Oseas 5:1

Ang Biblia 2011

Pamatia kini, O mga pari! Tagda, O balay sa Israel! Paminawa, O balay sa hari! Kay ang paghukom mahitungod kaninyo; kay kamo nahimong lit-ag sa Mispa, ug pukot nga gibukhad didto sa Tabor.

Cross References

Jeremias 11:7

Kay ako nagpasidaan sa inyong mga katigulangan sa dihang gidala ko kamo gikan sa yuta sa Ehipto, nagpadayon ako sa pagpasidaan kanila nga nag-ingon, Tumana ang akong tingog.

Jeremias 13:18

Sultihi ang hari ug ang rayna nga inahan, “Lingkod sa ubos nga lingkoranan, kay ang inyong mga matahom nga korona nahulog gikan sa inyong ulo.”

Jeremias 46:18

“Ingon nga buhi ako, nag-ingon ang Hari nga ang ngalan si Yahweh sa mga panon, sama sa Tabor taliwala sa mga bukid, ug sama sa Carmel nga anaa duol sa dagat, ang usa ka tawo moduol.

Oseas 10:15

Busa mao kini ang buhaton kaninyo, O Betel, tungod sa inyong hilabihang pagkadaotan; sa kaadlawon ang hari sa Israel puohon gayod.

Oseas 13:8

Mohasmag ako kanila sama sa usa ka oso nga nawad-an sa iyang mga itoy, ug laksion nako ang ilang dughan, ug didto ako maglamoy kanila sama sa usa ka liyon nga baye, sama sa usa ka mananap nga ihalas nga magwataswatas kanila.

Oseas 4:1

Pamatia ang pulong sa Ginoo, katawhan sa Israel, kay ang Ginoo adunay pakigbangi sa mga nagpuyo sa yuta. Walay pagkamatinumanon o kaayo o pag-ila sa Dios diha sa yuta.

Oseas 6:9

Ingon nga ang mga tulisan naghulat sa usa ka tawo, ang mga pari usab naghiusa, nagpatay diha sa dalan paingon sa Sekem, Oo, sila naghimo ug hilabihan ka daotan.

Oseas 9:8

Ang propeta maoy tigbantay sa Efraim, ang katawhan sa akong Dios, apan ang usa ka lit-ag sa mangangayam ug langgam anaa sa tanan niyang mga dalan, ug ang kasilag anaa sa balay sa iyang Dios.

Joel 1:2

Pamatia kini, kamong mga tigulang nga katawhan pamati kamong tanan nga nagpuyo sa yuta! Nahitabo ba ang ingon niining butanga sa inyong mga adlaw o sa mga adlaw sa inyong mga katigulangan?

Amos 3:1

Pamatia kining pulong nga gisulti sa Ginoo batok kaninyo, O katawhan sa Israel, batok sa tibuok nga panimalay nga akong gikuha gikan sa yuta sa Ehipto:

Amos 7:9

ang habog nga mga dapit ni Isaac mahimong biniyaan, ug ang mga balaang dapit sa Israel mahimong awaaw, ug ako motindog batok sa balay ni Jeroboam uban ang usa ka espada.”

Miqueas 3:1

Ug ako miingon: Pamati, kamo nga mga pangulo ni Jacob ug mga tigmando sa balay ni Israel! Dili ba alang kaninyo ang pagkahibalo sa hustisya?—

Miqueas 3:9

Pamatia kini, kamo nga mga pangulo sa balay ni Jacob ug mga tigmando sa balay ni Israel, nga nagsalikway sa hustisya ug nagtuis sa tibuok nga buhat sa kaangayan,

Miqueas 7:2

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Malaquias 1:6

“Ang usa ka anak nagtahod sa iyang amahan ug ang usa ka sulugoon, sa iyang agalon. Kon ako usa ka amahan, hain man ang akong dungog? Ug kon ako usa ka agalon hain man ang kahadlok kanako? nag-ingon ang Ginoo sa mga panon kaninyo, O mga pari nga nagtamay sa akong ngalan. Kamo nag-ingon, ‘Giunsa namo pagbugalbugal ang imong ngalan?’

Malaquias 2:1

“Ug karon, O mga pari, kining sugoa alang kaninyo.

Mga Maghuhukom 4:12

Sa diha nga gisuginlan si Sisera nga si Barak nga anak ni Abinoam mitungas ngadto sa bukid sa Tabor,

Mga Maghuhukom 4:6

Iyang gipaadtoan ug gipatawag si Barak nga anak ni Abinoam gikan sa Kedes sa Neftali, ug miingon kaniya, “Ang Ginoo, ang Dios sa Israel, nagsugo kanimo, ‘Lakaw, tigoma ang imong katawhan didto sa bukid sa Tabor, pagdala uban kanimo ug napulo ka libo ka tawo gikan sa banay ni Neftali ug sa banay ni Zabulon.

1 Samuel 7:16

Ug siya mag-adtoan matag tuig sa Betel, sa Gilgal ug sa Mispa, ug siya naghukom sa Israel niining mga dapita.

1 Samuel 7:5

Unya si Samuel miingon, “Tigoma ang tibuok Israel didto sa Mispa, ug ako mag-ampo sa Ginoo alang kaninyo.”

1 Samuel 7:6

Busa sila nagtigom didto sa Mispa ug nagkalos ug tubig ug gibubo kini sa atubangan sa Ginoo. Nagpuasa sila niadtong adlawa ug miingon, “Kami nakasala batok sa Ginoo.” Ug si Samuel nahimong maghuhukom sa katawhan sa Israel didto sa Mispa.