Oseas 2:8

Ang Biblia 2011

Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.

Cross References

1 Cronicas 29:16

O Ginoo nga among Dios, kining tanan nga kadagaya nga among giandam aron sa pagtukod ug usa ka balay alang sa imong balaan nga ngalan naggikan sa imong kamot ug ang tanan imong kaugalingon.

Job 19:8

Giparilan niya ang akong dalan aron dili ako makaagi, ug gibutang niya ang kangitngit diha sa akong mga agianan.

Isaias 1:3

Ang baka nakaila sa iyang tag-iya, ug ang asno sa pasungan sa iyang agalon; apan ang Israel wala makaila, ang akong katawhan wala makasabot.”

Isaias 46:6

Kadtong nag-usik sa bulawan gikan sa sudlanan sa salapi, ug nagtimbang ug plata sa timbangan, nagsuhol sa usa ka tigsalsal ug bulawan, ug siya naghimo niini nga usa ka dios; unya sila nangyukbo ug nagsimba!

Jeremias 7:18

Ang mga bata nangahoy, ang mga amahan naghaling ug kalayo, ug ang mga babaye nagmasa ug harina aron maghimo ug torta alang sa rayna sa langit, ug nagbubo sila ug halad nga ilimnon alang sa lain nga mga dios aron sa paghagit kanako sa pagkasuko.

Ezequiel 23:41

Milingkod ikaw sa harianong higdaanan, ug adunay usa ka lamisa nga inandam sa atubangan niini, nga gibutangan nimo sa akong insenso ug sa akong lana.

Daniel 3:1

Si Hari Nabucodonosor nagbuhat ug usa ka larawan nga bulawan nga ang gitas-on 60 ka maniko ug ang gilapdon niini unom ka maniko. Iya kining gipahiluna sa kapatagan sa Dura, sa lalawigan sa Babilonia.

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Oseas 10:1

Ang Israel usa ka malamboon nga paras, nga naghatag sa iyang bunga. Sa nag-anam ug kadaghan ang iyang bunga nagkadaghan usab ang halaran nga iyang gihimo; sa nag-uswag ang yuta, gipauswag usab niya ang iyang mga haliging larawan.

Oseas 13:1

Sa diha nga ang Efraim misulti, dihay pagkurog, gipasidunggan siya sa Israel, apan siya nakasala pinaagi kang Baal ug siya namatay.

Oseas 13:2

Ug karon nagdugang ang ilang pagpakasala ug naghimo ug mga tinunaw nga larawan alang sa ilang kaugalingon, mga diosdios nga hinimo gikan sa plata, ang tanan niini buhat sa mga batid nga tigpamuhat. Sila miingon, “Paghalad kamo alang niini.” Ang mga tawo mihalok sa mga nating baka!

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Oseas 4:11

Ang bino ug ang bag-ong bino magkuha sa pagpanabot.

Oseas 8:4

Nagbutang sila ug mga hari apan dili pinaagi kanako; nagpahimutang sila ug mga pangulo, apan wala nako mahibaloi. Pinaagi sa ilang plata ug bulawan naghimo sila ug mga diosdios alang sa ilang kaugalingong kalaglagan.

Habacuc 1:16

Busa naghalad siya alang sa iyang pukot, ug nagsunog ug insenso alang sa iyang baling; kay pinaagi kanila nagkinabuhi siya diha sa kaharuhay ug daghan ang iyang pagkaon.

Lucas 15:13

Human sa pipila ka adlaw, gihipos sa manghod ang tanan nga iyaha ug milakaw ngadto sa layong dapit, ug didto iyang giusik-usikan ang iyang katigayonan pinaagi sa pagkinabuhi nga mapatuyangon.

Roma 1:28

Ug kay wala man nila hunahunaa nga kinahanglan ang pagbaton ug kahibalo sa Dios, ang Dios mitugyan kanila ngadto sa salawayong panghunahuna, sa pagbuhat sa mga butang nga dili angay.

Deuteronomio 8:18

Apan hinumdomi ang Ginoo nga inyong Dios kay siya mao ang naghatag ug gahom sa pagbaton sa mga bahandi, aron mapamatud-an niya ang iyang kasabotan nga gipanumpa niya sa inyong katigulangan sama niining adlawa.

Mga Maghuhukom 9:27

Ug miadto sila sa kapatagan ug nanguha sa paras gikan sa ilang mga parasan ug naghimog bino gikan niini ug nagpista ug nangadto sa balay sa ilang dios ug nangaon ug nanginom, ug nagbugalbugal kang Abimelek.