Oseas 4:4

Ang Biblia 2011

Bisan pa niana ayaw itugot nga adunay makiglalis ug adunay mosumbong kay anaa kanimo ang akong pakigbangi, O pari.

Cross References

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Ezequiel 3:26

Ug ang imong dila akong ipatapot sa alingagngag sa imong baba, aron ikaw mahimong amang, ug ikaw dili makabadlong kanila, kay sila usa ka panimalay nga masupilon.

Oseas 4:17

Ang Efraim natipon sa mga diosdios, pasagdi siya.

Amos 5:10

Sila nagdumot kaniya nga nagbadlong didto sa ganghaan ug nasilag kaniya nga nagsulti sa kamatuoran.

Amos 5:13

Busa ang maalamon magpakahilom lamang nianang panahona, kay kana daotan nga panahon.

Amos 6:10

Ug sa diha nga ang kadugo sa usa ka tawo, siya nga nagsunog kaniya, magkuha kaniya aron sa pagdala sa mga bukog gawas sa balay ug moingon kaniya nga anaa sa kinasuloran nga mga bahin sa balay, “Aduna pa bay usa uban kanimo?” ug siya moingon, “Wala,” unya siya moingon, “Hilom! Dili kita maghisgot sa ngalan sa Ginoo.”

Deuteronomio 17:12

Ug ang tawo nga masinupakon ug dili motuman sa pari nga nagtindog sa pag-alagad diha sa atubangan sa Ginoo nga inyong Dios o sa maghuhukom, ang maong tawo kinahanglang mamatay. Busa puoha ninyo ang daotan gikan sa Israel.