Oseas 7:2

Ang Biblia 2011

Apan wala sila maghunahuna nga ako mahinumdom sa tanan nilang daotang mga buhat. Karon ang ilang mga buhat naglibot kanila, sila ania sa akong atubangan.

Cross References

Job 34:21

“Kay ang iyang mga mata anaa sa mga agianan sa usa ka tawo, ug siya nagsud-ong sa tanan niyang mga lakang.

Salmo 10:11

Nag-ingon siya sa sulod sa iyang kasingkasing, “Ang Dios nakalimot na, gitagoan niya ang iyang nawong, dili na gayod siya makakita niini.”

Salmo 25:7

Ayaw hinumdomi ang mga sala sa akong pagkabatan-on o ang akong mga kalapasan; sumala sa imong gugmang walay paglubad, hinumdomi ako, tungod ug alang sa imong kaayo, O Ginoo!

Salmo 50:22

“Karon timan-i ninyo kini, kamo nga nakalimot sa Dios, tingali unya ug ako mokuniskunis ug wala nay usa nga moluwas!

Salmo 9:16

Ang Ginoo nagpaila sa iyang kaugalingon, nagpahamtang siya ug paghukom; ang daotan nalit-ag sa buhat sa iyang kaugalingong mga kamot. Higgaion. Selah

Salmo 90:8

Gibutang nimo ang among mga kasal-anan sa imong atubangan, ang among mga sala nga tinago diha sa kahayag sa imong nawong.

Isaias 1:3

Ang baka nakaila sa iyang tag-iya, ug ang asno sa pasungan sa iyang agalon; apan ang Israel wala makaila, ang akong katawhan wala makasabot.”

Isaias 26:16

O Ginoo, diha sa kaguol midangop sila kanimo, nagbubo sila ug pag-ampo sa diha nga ang imong kastigo anaa ibabaw kanila.

Isaias 44:19

Walay naghunahuna o adunay kaalam o pagsabot aron sa pag-ingon, “Gisunog nako sa kalayo ang katunga niini, ako usab nagluto ug pan ibabaw sa mga baga niini, ako nagsugba ug unod ug mikaon ug himoon ba nako ang salin niini nga usa ka dulumtanan? Mohapa ba ako sa atubangan sa punoan sa usa ka kahoy?”

Isaias 5:12

Aduna silay lira ug alpa, tambor, plawta ug bino sa ilang mga kasaulogan, apan wala nila panumbalinga ang mga buhat sa Ginoo o makita ang gihimo sa iyang mga kamot.

Jeremias 14:10

Mao kini ang giingon sa Ginoo mahitungod niini nga katawhan: “Sila nahigugma sa paglaaglaag, wala sila makapugong sa ilang mga tiil; busa ang Ginoo wala modawat kanila, karon hinumdoman niya ang ilang kadaotan ug silotan ang ilang mga sala.”

Jeremias 16:17

Kay ang akong mga mata anaa sa tanan nilang mga pamaagi. Sila wala matago gikan kanako o ang ilang kalapasan matago sa akong mga mata.

Jeremias 17:1

“Ang sala sa Juda gisulat pinaagi sa usa ka igsusulat nga puthaw; pinaagi sa tumoy sa diamante gikulit kini diha sa papan sa ilang kasingkasing ug sa mga sungaysungay sa ilang mga halaran,

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 32:19

dako sa pagtambag ug makagagahom sa buhat, nga ang mga mata binuka ngadto sa tanang mga pamaagi sa katawhan, nagganti sa tanang tawo sumala sa iyang mga pamaagi ug sumala sa bunga sa iyang mga binuhatan;

Jeremias 4:18

Ang imong mga pamaagi ug ang imong mga binuhatan nagdala niini nganha kanimo. Mao kini ang imong kaalaotan, ug pait kini; miabot kini sa imo gayong kasingkasing.”

Jeremias 44:21

“Mahitungod sa insenso nga inyong gisunog didto sa mga siyudad sa Juda ug sa kadalanan sa Jerusalem, kamo ug ang inyong mga katigulangan, ang inyong mga hari ug ang inyong mga prinsipe, ug ang katawhan sa yuta, wala ba ang Ginoo mahinumdom niini? Wala ba kini moabot sa iyang hunahuna?

Ezequiel 21:29

samtang makakita sila ug mga bakak nga panan-awon alang kanimo, samtang nanagna sila ug bakak kanimo, aron ipahiluna ngadto sa mga liog sa daotan nga ang adlaw miabot na, panahon sa kataposang silot.

Oseas 12:2

Ang Ginoo adunay mulo batok sa Juda, ug magsilot kang Jacob sumala sa iyang mga pamaagi, ug magbalos kaniya sumala sa iyang mga binuhatan.

Oseas 4:9

Ug kini mahisama sa katawhan, sama sa pari, ug silotan nako sila tungod sa ilang mga pamaagi ug balosan tungod sa ilang mga binuhatan.

Oseas 6:2

Human sa duha ka adlaw ipahiuli niya kita, sa ikatulo nga adlaw ituboy niya kita, aron kita magpuyo sa iyang atubangan.

Oseas 8:13

Sila nahigugma sa paghalad ug inihaw; sila naghalad ug unod ug nagkaon niini, apan ang Ginoo walay kalipay niini. Karon iyang hinumdoman ang ilang kasal-anan ug silotan ang ilang mga sala, sila mamalik ngadto sa Ehipto.

Oseas 9:15

Ang tanan nilang pagkadaotan atua sa Gilgal; didto nagsugod ako sa pagdumot kanila. Tungod sa pagkadaotan sa ilang mga binuhatan hinginlan nako sila gikan sa akong balay. Dili na ako mahigugma kanila; ang tanan nilang mga pangulo mga masupilon.

Oseas 9:9

Sa hilabihan gayod gihugawan nila ang ilang kaugalingon, sama sa mga adlaw sa Gibea; hinumdoman niya ang ilang pagkadaotan, silotan niya ang ilang kasal-anan.

Amos 8:7

Ang Ginoo nanumpa tungod sa kahalangdon ni Jacob, “Sa pagkatinuod, dili gayod ako malimot sa bisan unsa sa ilang mga binuhatan.

Jonas 1:2

“Lakaw ngadto sa Ninibe, kanang dakong siyudad, ug singgit batok niini, kay ang ilang pagkadaotan midangat sa akong atubangan.”

Numeros 32:23

Apan kon kini dili ninyo buhaton, kamo nakasala batok sa Ginoo ug masilotan gayod kamo tungod sa inyong sala.

Lucas 12:2

Walay tinabonan nga dili ukban o tinagoan nga dili mahibaloan.

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

Deuteronomio 32:29

Kon maalamon pa sila, makasabot unta sila niini, masabtan unta nila ang ilang kataposan!

Mga Hebreo 4:13

Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.