Oseas 6:4

Ang Biblia 2011

Unsay buhaton nako kanimo, O Ephraim? Unsay buhaton nako kanimo, O Juda? Ang imong gugma sama sa panganod sa kabuntagon, sama sa yamog nga sayong mahanaw.

Cross References

Oseas 13:3

Busa mahisama sila sa gabon sa kaadlawon o sama sa yamog nga sayong mahanaw, sama sa tahop nga mapalid gikan sa giokanan o sama sa aso gikan sa bintana.

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Mateo 13:21

Apan siya mismo walay gamot ug molahutay lamang sa makadiyot, ug sa dihang moabot ang kasakitan o pagpanglutos tungod sa pulong, matumba dayon siya.

Jeremias 34:15

Karon naghinulsol na kamo ug nagbuhat sa matarong diha sa akong mga mata pinaagi sa pagsangyaw ug kagawasan, ang matag usa ngadto sa iyang isigkatawo ug nagbuhat kamo ug kasabotan sa akong atubangan sulod sa balay nga gitawag sa akong ngalan.

Jeremias 9:7

Busa kini mao ang giingon sa Ginoo sa mga panon: “Tan-awa, ulayon nako sila ug sulayan kay unsa pa may akong mahimo tungod sa akong katawhan?

Jeremias 5:23

Apan kini nga katawhan adunay gahi ug masukihon nga kasingkasing; sila mitipas ug nangawala.

Jeremias 5:9

Dili ba nako sila silotan tungod niining mga butanga? nag-ingon ang Ginoo; ug dili ba ako manimalos sa nasod nga sama niini?

Jeremias 5:7

“Unsaon nako sa pagpasaylo kanimo? Ang imong mga anak mitalikod kanako, ug nanumpa pinaagi niadtong dili mga dios. Sa diha nga gipakaon nako sila hangtod sa pagkabusog, sila nanapaw hinuon ug nagpanon ngadto sa mga balay sa mga babaye nga nagbaligya sa ilang dungog.

Jeremias 3:19

“ ‘Ako naghunahuna unsaon nako pagpahimutang kanimo uban sa akong sa mga anak, ug paghatag kanimo sa maayong yuta, usa ka labing matahom nga panulundon sa tanang mga nasod. Ug ako naghunahuna nga motawag ikaw kanako, Akong Amahan, ug dili mobiya sa pagsunod kanako.

Jeremias 3:10

Apan bisan pa niining tanan, ang iyang malinglahong igsoon nga Juda wala mobalik kanako uban sa tibuok niyang kasingkasing, kondili diha sa pagpakaaron-ingnon, nag-ingon ang Ginoo.”

Oseas 7:1

Sa diha nga ipahiuli na nako ang maayong kahimtang sa akong katawhan, sa diha nga ayohon unta nako ang Israel, ang kasal-anan sa Efraim nabutyag, ug ang mga daotang binuhatan sa Samaria; kay sila namakak, ang kawatan nanglungkab, ug ang mga tulisan nanulis sa gawas.

Mga Maghuhukom 3:12

Ang katawhan sa Israel naghimo pag-usab ug daotan diha sa panan-aw sa Ginoo. Ug ang Ginoo naglig-on kang Eglon nga hari sa Moab batok sa Israel tungod kay naghimo sila ug daotan diha sa panan-aw sa Ginoo.