Oseas 7:10

Ang Biblia 2011

Ang pagpagarbo sa Israel nagpamatuod batok kaniya, apan sila wala mobalik ngadto sa Ginoo nga ilang Dios o mangita kaniya alang niining tanan.

Cross References

Salmo 10:4

Tungod sa garbo sa iyang pagbati ang daotan wala mangita kaniya; ang tanan niyang panghunahuna, “Walay Dios.”

Salmo 14:2

Ang Ginoo nagsud-ong gikan sa langit ngadto sa mga anak sa mga tawo, sa pagtan-aw kon may usa ba nga maalam, nga nangita sa Dios.

Salmo 53:2

Ang Dios nagtan-aw gikan sa langit ngadto sa mga anak sa mga tawo, aron sa pagtan-aw kon aduna bay usa nga maalamon, nga nangita sa Dios.

Mga Panultihon 27:22

Dugmoka ang usa ka buangbuang diha sa lusong pinaagi sa usa ka alho uban sa linubok nga trigo, apan ang iyang kabuang dili mobiya kaniya.

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Isaias 9:13

Ang katawhan wala modangop niadtong mihampak kanila, o mangita sa Ginoo sa mga panon.

Jeremias 3:3

Busa ang ulan gipugngan, ug ang ulan sa tingpamulak wala moabot; bisan pa niini ikaw adunay kilay sa babaye nga nagbaligya sa iyang dungog, ikaw nagdumili sa pagkaulaw.

Oseas 13:14

Lukaton ba nako sila gikan sa gahom sa Sheol? Tubson ba nako sila gikan sa kamatayon? O kamatayon, hain man ang imong mga hampak? O Sheol, hain man ang imong paglaglag? Ang kaluoy natago gikan sa akong mga mata.

Oseas 5:5

Ug ang pagpagarbo sa Israel nagpamatuod sa iyang atubangan, ang Efraim mahisukamod sa iyang kasal-anan, ang Juda usab mahisukamod uban kanila.

Oseas 6:1

Sila miingon, “Dali, mamalik kita ngadto sa Ginoo, kay gilaksi kita niya aron ayohon niya kita, gisamaran kita niya ug bugkosan niya kita.

Oseas 7:7

Silang tanan init sama sa hudno, ug gilamoy nila ang ilang mga tigmando. Ang tanan nilang mga hari nangapukan; walay usa kanila nga nagsangpit kanako.

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

Zacarias 1:4

Ayaw kamo pagpakasama sa inyong katigulangan, nga kanila ang unang propeta misinggit, ‘Mao kini ang giingon sa Ginoo sa mga panon, Balik kamo karon gikan sa inyong daotan nga mga pamaagi, ug gikan sa inyong daotan nga mga buhat.’ Apan sila wala mamati o magpatalinghog kanako, nag-ingon ang Ginoo.

Roma 3:11

walay usa nga nakasabot, walay bisan usa nga nangita sa Dios.