Oseas 7:1

Ang Biblia 2011

Sa diha nga ipahiuli na nako ang maayong kahimtang sa akong katawhan, sa diha nga ayohon unta nako ang Israel, ang kasal-anan sa Efraim nabutyag, ug ang mga daotang binuhatan sa Samaria; kay sila namakak, ang kawatan nanglungkab, ug ang mga tulisan nanulis sa gawas.

Cross References

Isaias 28:1

Alaot kadtong purongpurong sa garbo sa mga palahubog sa Efraim, ug sa nagkalawos nga bulak sa iyang mahimayaong kaanyag, nga anaa sa ulo sa tabunok nga walog niadtong nangapukan tungod sa bino!

Isaias 59:12

Kay ang among mga kalapasan gipadaghan sa imong atubangan, ug ang among mga sala nagpamatuod batok kanamo, kay ang mga kalapasan ania uban kanamo, ug kami nakaila sa among mga kasal-anan:

Isaias 59:13

naglapas ug naglimod sa Ginoo, ug mibiya gikan sa pagsunod sa among Dios, nagsulti ug pagpanglupig ug pagsupil, naghunahuna ug nagsulti ug mga pulong nga bakak gikan sa kasingkasing.

Isaias 59:14

Ang hustisya gisalikway, ug ang pagkamatarong nagpaantaw; kay ang kamatuoran napukan sa kadalanan, ug ang katarong dili makasulod.

Jeremias 51:9

Mahimo pa untang ayohon nato ang Babilonia, apan dili siya mamaayo. Biyai siya, ug mangadto kita ang matag usa sa kaugalingon niyang yuta; kay ang paghukom kaniya miabot ngadto sa langit, ug gibayaw bisan ngadto sa kalangitan.

Ezequiel 16:46

Ug ang imong magulang nga babaye mao ang Samaria, nga nagpuyo uban sa iyang mga anak nga babaye dapit sa amihanan nimo. Ug ang imong manghod nga babaye nga nagpuyo dapit sa habagatan mao ang Sodoma uban sa iyang mga anak nga babaye.

Ezequiel 23:4

Ohola ang ngalan sa magulang ug Oholiba ang ngalan sa iyang igsoon. Sila nangahimong akoa, ug sila nanganak ug mga bata nga lalaki ug mga babaye. Mahitungod sa ilang mga ngalan, si Ohola mao ang Samaria ug si Oholiba mao ang Jerusalem.

Ezequiel 24:13

Ang taya niini mao ang hugaw nga pagkalaw-ay. Tungod kay gihinloan ko na unta ikaw ug ikaw wala mahinlo, gikan sa imong pagkahugaw dili na gayod mahinlo pa hangtod nga matagbaw ako sa akong kasuko nganha kanimo.

Oseas 10:5

Ang mga nagpuyo sa Samaria nangalisang tungod sa nating baka sa Bet-aven. Ang katawhan niini magbakho niini, ug ang mga pari didto nga nagsimba ug mga diosdios magminatay tungod niini, tungod sa himaya nga mibiya gikan niini.

Oseas 11:12

Ang Ephraim nagpalibot kanako sa kabakakan, ug ang balay sa Israel sa limbong; apan ang Juda naglakaw pa uban sa Dios, ug nagmatinumanon ngadto sa Balaan.

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Oseas 12:1

Ang Efraim nagdakop sa hangin ug naggukod sa hangin sa silangan sa tibuok adlaw; sila nagpadaghan sa kabakakan ug sa kabangis; sila nakigsabot sa Asiria, ug ang lana gidala ngadto sa Ehipto.

Oseas 12:2

Ang Ginoo adunay mulo batok sa Juda, ug magsilot kang Jacob sumala sa iyang mga pamaagi, ug magbalos kaniya sumala sa iyang mga binuhatan.

Oseas 4:17

Ang Efraim natipon sa mga diosdios, pasagdi siya.

Oseas 4:2

Hinuon adunay pagpanumpa, pagpamakak, pagpamatay, pagpangawat, ug pagpanapaw, ilang gilapas ang tanan nga mga utlanan ug nagsunodsunod ang pagpamatay.

Oseas 5:1

Pamatia kini, O mga pari! Tagda, O balay sa Israel! Paminawa, O balay sa hari! Kay ang paghukom mahitungod kaninyo; kay kamo nahimong lit-ag sa Mispa, ug pukot nga gibukhad didto sa Tabor.

Oseas 6:4

Unsay buhaton nako kanimo, O Ephraim? Unsay buhaton nako kanimo, O Juda? Ang imong gugma sama sa panganod sa kabuntagon, sama sa yamog nga sayong mahanaw.

Oseas 7:13

Alaot sila, kay sila nahisalaag gikan kanako! Ang kalaglagan alang kanila kay sila misupil batok kanako! Lukaton unta nako sila, apan sila nagsulti ug bakak batok kanako.

Oseas 8:5

Gisalibay ang imong nating baka, O Samaria. Ang akong kasilag nagdilaab batok kanila. Kanus-a ba sila maputli?

Oseas 8:9

Kay sila nanungas sa Asiria, ingon sa ihalas nga asno nga mag-inusara sa paglatagaw; ang Efraim nagsuhol ug mga hinigugma.

Amos 3:10

“Sila dili mahibalong mobuhat ug matarong, sila nga nagtigom pinaagi sa kabangis ug pagpanulis sulod sa ilang mga salipdanan,” nag-ingon ang Ginoo.

Amos 3:9

Ipahibalo ninyo ngadto sa mga salipdanan sa Asdod, ug sa mga salipdanan didto sa yuta sa Ehipto, ug ingna, “Pagtigom kamo sa ibabaw sa kabukiran sa Samaria, ug tan-awa ang dagkong kasamok sa sulod niini, ug ang pagdaogdaog sa taliwala niini.”

Amos 8:14

Kadtong manumpa pinaagi kang Asima sa Samaria ug mag-ingon, ‘Ingon nga ang imong dios buhi, O Dan,’ ug, ‘Ingon nga ang pamaagi sa Beer-seba buhi,’ sila mangapukan ug dili na gayod makabangon pag-usab.”

Miqueas 6:16

Kay imong gituman ang mga lagda ni Omri, ug ang tanang mga buhat sa balay ni Ahab; ug ikaw naglakaw diha sa ilang mga tambag; aron ikaw himoon nako nga biniyaan, ug ang mga nagpuyo niini talamayon. Busa kamo mag-antos sa mga pagtamay sa mga katawhan.”

Mateo 23:37

“O Jerusalem, Jerusalem nga nagpatay sa mga propeta ug nagbato sa mga pinadala nganha kanimo! Sa makadaghan gipangandoy nako ang pagtigom unta sa imong mga anak, sama sa himungaan nga nagtigom sa iyang mga piso ilalom sa iyang mga pako, apan nagdumili kamo!

Lucas 13:34

O Jerusalem, Jerusalem, nga nagpatay sa mga propeta ug nagbato sa mga sinugo diha kanimo! Makapila nako gipangandoy ang pagtigom sa imong mga anak sama sa himungaan nga nagtigom sa iyang mga piso ilalom sa iyang mga pako, apan nagdumili ka!

Lucas 19:42

ug miingon, “Kon niining adlawa nahibalo pa lamang unta ikaw sa mga butang nga maghimo sa kalinaw! Apan karon natago kini gikan sa imong mga mata.