Oseas 3:2

Ang Biblia 2011

Busa siya gipalit nako ug napulo ug lima ka siklo nga plata ug usa ka homer ug usa ka letek nga sebada.

Cross References

Genesis 31:41

Diha ako magpuyo sa imong balay sulod sa 20 ka tuig. Napulo ug upat ka tuig nga ako nag-alagad kanimo alang sa imong duha ka anak nga babaye, ug unom ka tuig alang sa imong kahayopan, ug napulo ka higayon giusab-usab nimo ang akong suhol.

Genesis 34:12

Pun-i pa ninyo pagpangayo ug daghang bugay ug mga gasa ug ako mohatag sumala sa inyong ibungat kanako, ihatag lamang ninyo kanako ang dalaga aron akong maasawa.”

Exodo 22:17

Kon ang amahan sa babaye magdumili gayod sa paghatag kaniya ngadto sa lalaki, kinahanglan nga mobayad ang lalaki sa bili nga tukma sa bugay alang sa mga ulay.

Isaias 5:10

Kay upat ka luna nga parasan moani lamang ug usa ka bat nga bino ug ang usa ka homer nga binhi moani ug usa ka epha.”

Ezequiel 45:11

Kinahanglan nga ang epha ug ang bat usa ra ka sukod, aron ang bat makasulod ug usa sa napulo ka bahin sa homer, ug ang epha makasulod ug usa sa napulo ka bahin sa homer, ang homer maoy sumbanan nga taksanan.

Oseas 3:3

Ug ako miingon kaniya, “Ikaw magpuyo ingon nga akoa sulod sa daghang mga adlaw. Dili na ikaw magbaligya sa imong dungog o mapanag-iya sa laing tawo ug dili usab ako nganha kanimo.”

Levitico 27:16

“Kon ang usa ka tawo maghalad ug bahin sa yuta nga iyang napanunod ngadto sa Ginoo, ang imong ihatag nga bili ipasikad sa iyang ikapugas niini, ang kapugsan ug usa ka homer nga sebada magbili ug 50 ka siklo nga plata.

Ruth 4:10

Ug usab si Ruth nga Moabihanon, ang asawa ni Malon, gipalit nako ingon nga akong asawa, aron sa pagpadayon sa ngalan sa namatay diha sa iyang panulundon, aron ang ngalan sa namatay dili mawala gikan sa iyang mga kaigsoonan ug gikan sa ganghaan sa iyang kaugalingong dapit. Kamo ang mga saksi niining adlawa.”

1 Samuel 18:25

Unya si Saul miingon, “Kini mao ang isulti ninyo kang David, ‘Ang hari wala magkinahanglan sa bisan unsang bugay, kondili usa ka gatos ka yamis sa mga Filistihanon, aron iyang panimaslan ang mga kaaway sa hari.’ ” Kay si Saul naghunahuna nga mahulog si David sa kamot sa mga Filistihanon.