Oseas 5:2

Ang Biblia 2011

Ug ilang gipalaloman ang gahong sa Sitim, apan akong silotan silang tanan.

Cross References

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Isaias 29:15

Alaot kadtong magtago sa ilang pagtambag gikan sa Ginoo, nga ang mga buhat anaa sa kangitngit, ug nag-ingon, “Kinsay nakakita kanato? Kinsay nakaila kanato?”

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 5:3

O Ginoo, wala ba magtan-aw sa kamatuoran ang imong mga mata? Ikaw naghampak kanila apan wala sila mobati ug kasubo; ikaw nag-ut-ot kanila apan sila nagdumili sa pagdawat sa pagsaway. Ilang gihimo nga ang ilang mga nawong gahi pa kay sa bato; nagdumili sila sa paghinulsol.

Jeremias 6:28

Silang tanan mga gahig ulo nga sukihan, naglakawlakaw uban ang mga pagbutangbutang; sila mga bronsi ug puthaw, silang tanan nagbuhat ug daotan.

Oseas 4:2

Hinuon adunay pagpanumpa, pagpamakak, pagpamatay, pagpangawat, ug pagpanapaw, ilang gilapas ang tanan nga mga utlanan ug nagsunodsunod ang pagpamatay.

Oseas 6:5

Busa gisapsapan nako sila pinaagi sa mga propeta, gipamatay nako sila pinaagi sa mga pulong sa akong baba, ug ang akong mga paghukom migula sama sa kahayag.

Oseas 6:9

Ingon nga ang mga tulisan naghulat sa usa ka tawo, ang mga pari usab naghiusa, nagpatay diha sa dalan paingon sa Sekem, Oo, sila naghimo ug hilabihan ka daotan.

Oseas 9:15

Ang tanan nilang pagkadaotan atua sa Gilgal; didto nagsugod ako sa pagdumot kanila. Tungod sa pagkadaotan sa ilang mga binuhatan hinginlan nako sila gikan sa akong balay. Dili na ako mahigugma kanila; ang tanan nilang mga pangulo mga masupilon.

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.