Oseas 3:1

Ang Biblia 2011

Ang Ginoo miingon pag-usab kanako, “Lakaw, higugmaa ang usa ka babaye nga hinigugma sa laing lalaki ug usa ka mananapaw, sama nga ang Ginoo nahigugma sa mga anak sa Israel bisan ug sila midangop ngadto sa laing mga dios, ug nahigugma sa mga torta nga pasas.”

Cross References

2 Samuel 6:19

ug siya nanghatag ngadto sa tibuok katawhan, sa tibuok nga panon sa Israel, mga lalaki ug mga babaye, ngadto sa matag usa, usa ka haon nga pan ug usa ka tipik nga unod, ug usa ka torta nga pasas. Unya ang tibuok katawhan namauli ngadto sa ilang balay.

2 Mga Hari 13:23

Apan ang Ginoo nagmaluluy-on kanila ug nagmapuangoron kanila ug nagtagad kanila, tungod sa iyang kasabotan uban kang Abraham, Isaac ug kang Jacob, ug wala maglaglag kanila o magsalikway kanila gikan sa iyang atubangan hangtod karon.

1 Cronicas 16:3

ug iyang giapod-apod sa tibuok Israel, ngadto sa matag usa, lalaki ug babaye, tagsa ka buok pan, tagsa ka pahat nga unod ug tagsa ka torta nga pasas.

Nehemias 9:31

Bisan pa niini tungod sa imong dakong kaluoy, ikaw wala maghimo ug kataposan kanila o mobiya kanila tungod kay ikaw usa ka Dios nga mapuangoron ug maluluy-on.

Salmo 123:2

Tan-awa, ingon nga ang mga mata sa mga alagad nagtutok sa kamot sa ilang mga agalon, ingon nga ang mga mata sa sulugoon nga babaye ngadto sa kamot sa iyang agalon nga babaye, mao usab ang among mga mata nagtutok sa Ginoo nga among Dios, hangtod nga siya adunay kaluoy kanamo.

Exodo 32:6

Ug misayo sila pagmata sa pagkasunod adlaw ug naghalad ug mga halad nga sunogon ug nagdala sila ug mga halad sa pakigdait. Ug nanglingkod ang katawhan aron sa pagkaon ug sa pag-inom ug nanindog sila aron sa pagdula.

Awit sa mga Awit 2:5

Lig-ona ako pinaagi sa mga pasas, paulii ako pinaagi sa mga mansanas; kay nagmasakiton ako tungod sa gugma.

Isaias 45:22

“Dangop kanako, ug mangaluwas kamo, tanang kinatumyan sa yuta! Kay ako mao ang Dios, ug wala nay lain.

Jeremias 3:20

Sa pagkatinuod, ingon nga ang usa ka maluibon nga asawa mobiya sa iyang bana, kamo usab nagluib kanako, O balay sa Israel, nag-ingon ang Ginoo.’ ”

Jeremias 31:20

Si Ephraim ba ang akong minahal nga anak? Siya ba ang akong pinanggang anak? Kay sa makadaghan nga ako magsulti batok kaniya, ako nahinumdom pa gihapon kaniya. Busa ang akong kasingkasing nangandoy kaniya; kaluy-an gayod nako siya, nag-ingon ang Ginoo.

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Oseas 4:11

Ang bino ug ang bag-ong bino magkuha sa pagpanabot.

Oseas 7:5

Sa adlaw sa atong hari ang mga pangulo nangahubog tungod sa kaisog sa bino; iyang gituy-od ang iyang kamot uban sa mga mabiaybiayon.

Amos 2:8

sila nanghigda tupad sa matag halaran ibabaw sa mga bisti nga gitahan; ug diha sa balay sa ilang Dios sila nag-inom sa bino niadtong nakautang.

Amos 6:6

sila nga nag-inom sa bino diha sa mga panaksan, ug nagdihog sa ilang kaugalingon sa mga piniling igdidihog, apan wala masubo sa pagkalaglag ni Jose!

Miqueas 7:7

Apan alang kanako, ako motutok sa Ginoo, ako maghulat sa Dios sa akong kaluwasan; ang akong Dios magpatalinghog kanako.

Zacarias 1:16

Busa mao kini ang giingon sa Ginoo, Ako mibalik sa Jerusalem uban ang kaluoy, ang akong balay tukoron diha niini, nag-ingon ang Ginoo sa mga panon, ug ang usa ka pisi nga igsusukod ikutay tadlas sa Jerusalem.

Mateo 26:50

Apan si Jesus miingon kaniya, “Higala, buhata ang imong tuyo.” Ug miduol sila ug ilang gigunitan ug gidakop siya.

1 Mga Taga-Corinto 10:21

Kay kamo dili makainom sa kupa sa Ginoo dungan sa kupa sa mga demonyo. Dili usab kamo makaambit sa kan-anan sa Ginoo ug sa kan-anan sa mga demonyo.

1 Mga Taga-Corinto 10:7

Ayaw kamo pagsimba sa mga diosdios sama sa uban kanila; kay sumala sa nasulat, “Ang katawhan nanglingkod aron sa pagkaon ug pag-inom, ug nanindog aron sa pagsayaw.”

1 Pedro 4:3

Kay igo na kadtong nangaging panahon sa pagbuhat sumala sa kabubut-on sa mga Gentil, sa paggawi diha sa pagpatuyang, sa kaulag, sa paghuboghubog, sa mapatuyangong paghudyaka, sa walay hunong nga pag-inom ug dulumtanan nga pagsimba ug mga diosdios.

Mga Maghuhukom 10:16

Busa gisalikway nila ang laing mga dios gikan sa ilang taliwala ug mialagad sa Ginoo. Ug siya nasubo tungod sa kaalaotan sa Israel.

Mga Maghuhukom 9:27

Ug miadto sila sa kapatagan ug nanguha sa paras gikan sa ilang mga parasan ug naghimog bino gikan niini ug nagpista ug nangadto sa balay sa ilang dios ug nangaon ug nanginom, ug nagbugalbugal kang Abimelek.