Oseas 5:5

Ang Biblia 2011

Ug ang pagpagarbo sa Israel nagpamatuod sa iyang atubangan, ang Efraim mahisukamod sa iyang kasal-anan, ang Juda usab mahisukamod uban kanila.

Cross References

Mga Panultihon 11:21

Siguro gayod nga ang daotang tawo dili mahimong dili masilotan, apan ang matarong luwason.

Mga Panultihon 11:5

Ang pagkamatarong sa tawong hingpit magtul-id sa iyang dalan, apan ang daotan mahulog pinaagi sa iyang kaugalingong pagkadaotan.

Mga Panultihon 14:32

Ang daotan mapukan tungod sa iyang buhat nga daotan, apan ang matarong makakita ug dalangpanan pinaagi sa iyang kaligdong.

Mga Panultihon 24:16

kay ang matarong nga tawo mapukan sa makapito ug mobangon pag-usab; apan ang daotan mapukan pinaagi sa katalagman.

Mga Panultihon 30:13

Adunay mga tawo—pagkamapahitas-on sa ilang mga mata, pagkataas sa pag-isa sa ilang mga tabontabon!

Isaias 3:8

Kay ang Jerusalem nalumpag na, ug ang Juda napukan na; kay ang ilang pagpamulong ug ang ilang mga buhat batok sa Ginoo, naghagit sa iyang mahimayaong presensiya.

Isaias 3:9

Ang ilang pagdapig nagsaksi batok kanila; gipasundayag nila ang ilang sala sama sa Sodoma, wala nila kini taboni. Alaot sila! kay nagdala sila ug daotan sa ilang kaugalingon.

Isaias 44:9

Ang tanan nga nagbuhat ug mga larawan walay hinungdan, ug ang mga butang nga ilang gikalipayan dili magpulos; ang ilang mga saksi dili makakita o makaila, nga tungod niana sila maulawan.

Isaias 59:12

Kay ang among mga kalapasan gipadaghan sa imong atubangan, ug ang among mga sala nagpamatuod batok kanamo, kay ang mga kalapasan ania uban kanamo, ug kami nakaila sa among mga kasal-anan:

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Oseas 14:1

O Israel, balik ngadto sa Ginoo nga imong Dios, kay ikaw nahisukamod tungod sa imong kasal-anan.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Oseas 4:5

Ikaw mahisukamod sa adlawan, ang propeta usab mahisukamod uban kanimo sa kagabhion, ug laglagon nako ang imong inahan.

Oseas 5:14

Kay ako mahisama sa liyon alang sa Ephraim, ug sama sa batan-ong liyon alang sa balay sa Juda. Ako gayod mokuniskunis ug mobiya, ako mobihag ug walay bisan kinsa nga makaluwas.

Oseas 7:10

Ang pagpagarbo sa Israel nagpamatuod batok kaniya, apan sila wala mobalik ngadto sa Ginoo nga ilang Dios o mangita kaniya alang niining tanan.

Oseas 8:14

Ang Israel nalimot sa iyang Magbubuhat ug nagtukod ug mga palasyo; ug ang Juda nagpadaghan sa mga siyudad nga kinutaan, apan magpadala ako ug kalayo nganha sa iyang mga siyudad, ug kini maglamoy sa mga salipdanan niini.

Amos 5:2

“Napukan, dili na makabangon ang ulay nga Israel; gipasagdan diha sa iyang yuta nga walay bisan usa nga mobangon kaniya.”

Mateo 23:31

Sa ingon niini nagsaksi kamo batok sa inyong kaugalingon nga kamo mga anak diay niadtong mga mipatay sa mga propeta.

Lucas 19:22

Ug siya miingon kaniya, ‘Daotan nga sulugoon, pinaagi sa kaugalingon nimong sulti hukman ko ikaw! Nahibalo ka man diay unta nga ako higpit nga pagkatawo nga nagkuha sa dili nako binutang ug nag-ani sa dili nako pinugas,