

Ang tanan nilang pagkadaotan atua sa Gilgal; didto nagsugod ako sa pagdumot kanila. Tungod sa pagkadaotan sa ilang mga binuhatan hinginlan nako sila gikan sa akong balay. Dili na ako mahigugma kanila; ang tanan nilang mga pangulo mga masupilon.

Joel 2:1

Patingoga ninyo ang trumpeta didto sa Zion; ipalanog ang pasidaan diha sa akong bukid nga balaan! Pakuroga ang tanang nagpuyo sa yuta kay ang adlaw sa Ginoo nagsingabot, nagkaduol na,

Joel 2:15

Patingoga ang trumpeta didto sa Zion; paggahin ug panahon alang sa pagpuasa; pagtawag ug usa ka balaang panagtigom;

Amos 3:6

Gipatingog ba ang trumpeta diha sa siyudad, ug ang katawhan wala mahadlok? Mahiagom ba sa kadaotan ang usa ka siyudad gawas kon ang Ginoo ang naghimo niini?

Amos 8:3

Ang mga awit sa Templo mahimong mga pagminatay niadtong adlawa,” nag-ingon ang Ginoong Dios; “daghan unya ang mga patayng lawas, sa tanang dapit sila isalibay sa hilom.”

Amos 9:1

Nakita nako ang Ginoo nga nagtindog diha sa halaran ug siya miingon, “Hampaka ang mga haligi hangtod nga ang mga pultahan matay-og, ug dugmoka kini diha sa ulo sa tanang katawhan; ang mahibilin kanila akong patyon pinaagi sa espada; walay usa kanila nga makadagan, walay usa kanila nga makaikyas.

Habacuc 1:8

Ang ilang mga kabayo tulin pa kay sa mga leopardo, bangis pa kay sa mga lobo sa kagabhion; ang ilang mga tigpangabayo nagpadayon nga mapagarbohon. Oo, ang ilang mga tigpangabayo naggikan sa layo; sila naglupad sama sa agila nga nagdali aron sa pagtukob.

Sofonias 1:16

adlaw sa pagpatingog sa trumpeta, singgit alang sa gubat, batok sa mga kinutaang siyudad ug batok sa mga habog nga mga bantayanang tore.

Zacarias 11:1

Buksi ang imong mga pultahan, O Lebanon, aron lamyon sa kalayo ang imong mga kahoy nga cedro!

Zacarias 9:14

Unya ang Ginoo magpakita ibabaw kanila, ug ang iyang udyong mokilab sama sa kilat; ang Ginoong Dios mopatingog sa trumpeta, ug mokuyog sa mga alimpulos sa habagatan.

Mateo 24:28

Diin gani may lawas nga patay, adto usab magtapok ang mga agila.

1 Mga Taga-Corinto 15:52

sa kalit, sa usa ka pagpamilok, inigtingog na sa kataposang trumpeta kay ang trumpeta patingogon, ug ang mga patay banhawon nga dili na madunot, ug kita mangausab.

Deuteronomio 28:49

Ang Ginoo magdala batok kaninyo ug usa ka nasod gikan sa layo, gikan sa kinatumyan sa kalibotan, sama ka tulin sa lupad sa agila, usa ka nasod nga ang sinultihan dili ninyo masabtan,