Oseas 4:16

Ang Biblia 2011

Sama sa masukihon nga dumagang baka, ang Israel masukihon; makapakaon ba ang Ginoo kanila karon sama sa usa ka nating karnero diha sa lapad nga sibsibanan?

Cross References

Salmo 78:8

ug dili unta sila mahisama sa ilang mga katigulangan, usa ka sukihan ug masinupakon nga kaliwatan, usa ka kaliwatan nga ang kasingkasing dili mahimutang, nga ang espiritu wala magmatinumanon sa Dios.

Isaias 22:18

ug ilambuyog pag-ayo ug ilabay ikaw sama sa usa ka bola ngadto sa usa ka lapad nga yuta; didto mamatay ikaw ug didto usab ang imong mga maanindot nga karwahe, ikaw nga maoy kaulawan sa balay sa imong agalon.

Isaias 30:23

Ug siya maghatag ug ulan alang sa binhi nga ipugas nimo sa yuta, ug sa trigo, ang abot sa yuta, nga mahimong tambok ug daghan kaayo. Nianang adlawa ang imong kahayopan manibsib sa dagkong mga sibsibanan.

Isaias 5:17

Unya ang mga nating karnero manibsib ingon nga anaa sa ilang sibsibanan, ug ang mga pinatambok ug mga nating kanding magkaon diha sa mga ginuba.

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 3:11

Unya ang Ginoo miingon kanako, “Ang maluibon nga Israel nakita hinuon nga dili kaayo sad-an kay sa malinglahon nga Juda.

Jeremias 3:6

Ang Ginoo miingon kanako sa mga adlaw ni Hari Josias, “Nakita ba nimo ang iyang nabuhat, niadtong maluibon nga Israel, giunsa niya pag-adto sa matag habog nga bukid ug sa ilalom sa matag lunhaw nga kahoy, ug didto nakighilawas siya?

Jeremias 3:8

Nakita niya nga alang sa tanang pagpanapaw niadtong maluibon nga Israel, gipalakaw ko siya uban sa sulat sa pakigbulag. Apan ang iyang malinglahong igsoon nga Juda wala mahadlok, hinuon siya usab miadto ug nagkighilawas.

Jeremias 31:18

“Nadungog nako si Efraim nga nagbakho, ‘Gikastigo nimo ako, ug ako napanton, sama sa usa ka nating baka nga wala mabansay; dad-a ako pagbalik aron ako mahibalik, kay ikaw mao ang Ginoo nga akong Dios.

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Jeremias 7:24

Apan sila wala mamati, o magkiling sa ilang mga dalunggan, kondili naglakaw sa ilang kaugalingong mga tambag ug sa kagahi sa daotan nilang kasingkasing, ug misibog ug wala mopadayon.

Jeremias 8:5

Busa ngano man nga kining katawhan sa Jerusalem mitalikod ngadto sa dayong pagkadalin-as? Sila mitapot sa limbong, nagdumili sila sa pagbalik.

Oseas 10:11

Si Efraim usa ka dumagang baka nga bansay na nga mahigugmang mogiok ug gisayloan nako ang iyang maanindot nga liog apan sangonan nako sa yugo si Efraim; si Juda magdaro, si Jacob magdugmok sa yuta.

Oseas 11:6

Ang espada mapungot batok sa ilang mga siyudad, maghurot sa mga trangka sa ilang ganghaan, ug maglamoy kanila diha sa ilang mga kuta.

Oseas 11:7

Ang akong katawhan mahiligon sa pagpalayo gikan kanako, busa sila gitagana alang sa yugo ug walay si bisan kinsa nga makatangtang niini.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Zacarias 7:11

Apan sila nagdumili sa pagpamati ug mipaliso sa mga gahi nga abaga, ug gisampongan ang ilang mga dalunggan aron sila dili makadungog.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.