Oseas 4:6

Ang Biblia 2011

Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.

Cross References

2 Cronicas 15:3

Sulod sa dugayng panahon, ang Israel walay matuod nga Dios ug walay magtutudlo nga pari ug walay balaod.

Job 36:12

Apan kon sila dili mamati, sila laglagon pinaagi sa espada, ug sila mangamatay nga walay kahibalo.

Salmo 119:139

Ang akong kasibot miut-ot kanako, tungod kay ang akong mga kabatok nangalimot sa imong mga pulong.

Salmo 119:153

Lantawa ang akong kasakitan, ug luwasa ako, kay wala nako kalimti ang imong Balaod.

Salmo 119:61

Bisan ug ang mga bitik sa mga daotan migapos kanako, wala nako kalimti ang imong Balaod.

Salmo 18:27

Kay ikaw nagluwas sa mga tawo nga mapaubsanon; apan ang mga mata nga mapahitas-on imong gipaubos.

Mga Panultihon 10:21

Ang mga ngabil sa matarong magpakaon ug daghan, apan ang buangbuang mamatay tungod sa pagkakulang ug salabotan.

Mga Panultihon 19:2

Dili maayo alang sa usa ka tawo nga mahimong walay kahibalo, ug siya nga magdali sa iyang mga tiil masayop sa iyang dalan.

Isaias 1:3

Ang baka nakaila sa iyang tag-iya, ug ang asno sa pasungan sa iyang agalon; apan ang Israel wala makaila, ang akong katawhan wala makasabot.”

Isaias 17:10

Kay gikalimtan ninyo ang Dios sa inyong kaluwasan, ug wala hinumdomi ang Bato nga inyong dalangpanan; busa bisan nagtanom ikaw ug matahom nga mga tanom ug nagpahiluna ug mga sanga sa laing dios,

Isaias 27:11

Sa diha nga ang mga sanga niini mangalaya, kini mangaputol; ang mga babaye manganhi ug magdaob niini. Kay kini usa ka katawhan nga walay salabotan; busa siya nga nagbuhat kanila dili maluoy kanila, ug siya nga maoy nag-umol kanila dili mopakita ug kaluoy kanila.

Isaias 28:7

Kini usab sila nagsamparay tungod sa bino ug nagsusapinday tungod sa isog nga ilimnon; ang pari ug ang propeta nagsamparay tungod sa isog nga ilimnon, sila nangalibog tungod sa bino, sila nagsusapinday tungod sa isog nga ilimnon; sila nangasayop diha sa panan-aw, sila nangapandol diha sa paghukom.

Isaias 29:12

Ug sa dihang gihatag nila ang basahon niadtong dili makamaong mobasa nga nag-ingon, “Basaha kini,” siya miingon, “Ako dili makabasa.”

Isaias 3:12

Ang akong katawhan, mga bata ang magdaogdaog kanila, ug ang mga babaye magmando kanila. O akong katawhan, ang inyong mga pangulo maoy magpahisalaag kaninyo, ug magpalibog sa inyong mga agianan.

Isaias 45:20

“Pagtigom kamo ug panganhi, panuol kamo, kamo nga nasalin sa kanasoran! Sila walay kahibalo, sila nga nagdala sa ilang kahoy nga larawan, ug nagpadayon sa pag-ampo sa usa ka dios nga dili makaluwas.

Isaias 5:13

Busa ang akong katawhan gibihag tungod sa kakulang sa kahibalo; ang ilang halangdong mga tawo nangamatay sa gutom, ug ang ilang panon sa katawhan nag-antos tungod sa kauhaw.

Jeremias 2:8

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Jeremias 4:22

“Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

Jeremias 5:21

“Pamatia kini, O mga buangbuang ug walay alamag nga katawhan, nga adunay mga mata apan dili makakita, nga adunay mga dalunggan apan dili makadungog.

