Oseas 3:4

Ang Biblia 2011

Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.

Cross References

Genesis 31:19

Unya si Laban milakaw aron sa pagtupi sa iyang mga karnero, ug gikawat ni Raquel ang mga diosdios sa iyang amahan.

Genesis 31:34

Karon gikuha ni Raquel ang mga diosdios sa balay ug kini gibutang niya sa usa ka montura sa usa ka kamilyo ug milingkod siya niini. Ug gisiksik ni Laban ang tibuok tolda, ug wala kini niya makit-i.

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

2 Samuel 6:14

Ug si David misayaw sa atubangan sa Ginoo sa tibuok niyang kusog ug si David gibaksan ug usa ka lino nga ephod.

2 Mga Hari 23:24

Dugang pa, gihinginlan ni Josias ang mga tawo nga tigpakisayod ug mga espiritu ug ang mga salamangkiro ug ang mga gagmayng larawan ug ang mga diosdios ug ang tanang mga dulumtanan nga nakita didto sa yuta sa Juda ug sa Jerusalem, aron iyang matuman ang mga pulong sa Balaod nga nasulat sa basahon nga nakaplagan ni Hilkias nga pari sa balay sa Ginoo.

2 Cronicas 15:2

Siya migula aron sa pagsugat kang Asa ug miingon kaniya, “Pamatia ako, Asa, ug tibuok nga Juda ug Benjamin: Ang Ginoo nag-uban kaninyo, samtang kamo uban pa kaniya. Kon pangitaon ninyo siya, inyo siyang makit-an, apan kon isalikway ninyo siya, iya kamong isalikway.

Exodo 28:4

Mao kini ang mga bisti nga buhaton nila: ang tabon sa dughan, ang ephod, ang sutana, ang bisti nga binurdahan, ang purong ug ang bakos. Magbuhat sila ug mga bisti nga balaan alang kang Aaron nga imong igsoon, ug sa iyang mga anak nga lalaki aron mag-alagad sila kanako ingon nga mga pari.

Exodo 28:6

Ug magbuhat sila ug ephod gikan sa bulawan ug sa asul ug tapol ug lutong pula nga delana ug lino nga pinong pagkalubid nga binuhat sa mga batid nga magbubuhat.

Mga Pagbangotan 2:9

Ang iyang mga ganghaan nangalusno ngadto sa yuta; iyang gilaglag ug gipamunggo ang mga trangka niini; ang iyang hari ug ang iyang mga pangulo atua sa taliwala sa mga nasod; wala na ang balaod, ug ang iyang mga propeta wala nay panan-awon gikan sa Ginoo.

Ezequiel 19:14

Ug ang kalayo migula gikan sa sanga niini, kini milamoy sa mga sanga ug bunga niini, nga tungod niini walay lig-ong sanga nga nahibilin, walay sitro alang sa tigmando. Kini usa ka pagbangutan ug kini alang sa pagbangutan.

Ezequiel 20:32

“Ang anaa sa inyong hunahuna dili gayod mahitabo, ang hunahuna, ‘Magpakasama kita sa mga nasod, sama sa mga banay sa kayutaan, ug magsimba sa kahoy ug bato.’

Ezequiel 21:21

Kay ang hari sa Babilonia nagtindog sa kinasang-an sa dalan, sa ulohan sa duha ka dalan, aron sa pagtagna-tagna. Iyang giuyog ang mga udyong, nagpakitambag siya sa mga larawan, mitan-aw siya sa atay.

Ezequiel 21:31

Ug akong ibubo ang akong kapungot nganha kanimo. Huypan ko ikaw ug kalayo sa akong kasuko ug itugyan ko ikaw ngadto sa kamot sa mga bangis nga tawo, nga batid sa paglaglag.

Daniel 11:31

Ang mga kasundalohan gikan kaniya motungha ug hugawhugawan ang Templo ug ang kuta ug kuhaon niya ang nagpadayon nga halad nga sunogon. Ug ilang ipahimutang ang dulumtanan nga makapahimong biniyaan.

Daniel 12:11

Ug gikan sa panahon nga ang nagpadayon nga halad nga sunogon kuhaon ug ang dulumtanan nga nakahimong kamingawan mapahiluna, adunay 1,290 ka adlaw.

Daniel 9:27

Siya maghimo ug lig-on nga kasabotan uban sa daghan sulod sa pito ka tuig, ug sa katunga sa pito ka tuig iyang pahunongon ang mga paghalad, ug ibabaw sa pako sa mga dulumtanan moabot ang maglumpag hangtod nga ang gitakda nga kataposan ibubo ngadto sa tiggun-ob.”

Oseas 13:10

Hain man karon ang imong hari, aron sa pagluwas kanimo. Hain man ang imong mga pangulo sa tanan nimong mga siyudad, sila nga mahitungod kanila ikaw nag-ingon, “Hatagi ako ug usa ka hari ug mga pangulo”?

