Oseas 7:8

Ang Biblia 2011

Si Efraim nakig-ipon sa mga katawhan; ang Efraim torta nga wala baliha.

Cross References

1 Mga Hari 18:21

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang Ginoo mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

Esdras 9:1

Human mahimo kining mga butanga, ang mga tinugyanan miduol kanako ug miingon, “Ang katawhan sa Israel, ang mga pari ug ang mga Levihanon wala maglain sa ilang kaugalingon gikan sa katawhan sa mga kayutaan nga may mga dulumtanan, gikan sa mga Canaanhon, sa mga Hitihanon, sa mga Perisihanon, sa mga Jebusihanon, sa mga Amonihanon, sa mga Moabihanon, sa mga Ehiptohanon ug sa mga Amorihanon.

Esdras 9:12

Busa ayaw ipaasawa ang inyong mga anak nga babaye sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki, ug ayaw tinguhaa ang ilang pakigdait o kauswagan aron kamo malig-on ug magkaon sa abot sa yuta ug ibilin kini ingon nga usa ka kabilin sa inyong mga anak hangtod sa kahangtoran.’

Salmo 106:35

hinuon misagol sila sa mga nasod, ug nakakat-on sa ilang mga buhat.

Oseas 5:13

Sa pagkakita sa Ephraim sa iyang sakit, ug sa Juda sa iyang samad, miadto ang Ephraim sa Asiria ug nagpadala ngadto sa gamhanang hari. Apan siya dili makahimo sa pag-ayo kaninyo, o sa pag-ayo sa inyong samad.

Oseas 5:7

Sila nagmaluibon sa Ginoo kay sila nanganak ug mga anak sa gawas. Karon lamyon sila sa bag-ong subang sa bulan uban sa ilang kaumahan.

Oseas 7:9

Ang mga langyaw naglamoy sa iyang kusog, ug siya wala mahibalo niini, ang mga ubanon nga buhok anaa na kaniya ug siya wala mahibalo niini.

Oseas 9:3

Sila dili magpabilin sa yuta sa Ginoo; apan ang Efraim mobalik ngadto sa Ehipto, ug sila magkaon sa hugaw nga pagkaon didto sa Asiria.

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Malaquias 2:11

Ang Juda dili matinumanon ug ang dulumtanan gibuhat diha sa Israel ug sa Jerusalem, kay ang Juda nagpasipala sa balaang dapit sa Ginoo nga iyang gihigugma ug nangasawa sa anak sa dios nga langyaw.

Mateo 6:24

“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.