Oseas 4:12

Ang Biblia 2011

Ang akong katawhan nagpakisusi sa kahoy ug ang ilang sungkod naghatag kanila ug mga mensahe. Kay ang espiritu sa pagkamakihilawason nagpahisalaag kanila, ug mibiya sila sa ilang Dios aron sa pagbaligya sa dungog.

Cross References

2 Mga Hari 17:7

Nahitabo kini tungod kay ang katawhan sa Israel nagpakasala batok sa Ginoo nga ilang Dios, nga nagkuha kanila gikan sa yuta sa Ehipto, gikan sa mga kamot sa Paraon nga hari sa Ehipto, ug gikahadlokan nila ang laing mga dios,

2 Cronicas 21:13

apan naglakaw diha sa dalan sa mga hari sa Israel ug nangulo sa Juda ug sa mga nagpuyo sa Jerusalem ngadto sa pagkadili matinumanon, sama nga ang panimalay ni Ahab nangulo sa Israel sa pagkadili matinumanon, ug usab gipamatay nimo ang imong mga igsoon sa balay sa imong amahan, nga maayo pa kay kanimo,

Salmo 106:39

Busa nahugawan sila tungod sa ilang mga buhat, ug nagmaluibon sila pinaagi sa ilang mga buhat.

Salmo 73:27

Kay tan-awa, sila nga nagpalayo kanimo mangahanaw; gilaglag nimo silang tanan nga malimbongon kanimo.

Jeremias 10:8

Sila mga hungog ug buangbuang; ang pagtulun-an sa mga diosdios mga kahoy lamang!

Jeremias 2:27

nga nag-ingon sa usa ka kahoy, ‘Ikaw mao ang akong amahan,’ ug ngadto sa usa ka bato, ‘Ikaw mao ang nagpahimugso kanako.’ Kay sila mitalikod kanako ug wala moatubang. Apan sa panahon sa ilang kalisod sila moingon, ‘Tindog, ug luwasa kami!’

Jeremias 23:13

Sa mga propeta sa Samaria, nakita nako ang usa ka dili maayo nga butang: sila nagpropesiya pinaagi sa Baal, ug nagpahisalaag sa akong katawhan nga Israel.

Ezequiel 20:32

“Ang anaa sa inyong hunahuna dili gayod mahitabo, ang hunahuna, ‘Magpakasama kita sa mga nasod, sama sa mga banay sa kayutaan, ug magsimba sa kahoy ug bato.’

Ezequiel 21:21

Kay ang hari sa Babilonia nagtindog sa kinasang-an sa dalan, sa ulohan sa duha ka dalan, aron sa pagtagna-tagna. Iyang giuyog ang mga udyong, nagpakitambag siya sa mga larawan, mitan-aw siya sa atay.

Oseas 14:3

Ang Asiria dili makaluwas kanamo; kami dili mosakay sa mga kabayo; dili na kami moingon, ‘Among Dios,’ ngadto sa buhat sa among mga kamot. Diha kanimo ang ilo nakakaplag ug kaluoy.”

Oseas 5:4

Ang ilang mga binuhatan wala magtugot kanila sa pagbalik ngadto sa ilang Dios Kay ang espiritu sa pagkamakihilawason anaa sa sulod nila, ug sila wala makaila sa Ginoo.

Oseas 6:10

Sa balay sa Israel akong nakita ang usa ka makalilisang nga butang, atua didto ang pagpakighilawas sa Efraim, ang Israel nahugawan.

Oseas 9:1

Ayaw pagmaya, O Israel! Ayaw paglipay sama sa mga katawhan; kay ikaw nagbaligya sa imong dungog, mibiya sa imong Dios. Ikaw nahigugma sa suhol sa usa ka babayeng nagbaligya sa iyang dungog diha sa tanang giokanan.

Levitico 17:7

Busa dili na gayod sila maghalad sa ilang mga halad nga inihaw ngadto sa mga demonyong kanding aron paghimo ug maluibong pagsimba. Kini mahimong usa ka lagda hangtod sa kahangtoran alang kanila sa tanan nilang mga kaliwatan.

Levitico 20:5

makigbatok ako nianang tawhana ug sa iyang panimalay ug ipahimulag nako sila gikan sa ilang katawhan, siya ug ang tanan nga nakighilawas uban kaniya sa pagsimba kang Molec.

Miqueas 2:11

Kon ang usa ka tawo magsuroysuroy nga magsulti ug walay hinungdan ug mga bakak, nga nag-ingon, “Ako magsangyaw kanimo mahitungod sa bino ug sa ilimnon,” siya mahimo nga tigsangyaw niini nga katawhan!

Habacuc 2:19

Alaot siya nga nag-ingon ngadto sa kahoy, “Pagmata;” ngadto sa amang nga bato, “Tindog!” Makahatag ba kini ug pagpadayag? Tan-awa, kini gihal-opan ug bulawan ug plata, ug wala gayoy gininhawa sa sulod niini.

Numeros 15:39

Ug kini mahimo alang kaninyo nga usa ka borlas nga inyong tan-awon ug mahinumdom kamo sa tanang kasugoan sa Ginoo, aron buhaton kini ug aron nga dili kamo magtuman sa inyong kasingkasing ug sa inyong mga mata, nga maoy buot ninyong patuyangan.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

Mga Maghuhukom 18:5

Ug sila miingon kaniya, “Pangutan-a ang Dios aron kami mahibalo kon ang among panaw molampos ba.”