Oseas 7:5

Ang Biblia 2011

Sa adlaw sa atong hari ang mga pangulo nangahubog tungod sa kaisog sa bino; iyang gituy-od ang iyang kamot uban sa mga mabiaybiayon.

Cross References

Genesis 40:20

Sa ikatulo nga adlaw, ang adlawng natawhan sa Paraon, naghimo siya ug kombira alang sa tanan niyang mga alagad. Ug gibayaw niya ang ulo sa pangulo sa mga tig-andam sa bino, ug ang ulo sa pangulo sa mga panadero, atubangan sa tanan niyang mga alagad.

1 Mga Hari 13:4

Ug sa pagkadungog sa hari sa gipamulong sa tawo sa Dios nga iyang gisinggit batok sa halaran sa Betel, gituyhad ni Jeroboam ang iyang kamot gikan sa halaran, nga nag-ingon, “Dakpa ninyo siya.” Ug ang iyang kamot nga iyang gituyhad batok sa propeta migahi nga tungod niana dili na niya kini mapiko pagbalik.

Salmo 1:1

Bulahan ang tawo nga wala maglakaw subay sa tambag sa mga daotan, o magtindog diha sa dalan sa mga makasasala, o maglingkod sa mga lingkoranan sa mga mayubiton;

Salmo 69:12

Nahimo akong hisgotanan sa mga naglingkod sa ganghaan, ug nahimong awit sa mga palahubog.

Mga Panultihon 13:20

Siya nga naglakaw uban sa mga maalamon mahimong maalamon, apan ang kauban sa mga buangbuang mag-antos sa kadaot.

Mga Panultihon 20:1

Ang bino tigbugalbugal, ang isog nga ilimnon tighimo ug kasamok, ug si bisan kinsa nga mahisalaag tungod niini dili maalamon.

Isaias 28:1

Alaot kadtong purongpurong sa garbo sa mga palahubog sa Efraim, ug sa nagkalawos nga bulak sa iyang mahimayaong kaanyag, nga anaa sa ulo sa tabunok nga walog niadtong nangapukan tungod sa bino!

Isaias 28:14

Busa pamatia ninyo ang pulong sa Ginoo, kamo nga mga mabiaybiayon, nga nagmando niining katawhan diha sa Jerusalem!

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Oseas 7:3

Pinaagi sa ilang kadaotan gilipay nila ang hari, ug ang mga pangulo pinaagi sa ilang mga pagpamakak.

Mateo 14:6

Apan sa kasumaran sa adlawng natawhan ni Herodes, ang babayeng anak ni Herodias misayaw sa atubangan sa mga dinapit ug kini nakapahimuot kang Herodes.

Marcos 6:21

Apan miabot ang higayon sa diha nga si Herodes, sa kasumatan sa iyang adlawng natawhan, naghimo ug kombira alang sa iyang mga pangulong kawani ug sa mga pangulo sa kasundalohan ug sa mga kadagkoan sa Galilea.

Mga Taga-Efeso 5:18

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.