Oseas 5:3

Ang Biblia 2011

Ako nakaila kang Ephraim, ug ang Israel wala matago kanako; kay karon, O Ephraim, ikaw nagmakihilawason, ang Israel nahugawan.

Cross References

Isaias 7:16

Kay sa dili pa ang bata makakat-on sa pagsalikway sa daotan ug sa pagpili sa maayo, biyaan ang yuta diin ang duha ka hari imong gikahadlokan.

Isaias 7:17

Ang Ginoo magdala nganha kanimo ug sa imong katawhan ug sa balay sa imong amahan sa mga adlaw nga wala pa mahitabo sukad niadtong adlawa nga mibulag ang Efraim gikan sa Juda—ang hari sa Asiria.”

Isaias 7:5

Tungod kay ang Siria, ang Efraim ug ang anak ni Remalias nagtinguha ug daotan batok kanimo nga nag-ingon,

Oseas 1:2

Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.”

Oseas 12:1

Ang Efraim nagdakop sa hangin ug naggukod sa hangin sa silangan sa tibuok adlaw; sila nagpadaghan sa kabakakan ug sa kabangis; sila nakigsabot sa Asiria, ug ang lana gidala ngadto sa Ehipto.

Oseas 13:1

Sa diha nga ang Efraim misulti, dihay pagkurog, gipasidunggan siya sa Israel, apan siya nakasala pinaagi kang Baal ug siya namatay.

Oseas 13:5

Ako ang nakaila kanimo didto sa kamingawan, sa yuta sa dakong hulaw.

Oseas 5:11

Ang Ephraim gidaogdaog, nadugmok sa paghukom, kay siya nakahukom sa pagsunod sa kakawangan.

Oseas 5:13

Sa pagkakita sa Ephraim sa iyang sakit, ug sa Juda sa iyang samad, miadto ang Ephraim sa Asiria ug nagpadala ngadto sa gamhanang hari. Apan siya dili makahimo sa pag-ayo kaninyo, o sa pag-ayo sa inyong samad.

Oseas 5:9

Ang Ephraim mahimong kamingawan sa adlaw sa pagsilot; diha sa mga banay sa Israel akong gipahayag ang matuod gayod.

Oseas 6:10

Sa balay sa Israel akong nakita ang usa ka makalilisang nga butang, atua didto ang pagpakighilawas sa Efraim, ang Israel nahugawan.

Oseas 6:4

Unsay buhaton nako kanimo, O Ephraim? Unsay buhaton nako kanimo, O Juda? Ang imong gugma sama sa panganod sa kabuntagon, sama sa yamog nga sayong mahanaw.

Oseas 8:11

Tungod kay ang Efraim nagpadaghan sa mga halaran alang sa pagpakasala, kini alang kaniya nahimo nga mga halaran alang sa pagpakasala.

Amos 3:2

“Kamo lamang ang akong nailhan sa tanang mga panimalay sa yuta; busa silotan ko kamo tungod sa tanan ninyong mga kasal-anan.

Amos 5:12

Kay ako nahibalo sa kadaghan sa inyong mga kalapasan ug unsa ka dako ang inyong mga sala— kamo nga nagsakit sa mga matarong, nga nagdawat ug suborno, ug nagsalikway sa mga nanginahanglan diha sa ganghaan.

Deuteronomio 33:17

Ang iyang kahalangdon sama sa kamagulangan sa torong baka ug ang iyang mga sungay mga sungay sa baka nga ihalas; pinaagi niini itulod niya ang katawhan, ang tanan ngadto sa mga kinatumyan sa kalibotan; kini sila mao ang napulo ka libo ni Efraim, ug kini sila mao ang mga linibo ni Manases.”

Mga Hebreo 4:13

Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.

Gipadayag 3:15

“ ‘Nasayod ako sa imong mga buhat, nga ikaw dili bugnaw ug dili usab init. Maayo unta ug bugnaw ka pa o init!