Ezequiel 44:23

Tudloan nila ang akong katawhan sa kalainan sa balaan ug sa kasagaran, ug ipaila kanila ang kalainan sa hugaw ug sa hinlo.

Oseas 13:6

Sa diha nga sila nakakaon na pag-ayo, nangabusog sila, ug gibayaw ang ilang kasingkasing, busa sila nalimot kanako.

Oseas 2:13

Silotan nako siya tungod sa mga adlaw sa mga Baal nga alang niini nagsunog siya ug insenso ug nagdayandayan sa iyang kaugalingon pinaagi sa iyang ariyos ug sa alahas ug miapas sa iyang mga hinigugma ug nalimot kanako, nag-ingon ang Ginoo.

Oseas 4:1

Pamatia ang pulong sa Ginoo, katawhan sa Israel, kay ang Ginoo adunay pakigbangi sa mga nagpuyo sa yuta. Walay pagkamatinumanon o kaayo o pag-ila sa Dios diha sa yuta.

Oseas 4:12

Ang akong katawhan nagpakisusi sa kahoy ug ang ilang sungkod naghatag kanila ug mga mensahe. Kay ang espiritu sa pagkamakihilawason nagpahisalaag kanila, ug mibiya sila sa ilang Dios aron sa pagbaligya sa dungog.

Oseas 4:14

Dili nako silotan ang inyong mga anak nga babaye sa diha nga sila magbaligya sa ilang dungog o ang inyong mga umagad nga babaye sa diha nga sila manapaw, kay ang mga lalaki gayod misimang man uban sa mga babayeng nagbaligya sa ilang dungog ug sila naghalad uban sa mga nagbaligya sa ilang dungog ug ang katawhan nga walay panabot modangat sa kalaglagan.

Oseas 5:4

Ang ilang mga binuhatan wala magtugot kanila sa pagbalik ngadto sa ilang Dios Kay ang espiritu sa pagkamakihilawason anaa sa sulod nila, ug sila wala makaila sa Ginoo.

Oseas 6:6

Kay ako nagtinguha sa gugmang walay paglubad ug dili sa halad nga inihaw, sa kahibalo mahitungod sa Dios kay sa mga halad nga sunogon.

Oseas 7:11

Ang Efraim sama sa usa ka salampati nga buangbuang ug walay salabotan; nagtawag sila sa Ehipto, miadto sa Asiria.

Oseas 7:9

Ang mga langyaw naglamoy sa iyang kusog, ug siya wala mahibalo niini, ang mga ubanon nga buhok anaa na kaniya ug siya wala mahibalo niini.

Oseas 8:1

Itaon sa imong baba ang trumpeta! Kay ang agila anaa sa balay sa Ginoo, tungod kay ilang giguba ang akong kasabotan ug gilapas ang akong Balaod.

Oseas 8:12

Bisan pa ug magsulat ako ug napulo ka libo ka balaod alang kaniya, kini isipon nga langyaw nga butang.

Oseas 8:14

Ang Israel nalimot sa iyang Magbubuhat ug nagtukod ug mga palasyo; ug ang Juda nagpadaghan sa mga siyudad nga kinutaan, apan magpadala ako ug kalayo nganha sa iyang mga siyudad, ug kini maglamoy sa mga salipdanan niini.

Oseas 9:17

Ang akong Dios magsalikway kanila tungod kay sila wala mamati kaniya ug sila mahimong latagaw diha sa mga kanasoran.

Mateo 1:6

ug si Jesse ang amahan ni David nga hari. Ug si David mao ang amahan ni Solomon sa asawa ni Urias,

Mateo 15:14

Pasagdi ninyo sila! Mga giya sila nga buta ug kon ang buta mogiya ug buta, silang duha mangahulog sa gahong.”

Mateo 15:8

‘Kining mga tawhana nagpasidungog kanako pinaagi sa ilang mga ngabil, apan ang ilang kasingkasing layo kanako.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.