Oseas 13:11

Gihatagan ko ikaw ug hari diha sa akong kasuko ug siya gikuha nako diha sa akong kaligutgot.

Oseas 2:11

Taposon nako ang tanan niyang kalipay, ang iyang mga kasaulogan, ang iyang mga bag-ong subang sa bulan, ang iyang mga adlawng igpapahulay, ug ang tanan niyang mga tinakdang kasaulogan.

Levitico 8:7

Ug iyang gisul-ob kang Aaron ang bisti, ug gibakos kaniya ang bakos, ug gisul-ob kaniya ang sutana, ug gipahimutang ang ephod, ug iyang gibakos kaniya ang maayong pagkahabol nga bakos sa ephod ug kini gihigot kaniya.

Zacarias 10:2

Kay ang mga larawan naglitok ug mga walay pulos, ug ang mga tigpanagna nakakita ug bakak; ang mga tigdamgo nagsugilon ug mga bakak nga damgo, ug naghatag ug kawang nga mga paghupay. Busa ang katawhan naglatagaw sama sa mga karnero; gisakit sila kay sila walay tigbantay.

Zacarias 13:2

“Ug nianang adlawa, nag-ingon ang Ginoo sa mga panon, puohon nako ang mga ngalan sa mga diosdios gikan sa yuta aron dili na sila mahinumdoman, ug papahawaon usab nako gikan sa yuta ang mga propeta ug ang hugaw nga espiritu.

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Juan 19:15

Apan sila naninggit nga nag-ingon, “Ipalayo siya, ipalayo siya, ilansang siya sa krus!” Si Pilato miingon kanila, “Ilansang ba diay nako sa krus ang inyong Hari?” Ang mga pangulong pari mitubag, “Wala kami hari gawas kang Cesar.”

Mga Hebreo 10:26

Kay kon kita magpadayon sa tinuyo nga pagpakasala human nato madawat ang kahibalo sa kamatuoran, wala nay nahibilin pa nga halad nga inihaw alang sa mga sala,

Mga Maghuhukom 17:5

Ug ang tawo nga si Mikeas may usa ka balay sa mga dios, ug naghimo siya ug usa ka ephod ug gagmayng mga larawan ug mihimo sa usa sa iyang mga anak nga lalaki nga iyang pari.

Mga Maghuhukom 18:14

Unya ang lima ka tawo nga miadto aron sa pagpaniid sa yuta sa Lais miingon sa ilang mga igsoon, “Wala ba kamo mahibalo nga dinhi niining mga balaya adunay usa ka ephod, gagmay nga larawan, usa ka kinulit nga larawan ug usa ka tinunaw nga larawan? Busa karon hunahunaa ninyo kon unsay inyong buhaton.”

Mga Maghuhukom 8:27

Unya si Gideon naghimo ug usa ka ephod gikan niini ug gibutang kini sa iyang siyudad sa Opra ug ang tibuok Israel nagluib pinaagi sa pagsimba niini. Ug kini nahimong lit-ag kang Gideon ug sa iyang panimalay.

1 Samuel 14:3

Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

1 Samuel 15:23

Kay ang pagsupil sama sa sala sa pagpanag-an, ug ang pagkagahig ulo sama sa sala sa pagsimba sa mga diosdios. Tungod kay imong gisalikway ang pulong sa Ginoo, siya usab magsalikway kanimo sa imong pagkahari.”

1 Samuel 2:18

Si Samuel nag-alagad sa atubangan sa Ginoo, nagsul-ob siya ug ephod nga lino.

1 Samuel 21:9

Ug ang pari miingon, “Ang espada ni Goliat, ang Filistihanon nga imong gipatay didto sa walog sa Ela ania dinhi, giputos ug panapton sa luyo sa ephod, kon imo kanang dad-on kuhaa kana kay walay lain dinhi gawas niana.” Ug si David miingon, “Walay lain sama niana, ihatag kana kanako.”

1 Samuel 22:18

Unya ang hari miingon kang Doeg, “Liso ug hasmagi ang mga pari.” Ug si Doeg nga Edomhanon miliso ug iyang gihasmagan ang mga pari ug nakapatay siya niadtong adlawa ug 85 ka tawo nga nagsul-ob ug ephod nga lino.

1 Samuel 23:6

Sa diha nga si Abiatar nga anak ni Ahimelek mikagiw ngadto kang David sa Keila, milugsong siya nga dala ang usa ka ephod diha sa iyang kamot.

1 Samuel 23:9

Si David nahibalo nga si Saul naglaraw ug daotan batok kaniya ug siya miingon kang Abiatar nga pari, “Dad-a nganhi ang ephod.”

1 Samuel 30:7

Si David miingon kang Abiatar nga pari ang anak ni Ahimelek, “Dad-a dinhi kanako ang ephod.” Busa gidala ni Abiathar ang ephod ngadto kang David.